Wednesday, Oct 28 2020 | Time 18:02 Hrs(IST)
  • 25 ವರ್ಷದ ಹಿಂದೆ ತೀರಿ ಹೋದ ತಾಯಿಯನ್ನು ಹೇಗೆ ಮಾರಾಟ ಮಾಡಲಿ? ಮುನಿರತ್ನ ಕಣ್ಣೀರು
  • ಭ್ರಷ್ಟಾಚಾರ ಆರೋಪ: ಮುಖ್ಯಮಂತ್ರಿ ವಿರುದ್ಧ ತನಿಖೆಗೆ ಹೈಕೋರ್ಟ್ ಆದೇಶ
  • ಕೋವಿಡ್‍-19: 4 39 ಕೋಟಿ ದಾಟಿದ ಜಾಗತಿಕ ಪ್ರಕರಣಗಳ ಸಂಖ್ಯೆ
  • ರಾಜ್ಯದಲ್ಲಿ ಮೀನುಗಾರಿಕೆ ವಿಶ್ವವಿದ್ಯಾಲಯ ಸ್ಥಾಪಿಸಲು ಪ್ರಸ್ತಾವ ಸಲ್ಲಿಕೆ
  • ಕಾಶ್ಮೀರದಲ್ಲಿ 370ನೇವಿಧಿ ರದ್ದಾದ ಮೇಲೆ ಏನು ಬದಲಾಗಿದೆ: ಶಿವಸೇನೆ ಪ್ರಶ್ನೆ
  • ‘ಮೊಲಾವೆ’ ಚಂಡಮಾರುತ ಅಬ್ಬರ: ವಿಯೆಟ್ನಾಂನಲ್ಲಿ 26 ಮೀನುಗಾರರು ನಾಪತ್ತೆ
  • ಶ್ರೀನಗರದಲ್ಲಿನ 9 ಸ್ಥಳಗಳಲ್ಲಿ ಎನ್ಐಎ ದಾಳಿ
  • ತೇಜಸ್ವಿ ಯಾದವ್ ಬಿಹಾರ ಭವಿಷ್ಯದ ನಾಯಕನಲ್ಲ, ‘ಜಂಗಲ್ ರಾಜ್’ ರಾಜ ಕುಮಾರ : ಮೋದಿ ಲೇವಡಿ
  • ಮಧ್ಯ ಕಾಶ್ಮೀರದಲ್ಲಿ ಎನ್‌ಕೌಂಟರ್‌: ಇಬ್ಬರು ಜೈಶ್ ಉಗ್ರರು ಹತ
  • ಸಾನಿಯಾ ಮಿರ್ಜಾ ವಿರುದ್ದ ಬಿಜೆಪಿ ಶಾಸಕನ ಗಂಭೀರ ಆರೋಪ
  • ಹೊಳೆಯಲ್ಲಿ ಆರು ಬಾಲಕರು ಮುಳುಗಡೆ: ನಾಲ್ವರ ಮೃತದೇಹಗಳು ಶೋಧ
  • ಯಡಿಯೂರಪ್ಪ, ದೇವೇಗೌಡರು ಎಳೆ ಎತ್ತಾ? ; ಸಿದ್ದರಾಮಯ್ಯ
  • ನಿವೃತ್ತ ಪ್ರಾಂಶುಪಾಲರ ಕೊಲೆ; ಮೂವರು ಶಿಕ್ಷಕರು ಸೇರಿ ಐವರ ಬಂಧನ
  • ಜೆಡಿಎಸ್‌ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಎಂದವರೇ ನೀವೇ ಸಿಎಂ ಅಂತಾ ಮನೆಗೆ ಬಂದಿದ್ದರು : ಎಚ್‌ ಡಿ ಕುಮಾರಸ್ವಾಮಿ
  • ಜೆಡಿಎಸ್‌ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಎಂದವರೇ ನೀವೇ ಸಿಎಂ ಆಗಿ ಎಂದು ಮನೆಗೆ ಬಂದಿದ್ದರು: ಎಚ್‌ ಡಿ ಕುಮಾರಸ್ವಾಮಿ
Sports Share

