Sunday, Jan 19 2020 | Time 04:10 Hrs(IST)
Special Share

ಮಳೆ ವಿಕೋಪ: ಕೇರಳದಲ್ಲಿ ಸಾವಿನ ಸಂಖ್ಯೆ 86ಕ್ಕೆ ಏರಿಕೆ, 61 ಮಂದಿ ನಾಪತ್ತೆ

ಮಳೆ ವಿಕೋಪ: ಕೇರಳದಲ್ಲಿ ಸಾವಿನ ಸಂಖ್ಯೆ 86ಕ್ಕೆ ಏರಿಕೆ, 61 ಮಂದಿ ನಾಪತ್ತೆ
ಮಳೆ ವಿಕೋಪ: ಕೇರಳದಲ್ಲಿ ಸಾವಿನ ಸಂಖ್ಯೆ 86ಕ್ಕೆ ಏರಿಕೆ, 61 ಮಂದಿ ನಾಪತ್ತೆ

ತಿರುವನಂತಪುರಂ, ಆಗಸ್ಟ್ 13 (ಯುಎನ್‌ಐ) ಕೇರಳದಲ್ಲಿ ಮಳೆ , ಪ್ರವಾಹ ಮತ್ತು ಭೂಕುಸಿತ ಸಂಬಂಧಿತ ಘಟನೆಗಳಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 86 ಕ್ಕೆ ಏರಿದೆ.

ರಾಜ್ಯದಲ್ಲಿ ತೀವ್ರ ಮಳೆ ಆರಂಭವಾದ ಆಗಸ್ಟ್ 8 ರಿಂದ 61 ಮಂದಿ ಇನ್ನೂ ಕಾಣೆಯಾಗಿದ್ದಾರೆ.

68,098 ಕುಟುಂಬಗಳ 2,24,506 ಜನರು ವಿವಿಧ ಜಿಲ್ಲೆಗಳ 1,243 ಪರಿಹಾರ ಶಿಬಿರಗಳಲ್ಲಿ ತಂಗಿದ್ದಾರೆ. ಹಲವರು ತಮ್ಮ ಸ್ಥಳಗಳಲ್ಲಿ ಪ್ರವಾಹ ಇಳಿಮುಖವಾಗಿದ್ದರಿಂದ ನಂತರ ತಮ್ಮ ಮನೆಗಳಿಗೆ ಮರಳಿದ್ದಾರೆ ಎಂದು ಅಧಿಕೃತ ಮೂಲಗಳು ಮಂಗಳವಾರ ತಿಳಿಸಿವೆ.

ಅಲಪುಳ, ಕೊಟ್ಟಾಯಂ, ಕಾಸರಗೋಡು ಜಿಲ್ಲೆಗಳಲ್ಲಿ ತಲಾ ಇಬ್ಬರು, ಇಡುಕ್ಕಿಯಲ್ಲಿ 5, ತ್ರಿಶೂರ್‌ನಲ್ಲಿ 8, ಮಲಪ್ಪುರಂನಲ್ಲಿ 29, ಕೋಜಿಕೋಡ್‌ನಲ್ಲಿ 17, ವಯನಾಡದಲ್ಲಿ 12, ಕಣ್ಣೂರು ಜಿಲ್ಲೆಯಲ್ಲಿ 9 ಜನರು ಮೃತಪಟ್ಟಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಮಲಪ್ಪುರಂನಲ್ಲಿ 53 ಮಂದಿ, ವಯನಾಡ್‌ನಲ್ಲಿ 7 , ಕೊಟ್ಟಾಯಂನಲ್ಲಿ ಒಬ್ಬರು ಸೇರಿದಂತೆ 61 ಮಂದಿ ಇನ್ನೂ ಕಾಣೆಯಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಪ್ರವಾಹದಲ್ಲಿ 1,057 ಮನೆಗಳು ಸಂಪೂರ್ಣ ಹಾನಿಗೊಳಗಾಗಿದ್ದು, 11,142 ಮನೆಗಳಿಗೆ ಭಾಗಶಃ ಹಾನಿಯಾಗಿದೆ ಎಂದು ಮೂಲಗಳು ತಿಳಿಸಿವೆ.

ಯುಎನ್‌ಐ ಎಸ್‌ಎಲ್‌ಎಸ್‌ ಕೆವಿಆರ್ 1748