Friday, May 29 2020 | Time 10:18 Hrs(IST)
  • ವಂದೇ ಭಾರತ್ ಮಿಷನ್: 45 ಸಾವಿರ ಭಾರತೀಯರು ತವರಿಗೆ
  • ಮೆಕ್ಸಿಕೋದಲ್ಲಿ ಕೊರೊನಾ ಸೋಂಕಿಗೆ ಮತ್ತೆ 447 ಬಲಿ, ಒಟ್ಟು 9,044 ಸಾವು
  • ಚಿಲಿಯಲ್ಲಿ 87 ಸಾವಿರ ಕೊರೊನಾ ಸೋಂಕು ಪ್ರಕರಣ
  • ರಾಜ್ಯಸಭಾ ಸದಸ್ಯ ವಿರೇಂದ್ರಕುಮಾರ್ ಇನ್ನಿಲ್ಲ
  • ಸೊಲ್ಲಾಪುರ; ಕೃಷಿ ಭೂಮಿಯಲ್ಲಿ ಸುಮಾರು ೭೦೦ ಪುರಾತನ ನಾಣ್ಯಗಳ ಪತ್ತೆ
  • ದಕ್ಷಿಣ ಸೊಮಾಲಿಯಾ; ಅಲ್ ಶಬಾಬ್ ಉಗ್ರರಿಂದ ೯ ವೈದ್ಯರನ್ನು ಅಪಹರಿಸಿ ಹತ್ಯೆ
  • ದಕ್ಷಿಣ ಸೊಮಾಲಿಯಾ; ಅಲ್ ಶಬಾಬ್ ಉಗ್ರರಿಂದ ೯ ವೈದ್ಯರನ್ನು ಅಪಹರಿಸಿ ಹತ್ಯೆ
  • ಲಾಕ್ ಡೌನ್; ರಾಜ್ಯಗಳ ಅಭಿಪ್ರಾಯ ಕೇಳಿದ ಗೃಹ ಸಚಿವ ಅಮಿತ್ ಶಾ
business economy Share

