Saturday, Jul 11 2020 | Time 11:02 Hrs(IST)
  • ಪುಲ್ವಾಮದಲ್ಲಿ ಭದ್ರತಾ ಪಡೆಯಿಂದ ಶೋಧ ಕಾರ್ಯಾಚರಣೆ
  • ಬಾರಮುಲ್ಲಾ ಗಡಿಯಲ್ಲಿ ಒಳನುಸುಳಲು ಯತ್ನಿಸಿದ ಇಬ್ಬರು ಉಗ್ರರ ಹತ್ಯೆ
National Share

ಹುರಿಯತ್ ಕಾನ್ಫರೆನ್ಸ್ ಗೆ ಸಯ್ಯದ್‍ ಅಲಿ ಶಾ ಗಿಲಾನಿ ರಾಜೀನಾಮೆ

ಹುರಿಯತ್ ಕಾನ್ಫರೆನ್ಸ್ ಗೆ ಸಯ್ಯದ್‍ ಅಲಿ ಶಾ ಗಿಲಾನಿ ರಾಜೀನಾಮೆ
ಹುರಿಯತ್ ಕಾನ್ಫರೆನ್ಸ್ ಗೆ ಸಯ್ಯದ್‍ ಅಲಿ ಶಾ ಗಿಲಾನಿ ರಾಜೀನಾಮೆ

ಶ್ರೀನಗರ, ಜೂನ್ 29 (ಯುಎನ್‌ಐ) ಕಳೆದ ಮೂರು ದಶಕಗಳಿಂದ ಕಾಶ್ಮೀರದಲ್ಲಿ ಪ್ರತ್ಯೇಕತಾವಾದಿಗಳ ಮುಖವಾಣಿಯಾಗಿದ್ದ ಸೈಯದ್ ಅಲಿ ಶಾ ಗಿಲಾನಿ, ಕಣಿವೆಯ ಅತಿದೊಡ್ಡ ಪ್ರತ್ಯೇಕತಾವಾದಿಗಳ ಒಕ್ಕೂಟವಾದ ಹುರಿಯತ್ ಕಾನ್ಫರೆನ್ಸ್(ಎಚ್‌ಸಿ)ಗೆ ರಾಜೀನಾಮೆ ನೀಡಿದ್ದಾರೆ.

ಹುರಿಯತ್ ಕಾನ್ಫರೆನ್ಸ್ ನ ಜೀವಾವಧಿ ಅಧ್ಯಕ್ಷರಾಗಿದ್ದ 90 ವರ್ಷ ವಯಸ್ಸಿನ ಗಿಲಾನಿ ಕಳೆದ ಹಲವಾರು ಅನಾರೋಗ್ಯದಿಂದ ಬಳಲುತ್ತಿದ್ದಾರೆ.

ಆಲ್-ಪಾರ್ಟಿ ಹುರಿಯತ್ ಕಾನ್ಫರೆನ್ಸ್‍ಗೆ ರಾಜೀನಾಮೆ ಘೋಷಿಸಿದ ನಂತರ ಗಿಲಾನಿ, ‘ ಒಕ್ಕೂಟದಲ್ಲಿನ ಪ್ರಸ್ತುತ ಸನ್ನಿವೇಶಗಳಿಂದ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ.’ ಎಂದು ಆಡಿಯೋ ಸಂದೇಶದಲ್ಲಿ ತಿಳಿಸಿದ್ದಾರೆ.

‘ಹುರಿಯತ್ ಕಾನ್ಫರೆನ್ಸ್‍ ನ ಸದ್ಯದ ಸ್ಥಿತಿಯ ಹಿನ್ನೆಲೆಯಲ್ಲಿ ಒಕ್ಕೂಟದಿಂದ ಸಂಪೂರ್ಣವಾಗಿ ನಿರ್ಗಮಿಸುತ್ತಿದ್ದೇನೆ . ಈ ಸನ್ನಿವೇಶದಲ್ಲಿ, ವಿವಿಧ ಪ್ರತ್ಯೇಕತಾವಾದಿ ಸಂಘಟನೆಗಳ ಮೈತ್ರಿ ಕೂಟದ ಎಲ್ಲರಿಗೂ ಈಗಾಗಲೇ ಎರಡು ಪುಟಗಳ ವಿವರವಾದ ಪತ್ರವನ್ನು ಕಳುಹಿಸಿದ್ದೇನೆ.’ಎಂದು ಗಿಲಾನಿ ಅವರು ಇಂದು ಬೆಳಿಗ್ಗೆ ಬಿಡುಗಡೆ ಮಾಡಿದ ಆಡಿಯೋ ಸಂದೇಶದಲ್ಲಿ ತಿಳಿಸಿದ್ದಾರೆ.

