Sunday, Aug 25 2019 | Time 02:32 Hrs(IST)
International Share

ಭಾರತ-ಚೀನಾ ಸಂಬಂಧಗಳು ಜಾಗತಿಕ ಆಯಾಮಗಳನ್ನು ಹೊಂದಿವೆ: ಜೈಶಂಕರ್

ಭಾರತ-ಚೀನಾ ಸಂಬಂಧಗಳು ಜಾಗತಿಕ ಆಯಾಮಗಳನ್ನು ಹೊಂದಿವೆ: ಜೈಶಂಕರ್
ಭಾರತ-ಚೀನಾ ಸಂಬಂಧಗಳು ಜಾಗತಿಕ ಆಯಾಮಗಳನ್ನು ಹೊಂದಿವೆ: ಜೈಶಂಕರ್

ಬೀಜಿಂಗ್, ಆಗಸ್ಟ್ 13 (ಯುಎನ್ಐ) ಭಾರತ-ಚೀನಾ ಸಂಬಂಧಗಳು ದ್ವಿಪಕ್ಷೀಯವಾಗಿರದೆ, ಜಾಗತಿಕ ಆಯಾಮಗಳನ್ನು ಪಡೆದುಕೊಂಡಿದ್ದು ಉಭಯ ದೇಶಗಳು ಸಂಬಂಧಗಳ ದಿಕ್ಕಿನ ಬಗ್ಗೆ ಕಾರ್ಯತಂತ್ರದ ದೃಷ್ಟಿಕೋನವನ್ನು ಹೊಂದಬೇಕಾದ ಅಗತ್ಯವಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್ ಹೇಳಿದ್ದಾರೆ.

'ನಮ್ಮ ನಡುವಿನ ಸಂಬಂಧ ತುಂಬಾ ವಿಶಾಲದ್ದಾಗಿದೆ. ಇದು ಇನ್ನು ಮುಂದೆ ದ್ವಿಪಕ್ಷೀಯ ಸಂಬಂಧವಾಗಿರದೆ ಜಾಗತಿಕ ಆಯಾಮಗಳನ್ನು ಹೊಂದಿದೆ" ಎಂದು ಜೈಶಂಕರ್ ಅವರು

ಸರ್ಕಾರಿ ಸ್ವಾಮ್ಯದ ಕ್ಸಿನುವಾ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

ಆರ್ಥಿಕವಾಗಿ ಹೊರಹೊಮ್ಮುತ್ತಿರುವ ಎರಡು ಅತಿದೊಡ್ಡ ಅಭಿವೃದ್ಧಿಶೀಲ ರಾಷ್ಟ್ರಗಳಾದ ಭಾರತ ಮತ್ತು ಚೀನಾ ನಡುವಿನ ಸಹಕಾರ ವಿಶ್ವಕ್ಕೆ ಬಹಳ ಮಹತ್ವದ್ದಾಗಿದೆ. ವಿಶ್ವ ಶಾಂತಿ, ಸ್ಥಿರತೆ ಮತ್ತು ಅಭಿವೃದ್ಧಿಗೆ ತಮ್ಮದೇ ಕೊಡುಗೆ ನೀಡಲು ಉಭಯ ದೇಶಗಳು ಸಂವಹನ ಮತ್ತು ಸಮನ್ವಯತೆಯನ್ನು ಹೆಚ್ಚಿಸುವ ಅಗತ್ಯವಿದೆ ಎಂದು ಜೈಶಂಕರ್‌ ಹೇಳಿದ್ದಾರೆ.

ಉಭಯ ದೇಶಗಳು ಪ್ರಮುಖ ಕಾಳಜಿಯನ್ನು ಪರಸ್ಪರ ಗೌರವಿಸುವುದು, ಭಿನ್ನಾಭಿಪ್ರಾಯಗಳನ್ನು ಬಗೆಹರಿಸಿಕೊಳ್ಳುವುದಕ್ಕೆ ಆದ್ಯತೆ ನೀಡಬೇಕಾದ ಅಗತ್ಯವಿದೆ ಎಂದು ಅವರು ಪ್ರತಿಪಾದಿಸಿದ್ದಾರೆ.

2009 ರಿಂದ 2013 ರವರೆಗೆ ಚೀನಾದ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದ ಜೈಶಂಕರ್, ಬೀಜಿಂಗ್‌ನಲ್ಲಿ ಭಾರತದ ಸುದೀರ್ಘ ಅವಧಿಯ ರಾಯಭಾರಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ವಿದೇಶಾಂಗ ವ್ಯವಹಾರಗಳ ಸಚಿವರಾದ ನಂತರ ತಮ್ಮ ಹೊಸ ಪಾತ್ರದ ಆರಂಭದಲ್ಲಿ ಚೀನಾಕ್ಕೆ ಭೇಟಿ ನೀಡಿರುವುದಕ್ಕೆ ಸಂತಸವಾಗಿದೆ ಎಂದು ಜೈಶಂಕರ್ ಈ ಸಂದರ್ಭದಲ್ಲಿ ತಿಳಿಸಿದ್ದಾರೆ.

ಯುಎನ್‌ಐ ಎಸ್‌ಎಲ್‌ಎಸ್ ಕೆವಿಆರ್ 2025