ಐಪಿಎಲ್ 2020: ರಾಯಲ್‌ ಚಾಲೆಂಜರ್ಸ್‌ ನೂತನ ಹಾಡು ಬಿಡುಗಡೆ

ನವದೆಹಲಿ, ಸೆ. 18 (ಯುಎನ್ಐ)
ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯ 13ನೇ ಆವೃತ್ತಿಯ ಆರಂಬಕ್ಕೆ ಇನ್ನು ಕೆಲವೇ ಗಂಟೆಗಳು ಮಾತ್ರವೇ ಬಾಕಿಯಿದ್ದು, ಯುಎಇ ಅಂಗಣದಲ್ಲಿ ಕ್ರಿಕೆಟ್‌ ಕದನ ಆರಂಭಿಸಲು ಎಲ್ಲಾ 8 ಫ್ರಾಂಚೈಸಿಗಳು ಸಜ್ಜಾಗಿ ನಿಂತಿವೆ.
ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡ ಈ ಬಾರಿ ಪ್ರಶಸ್ತಿ ಗೆಲ್ಲುವ ಫೇವರಿಟ್‌ ತಂಡಗಳಲ್ಲಿ ಒಂದಾಗಿದ್ದು, ವಿರಾಟ್‌ ಕೊಹ್ಲಿ ಸಾರಥ್ಯದಲ್ಲಿ ಸೆ.21ರಂದು ದುಬೈನಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಅಪಾಯಕಾರಿ ಸನ್‌ರೈಸರ್ಸ್‌ ಹೈದರಾಬಾದ್‌ ವಿರುದ್ಧ ತನ್ನ ಅಭಿಯಾನ ಆರಂಭಿಸಿದೆ. ಈ ಮಧ್ಯೆ ಟೂರ್ನಿಯುದ್ದಕ್ಕೂ ತಂಡವನ್ನು ಹುರಿದುಂಬಿಸುವ ಸಲುವಾಗಿ ಚಾಲೆಂಜರ್ಸ್‌ ತನ್ನ ನೂತನ ಹಾಡನ್ನು ಬಿಡುಗಡೆ ಮಾಡಿದೆ.
ಈ ಬಾರಿ ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿ ಯುಎಇ ಅಂಗಣದಲ್ಲಿ ಪ್ರಮುಖವಾಗಿ ಖಾಲಿ ಕ್ರೀಡಾಂಗಣಗಳಲ್ಲಿ ಪಂದ್ಯಗಳನ್ನು ಆಯೀಜಿಸಲಾಗುತ್ತದೆ. ಹೀಗಾಗಿ ಪಂದ್ಯದ ವೇಳೆ ಪ್ರೇಕ್ಷಕರು ಇಲ್ಲದ ಕೊರತೆಯನ್ನು ನೀಗಿಸಿಕೊಳ್ಳುವ ನಿಟ್ಟಿನಲ್ಲಿ ಚಾಲೆಂಜರ್ಸ್‌ ರೋಮಾಂಚನ ನೀಡುವಂತಹ ತನ್ನ ನೂತ ಹಾಡನ್ನು ಶುಕ್ರವಾರ ಬಿಡುಗಡೆ ಮಾಡಿದೆ.