ರಿಲಯನ್ಸ್ ಡಿಜಿಟಲ್‌ನಲ್ಲಿ ಒನ್‌ಪ್ಲಸ್ ಟೀವಿ ಲೋಕಾರ್ಪಣೆ

ಮುಂಬಯಿ, ಅ.21 (ಯುಎನ್ಐ) ಭಾರತದ ನಂಬರ್ ಒನ್ ಇಲೆಕ್ಟ್ರಾನಿಕ್ಸ್ ರೀಟೇಲರ್ ಆದ ರಿಲಯನ್ಸ್ ಡಿಜಿಟಲ್, ತನ್ನ ರೀಟೇಲ್ ಮಳಿಗೆಗಳಲ್ಲಿ ಒನ್‌ಪ್ಲಸ್ ಟೀವಿ ಸರಣಿಯನ್ನು ಲೋಕಾರ್ಪಣೆಗೊಳಿಸಲು ಒನ್‌ಪ್ಲಸ್ ಜೊತೆಗೆ ಕೈಜೋಡಿಸಿದೆ.
ಪ್ರಭಾದೇವಿಯಲ್ಲಿರುವ ರಿಲಯನ್ಸ್ ಡಿಜಿಟಲ್ ಮಳಿಗೆಯಲ್ಲಿ ಒನ್‌ಪ್ಲಸ್ ಟೀವಿ 55 ಕ್ಯೂ1 ಹಾಗೂ ಒನ್‌ಪ್ಲಸ್ ಟೀವಿ 55 ಕ್ಯೂ1 ಪ್ರೋಗಳೆರಡನ್ನೂ ಇಂದು ಲೋಕಾರ್ಪಣೆಗೊಳಿಸಲಾಯಿತು. ರಿಲಯನ್ಸ್ ಡಿಜಿಟಲ್‌ನ ಸಿಇಓ ಬ್ರಿಯಾನ್ ಬೇಡ್, ರಿಲಯನ್ಸ್ ಡಿಜಿಟಲ್‌ನ ಇವಿಪಿ ಮತ್ತು ಸಿಎಂಓ ಕೌಶಲ್ ನೆವ್ರೇಕರ್, ಒನ್‌ಪ್ಲಸ್ ಇಂಡಿಯಾ ಜನರಲ್ ಮ್ಯಾನೇಜರ್ ವಿಕಾಸ್ ಅಗರ್‌ವಾಲ್ ಹಾಗೂ ಬಾಲಿವುಡ್ ನಟಿ ತಾರಾ ಸುತಾರಿಯಾ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಮಾತನಾಡಿದ ಬ್ರಿಯಾನ್ ಬೇಡ್, “ಇತ್ತೀಚಿನ ತಂತ್ರಜ್ಞಾನವನ್ನು ಮೊದಲು ಪರಿಚಯಿಸುವ ನಮ್ಮ ದಾಖಲೆಯ ಮುಂದುವರಿಕೆಯಾಗಿ, ರಿಲಯನ್ಸ್ ಡಿಜಿಟಲ್ ಕುಟುಂಬಕ್ಕೆ ಒನ್‌ಪ್ಲಸ್ ಟಿವಿಯನ್ನು ಸ್ವಾಗತಿಸಲು ನಾವು ಹೆಮ್ಮೆಪಡುತ್ತೇವೆ. ಭಾರತೀಯ ಗ್ರಾಹಕರು ಮತ್ತು ಪ್ರಪಂಚದೆಲ್ಲೆಡೆಯ ಹೊಸ ತಂತ್ರಜ್ಞಾನ ಬ್ರಾಂಡ್‌ಗಳ ನಡುವಿನ ಸೇತುವೆಯಾಗಿ ನಾವು ಮುಂದುವರಿಯುತ್ತೇವೆ.” ಎಂದು ಹೇಳಿದರು.
ಈ ಸಂದರ್ಭದಲ್ಲಿ ನೆರೆದಿದ್ದ ಅತಿಥಿಗಳನ್ನು ಉದ್ದೇಶಿಸಿ ಮಾತನಾಡಿದ ಒನ್‌ಪ್ಲಸ್ ಇಂಡಿಯಾ ಜನರಲ್ ಮ್ಯಾನೇಜರ್ ವಿಕಾಸ್ ಅಗರ್‌ವಾಲ್, ನಾವು ಕಳೆದ ವರ್ಷದ ನವೆಂಬರ್‌ನಿಂದ ರಿಲಯನ್ಸ್ ಡಿಜಿಟಲ್‌ನೊಂದಿಗೆ ಕೆಲಸ ಮಾಡುತ್ತಿದ್ದೇವೆ ಮತ್ತು ಭಾರತದಾದ್ಯಂತ ನಮ್ಮ ಉತ್ಪನ್ನಗಳಿಗೆ ದೊರೆತಿರುವ ಗಮನಾರ್ಹ ಪ್ರತಿಕ್ರಿಯೆಯಿಂದ ನಮಗೆ ಬಹಳ ಸಂತೋಷವಾಗಿದೆ. ರಿಲಯನ್ಸ್ ಡಿಜಿಟಲ್‌ ರಾಷ್ಟ್ರವ್ಯಾಪಿಯಾದ ಯಶಸ್ವಿ ಜಾಲವನ್ನು ಹೊಂದಿದೆ. 350+ ರಿಲಯನ್ಸ್ ಡಿಜಿಟಲ್ ಮಳಿಗೆಗಳಲ್ಲಿ ಒನ್‌ಪ್ಲಸ್ ಸಾಧನಗಳು ಮಾರಾಟವಾಗುತ್ತಿವೆ. ಒನ್‌ಪ್ಲಸ್ ಟಿವಿಗಳ ಲೋಕಾರ್ಪಣೆಯು ನಮ್ಮ ಫಲಪ್ರದ ಪಾಲುದಾರಿಕೆಯನ್ನು ಮತ್ತಷ್ಟು ಬಲಪಡಿಸುತ್ತದೆ ಮತ್ತು ಒನ್‌ಪ್ಲಸ್ ಟಿವಿಯನ್ನು ಖರೀದಿಸಲು ಬಯಸುವ ದೇಶದೆಲ್ಲೆಡೆಯ ಗ್ರಾಹಕರಿಗೆ ಇದು ಭೌತಿಕ ಅನುಭವ ಪಡೆದುಕೊಳ್ಳಲು ಅಮೂಲ್ಯವಾದ ಆಫ್‌ಲೈನ್ ವೇದಿಕೆಯನ್ನು ಒದಗಿಸುತ್ತದೆ ಎಂದು ಹೇಳಿದರು.
ತಂತ್ರಜ್ಞಾನ ಉತ್ಸಾಹಿ ತಾರಾ ಸುತಾರಿಯಾ ಮಾತನಾಡಿ, "ರಿಲಯನ್ಸ್ ಡಿಜಿಟಲ್ ನನ್ನ ನೆಚ್ಚಿನ ತಂತ್ರಜ್ಞಾನ ಮಳಿಗೆಯಾಗಿದೆ, ಮತ್ತು ನನ್ನ ಹಾಗೆ ಈ ಹೊಸ ತಲೆಮಾರಿನ ಟಿವಿ ಅನುಭವ ಪಡೆಯುವ ಅವಕಾಶ ಇಡೀ ಭಾರತಕ್ಕೆ ದೊರಕುತ್ತಿರುವುದು ನನಗೆ ಸಂತೋಷ ತಂದಿದೆ" ಎಂದು ಅವರು ಹೇಳಿದರು.
ಇತ್ತೀಚೆಗೆ ಪರಿಚಯಿಸಲಾಗಿರುವ ಒನ್‌ಪ್ಲಸ್ ಟೀವಿ ಒನ್‌ಪ್ಲಸ್ ಟೀವಿ 55 ಕ್ಯೂ 1 ಹಾಗೂ ಒನ್‌ಪ್ಲಸ್ ಟೀವಿ 55 ಕ್ಯೂ 1 ಪ್ರೋ ಎಂಬ ಎರಡು ಮಾದರಿಗಳಲ್ಲಿ ಲಭ್ಯವಿದ್ದು, ಎರಡೂ ಮಾದರಿಗಳು 4ಕೆ ಕ್ಯೂಎಲ್‌ಇಡಿ ಅನುಭವ ನೀಡಲಿವೆ. ಎರಡೂ ಸ್ಟಾರ್‌ ಟೀವಿಗಳು ಆಂಡ್ರಾಯ್ಡ್ ಟೀವಿಯ ಇತ್ತೀಚಿನ ಆವೃತ್ತಿ ಬಳಸಿ ಕೆಲಸಮಾಡುತ್ತವೆ.
ಇದಲ್ಲದೆ, ಒನ್‌ಪ್ಲಸ್ ಟೀವಿ ಖರೀದಿಸುವ ಗ್ರಾಹಕರಿಗೆ ಎಚ್‌ಡಿಎಫ್‌ಸಿ ಕಾರ್ಡ್‌ಗಳ ಮೇಲೆ ರೂ. 7000ವರೆಗಿನ ಕ್ಯಾಶ್‌ಬ್ಯಾಕ್, ನೋ ಕಾಸ್ಟ್ ಇಎಂಐ ಆಯ್ಕೆಗಳು, ವಿಸ್ತೃತ ವಾರಂಟಿ ಹಾಗೂ ಮಲ್ಟಿಬ್ಯಾಂಕ್ ಕ್ಯಾಶ್‌ಬ್ಯಾಕ್‌ನಂತಹ ಹಲವು ಕೊಡುಗೆಗಳ ಗುಚ್ಛವನ್ನೂ ರಿಲಯನ್ಸ್ ಡಿಜಿಟಲ್ ನೀಡುತ್ತಿದೆ ಎಂದು ಅವರು ತಿಳಿಸಿದರು.
ಯುಎನ್ಐ ಎಎಚ್ 1755
More News
ಮೂಲಸೌಕರ್ಯ ಅಭಿವೃದ್ಧಿಗೆ ‘ನ್ಯೂ ಡೆವಲಪ್‍ಮೆಂಟ್ ಬ್ಯಾಂಕ್‍’ ಕೊಡುಗೆ ಶ್ಲಾಘನೀಯ- ನಿರ್ಮಲಾ ಸೀತಾರಾಮನ್‍

