Sunday, Aug 25 2019 | Time 01:59 Hrs(IST)
Entertainment Share

ಆ 23ರಿಂದ ಶಂಕರ್ ನಾಗ್ “ಫ್ಯಾನ್” ತಂಗಾಳಿ : ಆಟೋ ಚಾಲಕರಿಗೆ ಮೊದಲ ದಿನದ ಮೊದಲ ಪ್ರದರ್ಶನಕ್ಕೆ ಉಚಿತ ಟಿಕೆಟ್

ಆ 23ರಿಂದ ಶಂಕರ್ ನಾಗ್ “ಫ್ಯಾನ್” ತಂಗಾಳಿ : ಆಟೋ ಚಾಲಕರಿಗೆ ಮೊದಲ ದಿನದ ಮೊದಲ ಪ್ರದರ್ಶನಕ್ಕೆ ಉಚಿತ ಟಿಕೆಟ್
ಆ 23ರಿಂದ ಶಂಕರ್ ನಾಗ್ “ಫ್ಯಾನ್” ತಂಗಾಳಿ : ಆಟೋ ಚಾಲಕರಿಗೆ ಮೊದಲ ದಿನದ ಮೊದಲ ಪ್ರದರ್ಶನಕ್ಕೆ ಉಚಿತ ಟಿಕೆಟ್

ಬೆಂಗಳೂರು, ಆ 13 (ಯುಎನ್ಐ) ಅಭಿಮಾನಿಯ ಅಭಿಮಾನವನ್ನು ಸಾರುವ “ಫ್ಯಾನ್” ಚಿತ್ರ ಇದೇ 23ರಂದು ರಾಜ್ಯಾದ್ಯಂತ 100ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ ಶಂಕರ್ ನಾಗ್ ಅವರನ್ನೇ ಆಧಾರವಾಗಿಟ್ಟುಕೊಂಡು ಅವರ ಜೀವನ ಚರಿತ್ರೆಯಿಂದ ಪ್ರೇರಣೆ ಪಡೆದು ನಿರ್ಮಿಸಿರುವ ಚಿತ್ರ ಹೀಗಾಗಿ ಅವರ ಕಟ್ಟಾ ಅಭಿಮಾನಿಗಳಾದ ಆಟೋ ಚಾಲಕರಿಗೆ ಬೆಂಗಳೂರಿನ ಕೆಂಪೇಗೌಡ ರಸ್ತೆಯ ಪ್ರಮುಖ ಚಿತ್ರಮಂದಿರದಲ್ಲಿ ಮೊದಲ ದಿನದ ಮೊದಲ ಪ್ರದರ್ಶನಕ್ಕೆ ಉಚಿತ ಟಿಕೆಟ್ ನೀಡುವುದಾಗಿ ಚಿತ್ರದ ನಿರ್ಮಾಪಕರು ಹಾಗೂ ನಿರ್ದೇಶಕರು ಘೋಷಿಸಿದ್ದಾರೆ ಆಟೊ ಚಾಲಕರು ತಮ್ಮ ಆಟೋ ಚಾಲನೆಯ ರಹದಾರಿ ಪತ್ರ ನೀಡಿ ಉಚಿತ ಟಿಕೆಟ್ ಪಡೆದು ಚಿತ್ರ ವೀಕ್ಷಿಸಬಹುದು ಎಂದು ಮಾಹಿತಿ ನೀಡಿದ್ದಾರೆ



ಶಂಕರ್ ನಾಗ್ ಅಭಿಮಾನಿಗೊಬ್ಬ ಅಭಿಮಾನಿಯಿದ್ದು, ಮುಂದೇನಾಗುತ್ತದೆ, ಅಭಿಮಾನಕ್ಕೆ ಅದೆಷ್ಟು ಘನತೆಯಿದೆ, ಶಂಕರ್ ನಾಗ್ ಅವರನ್ನು ಹೇಗೆ ಬಳಸಿಕೊಳ್ಳಲಾಗಿದೆ ಎಂಬುದು ಚಿತ್ರದ ತಿರುಳು ಹೊನ್ನಾವರ ಹಾಗೂ ಸುತ್ತಮುತ್ತಲಿನ ಸುಂದರ ತಾಣಗಳಲ್ಲಿ ಶೇ 80ರಷ್ಟು ಚಿತ್ರೀಕರಣವಾಗಿದ್ದು, ಅದ್ಭುತ ನಟ ನಡೆದಾಡಿದ ನೆಲ ಎಂಬ ಕಾರಣಕ್ಕೆ ಎಲ್ಲರ ಮನಸ್ಸಿಗೆ ಹತ್ತಿರವಾಗುತ್ತದೆ ಅಲ್ಲದೆ ಉತ್ತರಕನ್ನಡ ಜಿಲ್ಲೆಯ ಹವ್ಯಕ ಭಾಷೆಯನ್ನು ಚಿತ್ರದಲ್ಲಿ ಬಳಸಿರುವುದು ವಿಶೇಷ



