Sunday, Jan 19 2020 | Time 03:50 Hrs(IST)
Special Share

'ಸ್ವಚ್ಛ ಸರ್ವೇಕ್ಷಣ್‌- 2020' ಗೆ ಸಚಿವ ಹರ್‌ದೀಪ್‌ ಸಿಂಗ್ ಪುರಿ ಚಾಲನೆ

'ಸ್ವಚ್ಛ ಸರ್ವೇಕ್ಷಣ್‌- 2020' ಗೆ ಸಚಿವ ಹರ್‌ದೀಪ್‌ ಸಿಂಗ್ ಪುರಿ ಚಾಲನೆ
'ಸ್ವಚ್ಛ ಸರ್ವೇಕ್ಷಣ್‌- 2020' ಗೆ ಸಚಿವ ಹರ್‌ದೀಪ್‌ ಸಿಂಗ್ ಪುರಿ ಚಾಲನೆ

ನವದೆಹಲಿ, ಆಗಸ್ಟ್ 13 (ಯುಎನ್‌ಐ) ಕೇಂದ್ರ ವಸತಿ ಮತ್ತು ನಗರಾಭಿವೃದ್ಧಿ ವ್ಯವಹಾರಗಳ ಸಚಿವಾಲಯ ನಡೆಸಿದ ವಾರ್ಷಿಕ ಸ್ವಚ್ಛತಾ ಸಮೀಕ್ಷೆಯ ಐದನೇ ಆವೃತ್ತಿಯ ಸ್ವಚ್ಛ ಸರ್ವೇಕ್ಷಣ್‌- 2020ಗೆ ಈ ಖಾತೆಯ ಸಚಿವ ಹರ್ದೀಪ್ ಸಿಂಗ್ ಪುರಿ ಮಂಗಳವಾರ ಚಾಲನೆ ನೀಡಿದರು.

ಇದೇ ವೇಳೆ, ಸ್ವಚ್ಛ ಸರ್ವೇಕ್ಷಣ್‌ 2020 ಸಲಕರಣೆ ಪೆಟ್ಟಿಗೆ, ಎಸ್‌ಬಿಎಂ ವಾಟರ್ ಪ್ಲಸ್ ಶಿಷ್ಟಾಚಾರ ಮತ್ತು ಸಲಕರಣೆ ಪೆಟ್ಟಿಗೆ, ಸಮಗ್ರ ತ್ಯಾಜ್ಯ ನಿರ್ವಹಣಾ ಆಪ್‌ ಆದ 'ಸ್ವಚ್ಛ ನಗರ್' ಗೂ ಸಚಿವರು ಚಾಲನೆ ನೀಡಿದರು.

ಕಂಗನಾ ರನೌತ್, ಗಾಯಕರಾದ ಕೈಲಾಶ್ ಖೇರ್ ಮತ್ತು ಮೊನಾಲಿ ಠಾಕೂರ್ ಅವರನ್ನೊಳಗೊಂಡ ವಿಶೇಷ ಸ್ವಚ್ಛ ಸರ್ವೇಕ್ಷಣ್‌ ಹಾಡು (ಥೀಮ್ ಸಾಂಗ್) ಅನ್ನು ಕಾರ್ಯಕ್ರಮದಲ್ಲಿ ಬಿಡುಗಡೆ ಮಾಡಲಾಯಿತು.

ಸಮಾರಂಭದಲ್ಲಿ ಮಾತನಾಡಿದ ಸಚಿವ ಪುರಿ ಅವರು, ಈ ವರ್ಷದ ಆರಂಭದಲ್ಲಿ, ಸ್ವಚ್ಛತೆಯ ಬಗ್ಗೆ ಸೇವಾ ಮಟ್ಟದ ಕಾರ್ಯಕ್ಷಮತೆಯನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡುವುದರೊಂದಿಗೆ ನಗರಗಳ ಬೇರುಮಟ್ಟದ ಕಾರ್ಯಕ್ಷಮತೆಯಲ್ಲಿ ಸ್ಥಿರತೆ ಕಾಪಾಡಿಕೊಳ್ಳುವ ಉದ್ದೇಶದಿಂದ ಸಚಿವಾಲಯ ಸ್ವಚ್ಛ ಸರ್ವೇಕ್ಷಣ್‌ ಲೀಗ್ 2020 (ಎಸ್‌ಎಸ್ ಲೀಗ್ 2020) ಆರಂಭಿಸಿದೆ ಎಂದು ಹೇಳಿದರು.

2020 ರ ಜನವರಿಯಲ್ಲಿ ನಡೆಸಲಾಗುವ ಕ್ಷೇತ್ರ ಸಮೀಕ್ಷೆಯೊಂದಿಗೆ ಇಂದು ಆರಂಭಿಸಲಾಗಿರುವ ಸ್ವಚ್ಛ ಸರ್ವೇಕ್ಷಣ್‌ 2020 ಕಾರ್ಯಕ್ರಮ ಮಹತ್ವದ್ದಾಗಿದೆ. ಏಕೆಂದರೆ ಇದು ಸ್ವಚ್ಛ, ಕಸಮುಕ್ತ ಮತ್ತು ನೈರ್ಮಲ್ಯದ 'ನವ ಭಾರತ'ದ ನಮ್ಮ ಭರವಸೆಯನ್ನು ಈಡೇರಿಸುವ ಅವಕಾಶವನ್ನು ಒದಗಿಸುತ್ತದೆ ಎಂದು ಹೇಳಿದರು.

ಯುಎನ್‌ಐ ಎಸ್‌ಎಲ್‌ಎಸ್ ಕೆವಿಆರ್ 1654