ಮೂಲಸೌಕರ್ಯ ಅಭಿವೃದ್ಧಿಗೆ ‘ನ್ಯೂ ಡೆವಲಪ್‍ಮೆಂಟ್ ಬ್ಯಾಂಕ್‍’ ಕೊಡುಗೆ ಶ್ಲಾಘನೀಯ- ನಿರ್ಮಲಾ ಸೀತಾರಾಮನ್‍

27 May 2020 | 9:22 PM

ನವದೆಹಲಿ, ಮೇ 27(ಯುಎನ್‍ಐ)- ಮೂಲಸೌಕರ್ಯ ಅಭಿವೃದ್ಧಿಗೆ ಹಣಕಾಸು ನೆರವು ನೀಡುವಲ್ಲಿ ‘ನವ ಅಭಿವೃದ್ಧಿ ಬ್ಯಾಂಕ್ (ನ್ಯೂ ಡೆವಲಪ್‍ಮೆಂಟ್‍ ಬ್ಯಾಂಕ್‍-ಎನ್‌ಡಿಬಿ) ನೀಡುತ್ತಿರುವ ಕೊಡುಗೆಯನ್ನು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಬುಧವಾರ ಶ್ಲಾಘಿಸಿದ್ದಾರೆ.

 Sharesee more..