ಎಸ್ ಎಲ್ ಎಸ್ ಸಿನಿಮಾಸ್ ಬ್ಯಾನರ್ ಅಡಿಯಲ್ಲಿ ಸವಿತಾ ಈಶ್ವರ್, ಶಶಿಕಿರಣ್ ಎಂ ಇ ಬಂಡವಾಳ ಹೂಡಿರುವ ಚಿತ್ರದ ಕಥೆ, ಚಿತ್ರಕಥೆ, ಸಂಭಾಷಣೆಯ ಜೊತೆಗೆ ನಿರ್ದೇಶನದ ಹೊಣೆಯನ್ನು ದರ್ಶಿತ್ ಭಟ್ ನಿರ್ವಹಿಸಿದ್ದು, ಮಂಗಳವಾರ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ ಹೊನ್ನಾವರದಲ್ಲಿ ಚಿತ್ರೀಕರಿಸಲಾಗಿರುವ ಯೋಗರಾಜ್ ಭಟ್ ಸಾಹಿತ್ಯದ “ನಾಲಿಗೆಗೆ ಜ್ವರ ಬಂದಂತಿದೆ” , ಜಯಂತ್ ಕಾಯ್ಕಿಣಿ ಬರೆದಿರುವ “ಯಾಕೆ ನಾನಿಷ್ಟ ಅಂತ ಹೇಳು”, ಸಂಭಾಷಣೆಯ ರೂಪದಲ್ಲಿರುವ “ಹಾಯ್ ಹಲ್ಲೋ ಸರ್” ಎಂಬ ವಿಶಿಷ್ಟ ಗೀತೆ ಈಗಾಗಲೇ ಜಾಲತಾಣದಲ್ಲಿ ಸದ್ದು ಮಾಡುತ್ತಿದ್ದು, ಲಕ್ಷಾಂತರ ಲೈಕ್ಸ್ ಪಡೆದಿದೆ



ಶಂಕರ್ ನಾಗ್ ಅಭಿಮಾನಿಯ ಪಾತ್ರದಲ್ಲಿ ಆರ್ಯನ್, ಸೀರಿಯಲ್ ನಟನ ಅಭಿಮಾನಕ್ಕಾಗಿ ತುಡಿಯುವ ಮುಗ್ಧ ಅಭಿಮಾನಿಯಾಗಿ ಅದ್ವಿತಿ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ ಈಗಾಗಲೇ ಧಾರಾವಾಹಿಗಳ ಮೂಲಕ ಗಮನ ಸೆಳೆದಿರುವ ಸಮೀಕ್ಷಾ, ಸೆಲೆಬ್ರಿಟಿ ಹೀರೋಯಿನ್ ಪಾತ್ರದಲ್ಲಿ ಅಭಿನಯಿಸಿದ್ದಾರೆ

ತಾರಾಗಣದಲ್ಲಿ ಆರ್ಯನ್, ಅದ್ವಿತಿ ಶೆಟ್ಟಿ, ಸಮೀಕ್ಷಾ, ಮಂಡ್ಯ ರಮೇಶ್, ನವೀನ್ ಪಡೀಲ್, ರವಿ ಭಟ್, ರಘುಪಾಂಡೇಶ್ವರ್, ವಿಜಯ್ ಕಾಶಿ, ಸ್ವಾತಿ, ವಿಜಯಲಕ್ಷ್ಮೀ ಉಪಾಧ್ಯಾಯ, ವಿಟ್ಲ ಮಂಗೇಶ್ ಭಟ್, ಪ್ರಸನ್ನ ಶೆಟ್ಟಿ, ಸಂಗೀತಾ ಭಟ್, ಪೃಥ್ವಿ ಸಾಗರ್, ಗಣೇಶ್ ಕೊಂಡಾಣಿ, ಪ್ರಣತಿ ಆರ್ ಗಾಣಿಗ, ಉದಯ್ ರಾಜು ಮೇಸ್ತಾ ಮುಂತಾದವರಿದ್ದಾರೆ



ಯುಎನ್ಐ ಎಸ್ಎ ಎಸ್ಎಚ್ 1633

More News
ವಿಜ್ಞಾನಿಯಾಗಿದ್ದ ವಿದ್ಯಾ ಈಗ ಗಣಿತಶಾಸ್ತ್ರಜ್ಞೆ !

ವಿಜ್ಞಾನಿಯಾಗಿದ್ದ ವಿದ್ಯಾ ಈಗ ಗಣಿತಶಾಸ್ತ್ರಜ್ಞೆ !

24 Aug 2019 | 2:11 PM

ಮುಂಬೈ 24 ಆಗಸ್ಟ್ (ಯುಎನ್ಐ) ವಿಭಿನ್ನ ಕಥೆಗಳುಳ್ಳ ಮಹಿಳಾ ಪ್ರದಾನ ಚಿತ್ರಗಳಲ್ಲಿ ನಟಿಸಿ ತಮ್ಮದೇ ಛಾಪನ್ನು ಮೂಡಿಸಿದ ಬಾಲಿವುಡ್ ನಟಿ ವಿದ್ಯಾ ಬಾಲನ್ ಈಗ ಮಾನವ ಕಂಪ್ಯೂಟರ್ ಎಂಬ ಖ್ಯಾತಿಯ ಗಣಿತಶಾಸ್ತ್ರಜ್ಞೆ ಶಕುಂತಲಾ ದೇವಿ ಅವರ ಜೀವನಾಧಾರಿತ ಚಿತ್ರದಲ್ಲಿ ನಟಿಸಲು ಉತ್ಸುಕರಾಗಿದ್ದಾರೆ.

 Sharesee more..

ದಕ್ಷಿಣ ಕೊರಿಯಾದಲ್ಲಿ 'ಅಂದಾಧುನ್'

24 Aug 2019 | 1:28 PM

 Sharesee more..