ಚಾಲೆಂಜರ್ಸ್‌ ತನ್ನ ಅಧಿಕೃತ ಟ್ವಿಟರ್‌ ಖಾತೆಯ ಮೂಲಕ 1 ನಿಮಿಷ, 46 ಸೆಕಂಡ್‌ಗಳ ನೂತನ ಹಾಡಿನ ತುಣುಕನ್ನು ಹಂಚಿಕೊಂಡಿದೆ. ಎಂದಿನಂತೆ ತಂಡದ ಧೇಯ ಮಂತ್ರ 'ಪ್ಲೇ ಬೋಲ್ಡ್‌' ಸಂದೇಶ ಸಾರುವ ಹಾಡು ಅದ್ಭುತ ಮ್ಯೂಸಿಕ್‌ನೊಂದಿಗೆ ಆಕರ್ಷಣೀಯ ಸಂಯೋಜನೆ ಪಡೆದುಕೊಂಡಿದೆ. ವಿಡಿಯೋದಲ್ಲಿ ಚಾಲೆಂಜರ್ಸ್‌ನ ಸ್ಟಾರ್‌ಗಳಾದ ಕ್ಯಾಪ್ಟನ್‌ ಕೊಹ್ಲಿ, ಎಬಿ ಡಿ'ವಿಲಿಯರ್ಸ್‌, ಯುಜ್ವೇಂದ್ರ ಚಹಲ್, ಕ್ರಿಸ್‌ ಮಾರಿಸ್ ಮತ್ತು ಶಿವಂ ದುಬೇ ಅವರನ್ನು ಕಾಣಬಹುದಾಗಿದೆ.
ವಿಶೇಷ ಎಂಬಂತೆ ಕನ್ನಡದಲ್ಲಿ 'ಏನೇ ಬಾರಿ.. ಎಂತೇ ಇರಲಿ..' ಎಂದು ಶುರುವಾಗುವ ಹಾಡಿನ ಮೊದಲ ಸಾಲುಗಳನ್ನು ಎಬಿ ಡಿವಿಲಿಯರ್ಸ್‌ ಹಾಡುತ್ತಿರುವುದನ್ನು ಕಾಣಬಹುದು. ಆದರೆ, ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿರುವುದು ಅತಿಯಾದ ಹಿಂದಿ ಬಳಕೆ. ಆರಂಭದಲ್ಲಿ ಒಂದೇ ಒಂದು ಸಾಲನ್ನು ಬಿಟ್ಟರೆ ಹಾಡಿನ ಸಂಪೂರ್ಣ ಸಾಹಿತ್ಯ ಹಿಂದಿ ಮತ್ತು ಇಂಗ್ಲಿಷ್‌ನಲ್ಲಿದೆ. ಇದಕ್ಕೆ ಕರ್ನಾಟಕ ರಣಜಿ ತಂಡದ ಮಾಜಿ ನಾಯಕ ದೊಡ್ಡ ಗಣೇಶ್ ಕೂಡ ಅಸಮಾಧಾನ ಹೊರಹಾಕಿದ್ದಾರೆ.
"ಚೆನ್ನಾಗಿದೆ.. ಆದರೆ ಹಿಂದಿ ಬದಲು ಕನ್ನಡವನ್ನೇ ಬಳಸಿದ್ದರೆ ಇನ್ನೂ ಚೆನ್ನಾಗಿರೋದು," ಎಂದು ಟೀಮ್ ಇಂಡಿಯಾದ ಮಾಜಿ ವೇಗದ ಬೌಲರ್‌ ದೊಡ್ಡ ಗಣೇಶ್‌ ಟ್ವಿಟರ್‌ ಮೂಲಕ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಅಭಿಮಾನಿಯೊಬ್ಬ "ಹಿಂದಿ ಇದ್ರು ಕನ್ನಡದಲ್ಲೇ ಶುರುವಾಗುತ್ತದೆ ಅಷ್ಟು ಸಾಕು," ಎಂದು ಉತ್ತರಿಸಿದ್ದಾರೆ.