1993 ರಲ್ಲಿ ಸ್ಥಾಪಿತವಾದ ಹುರಿಯತ್‍ ಕಾನ್ಫರೆನ್ಸ್‍ ಸ್ಥಾಪಕ ಸದಸ್ಯರಲ್ಲಿ ಗಿಲಾನಿ ಒಬ್ಬರಾಗಿದ್ದರು. ಮಿರ್ವಾಯಿಜ್ ಮೌಲ್ವಿ ಒಮರ್ ಫಾರೂಕ್ ಅವರ ತಂದೆ ಮೇ 21, 1990 ರಂದು ಅವರ ನೈಜೀನ್ ನಿವಾಸದಲ್ಲಿ ಅಪರಿಚಿತ ಬಂದೂಕುಧಾರಿಗಳಿಂದ ಹತ್ಯೆಯಾದ ನಂತರ ಫಾರೂಕ್‍ ಒಕ್ಕೂಟದ ಮೊದಲ ಅಧ್ಯಕ್ಷರಾಗಿದ್ದರು.

2003 ರಲ್ಲಿ ಹುರಿಯತ್ ಕಾನ್ಫರೆನ್ಸ್ ಎರಡು ಬಣಗಳಾಗಿ ವಿಭಜನೆಗೊಂಡಿತು. ಗಿಲಾನಿ ಅದೇ ವರ್ಷದಲ್ಲಿ ತೆಹ್ರೀಕ್-ಎ-ಹುರಿಯತ್ ಎಂಬ ಹೊಸ ಪಕ್ಷವನ್ನು ಸ್ಥಾಪಿಸಿದ್ದರು.

ಹುರಿಯತ್ ಸಮ್ಮೇಳನದ ಒಂದು ಗಿಲಾನಿ ಬಣವನ್ನು ಮುನ್ನಡೆಸುತ್ತಿದ್ದರೆ, ಮತ್ತೊಂದು ಬಣದ ನೇತೃತ್ವವನ್ನು ಮಿರ್ವಾಯಿಜ್ ಉಮರ್ ಫಾರೂಕ್ ನೇತೃತ್ವ ವಹಿಸಿದ್ದರು.

ಹುರಿಯತ್ ಸಮ್ಮೇಳನದ ಮುಖ್ಯಸ್ಥರಾಗಿ ಮುಂದುವರಿದಿದ್ದರೂ, ಗಿಲಾನಿ ಮಾರ್ಚ್ 2018 ರಲ್ಲಿ ತೆಹ್ರೀಕ್-ಎ-ಹುರಿಯತ್ ಎಂಬ ಪ್ರತ್ಯೇಕತಾವಾದಿ ಪಕ್ಷದ ಅಧ್ಯಕ್ಷ ಸ್ಥಾನದಿಂದ ಹೊರಬಂದಿದ್ದರು. ಗಿಲಾನಿಯ ಆಪ್ತ ಸಹಾಯಕ ಮೊಹಮ್ಮದ್ ಅಶ್ರಫ್ ಸೆಹ್ರಾಯ್ , ತೆಹ್ರೀಕ್-ಎ-ಹುರಿಯತ್ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡಿದ್ದರು.

ಯುಎನ್‍ಐ ಎಸ್‍ಎಲ್‍ಎಸ್ 1437

More News
ವಾಸ್ತವ ಗಡಿ ನಿಯಂತ್ರಣಾ ರೇಖೆಯುದ್ದಕ್ಕೂ ಸೇನೆಗಳ ಸಂಪೂರ್ಣ ಹಿಂತೆಗೆತಕ್ಕೆ ಭಾರತ, ಚೀನಾ ಪುನರುಚ್ಛಾರ

ವಾಸ್ತವ ಗಡಿ ನಿಯಂತ್ರಣಾ ರೇಖೆಯುದ್ದಕ್ಕೂ ಸೇನೆಗಳ ಸಂಪೂರ್ಣ ಹಿಂತೆಗೆತಕ್ಕೆ ಭಾರತ, ಚೀನಾ ಪುನರುಚ್ಛಾರ

10 Jul 2020 | 9:30 PM

ನವದೆಹಲಿ, ಜುಲೈ(ಯುಎನ್‍ಐ)- ಪೂರ್ವ ಲಡಾಖ್‍ ನ ವಾಸ್ತವ ಗಡಿ ನಿಯಂತ್ರಣಾ ರೇಖೆಯಯಲ್ಲಿ ಮುಂದುವರೆದಿರುವ ಸೇನೆ ಹಿಂತೆಗೆತದ ನಡುವೆ ಭಾರತ ಮತ್ತು ಚೀನಾ ರಾಯಭಾರಿಗಳು ಶುಕ್ರವಾರ ಸಭೆ ನಡೆಸಿ, ಗಡಿ ಪ್ರದೇಶಗಳಲ್ಲಿ ಶಾಂತಿ ಸ್ಥಾಪನೆಗೆ ಭಾರತ-ಚೀನಾ ಗಡಿಯಲ್ಲಿ ಸೇನೆಗಳನ್ನು ಸಂಪೂರ್ಣ ಹಿಂತೆಗೆದುಕೊಳ್ಳುವುದನ್ನು ಎರಡೂ ದೇಶಗಳು ಖಚಿತಪಡಿಸುತ್ತವೆ ಎಂದು ಪುನರುಚ್ಛರಿಸಿದ್ದಾರೆ.

 Sharesee more..

ಶಾಸ್ತ್ರಿ ಭವನದಲ್ಲಿ ಅಗ್ನಿ ಆಕಸ್ಮಿಕ

10 Jul 2020 | 4:57 PM

 Sharesee more..