ಇದಕ್ಕೆ ಖಡಕ್ ಉತ್ತರ ಕೊಟ್ಟಿರುವ ದೊಡ್ಡ ಗಣೇಶ್‌, "ಕನ್ನಡಿಗರು ಅಲ್ಪತೃಪ್ತರು !! ಬೆಂಗಳೂರು ತಂಡದ ಹಾಡು ಕನ್ನಡದಲ್ಲಿ ಶುರು ಆದ್ರೆ ಸಾಕು ಬೇರೆ ಯಾವ ಭಾಷೆ ಇದ್ರೂ ಸರಿ ಅಂದ್ರೆ ಏನ್ ಹೇಳಲಿ," ಎಂದು ಚುರುಕು ಮುಟ್ಟಿಸಿದ್ದಾರೆ. ಮೊದಲೇ ಕರ್ನಾಟಕದಲ್ಲಿ ಬಲವಂತವಾಗಿ ಹಿಂದಿ ಹೇರಿಕೆ ವಿರುದ್ಧ ದನಿ ಜೋರಾಗಿದ್ದು, ಈ ಸಂದರ್ಭದಲ್ಲಿ ಆರ್‌ಸಿಬಿ ತಂಡ ಹಿಂದಿಯನ್ನೇ ಹೆಚ್ಚು ಬಳಕೆ ಮಾಡಿ ತನ್ನ ಹಾಡನ್ನು ರೂಪಿಸಿರುವುದಕ್ಕೆ ಅಸಮಾಧಾನ ಹೆಚ್ಚಾಗಿದೆ.
"ಚೆನ್ನೈ ಸೂಪರ್‌ ಕಿಂಗ್ಸ್‌ ತಂದ ಹಾಡಿನಲ್ಲಿ ತಮಿಳಿನಲ್ಲೇ ಸ್ಥಳೀಯ ಸ್ವಾದಕ್ಕೆ ಹೆಚ್ಚು ಒತ್ತು ನೀಡಲಾಗಿದೆ. ಆರ್‌ಸಿಬಿ ಅಭಿಮಾನಿಗಳು ಬಯಸುತ್ತಿರುವುದು ಕನ್ನಡ ಹಾಡು. ಏಕೆಂದರೆ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು, ಬೆಂಗಳೂರು ತಂಡವಿದು. ಬೆಂಗಳೂರಿನ ಅಧಿಕೃತ ಭಾಷೆ ಕನ್ನಡ," ಎಂದು ಗಣೇಶ್‌ ದೊಡ್ಡ ಮಾತುಗಳ ಮೂಲಕ ಬಿಸಿ ಮುಟ್ಟಿಸಿದ್ದಾರೆ.
ಆರ್‌ಸಿಬಿ ತಂಡ ಇದಕ್ಕೂ ಮುನ್ನ ಕೊರೊನಾ ವೈರಸ್‌ ನಿಯಂತ್ರಣ ಸಲುವಾಗಿ ಹೋರಾಡುತ್ತಿರುವ ಕೊರೊನಾ ವಾರಿಯರ್ಸ್‌ಗೆ ಗೌರವ ಸೂಚಿಸುವ ಉದ್ದೇಶದಿಂದ ತಮ್ಮ ಸಮವಸ್ತ್ರದಲ್ಲಿ 'ಮೈ ಕೋವಿಡ್‌ ಹೀರೋಸ್' ಎಂದು ಬರೆದುಕೊಂಡಿದೆ. ಟೂರ್ನಿಯುದ್ದಕ್ಕೂ ಇದೇ ತಲೆಬರಹ ಹೊಂದಿರುವ ಸಮವಸ್ತ್ರ ತೊಟ್ಟು ಆಡಲಿದೆ.
ಯುಎನ್ಐಆರ್ ಕೆ 1517
More News

ಕೋಲ್ಕೊತಾಗೆ "ಮಾಡು ಇಲ್ಲವೇ ಮಡಿ" ಹಣಾಹಣಿ

28 Oct 2020 | 11:07 AM

 Sharesee more..

ಪಿಂಕ್ ಬಾಲ್ ಟೆಸ್ಟ್ ಗೆ ಅಡಿಲೇಡ್ ಆತಿಥ್ಯ

28 Oct 2020 | 10:36 AM

 Sharesee more..