Monday, Sep 23 2019 | Time 02:28 Hrs(IST)
  • ಇಂಡೋ-ಆಫ್ರಿಕಾ ಚುಟುಕು ಸರಣಿ ಸಮಬಲ
Sports Share

ವಾರ್ನರ್‌ ಪರ ಬ್ಯಾಟ್‌ ಬೀಸಿದ ಜಸ್ಟಿನ್‌ ಲ್ಯಾಂಗರ್‌

ಲಂಡನ್‌, ಸೆ 11 (ಯುಎನ್‌ಐ) ಸತತ ವೈಫಲ್ಯ ಅನುಭವಿಸಿರುವ ಆರಂಭಿಕ ಬ್ಯಾಟ್ಸ್‌ಮನ್‌ ಡೇವಿಡ್‌ ವಾರ್ನರ್‌ ಅವರ ಪರ ಬ್ಯಾಟ್‌ ಬೀಸಿರುವ ಆಸ್ಟ್ರೇಲಿಯಾ ತಂಡದ ಮುಖ್ಯ ಕೋಚ್‌ ಜಸ್ಟಿನ್‌ ಲ್ಯಾಂಗರ್‌ ಇನ್ನುಳಿದ ಅಂತಿಮ ಪಂದ್ಯದ ಗೆಲುವಿಗೆ ಎಡಗೈ ಬ್ಯಾಟ್ಸ್‌ಮನ್‌ ನೆರವಾಗಲಿದ್ದಾರೆಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಡೇವಿಡ್‌ ವಾರ್ನರ್‌ ಅವರು ಇದುವರೆಗೂ ಆಡಿರುವ ಒಟ್ಟು ನಾಲ್ಕು ಪಂದ್ಯಗಳಿಂದ ಗಳಿಸಿರುವುದು ಕೇವಲ 79 ರನ್‌ ಮಾತ್ರ. ಎಂಟು ಬಾರಿ ಔಟ್‌ ಆಗಿರುವ ಅವರು ಆರು ಬಾರಿ ಸ್ಟುವರ್ಟ್‌ ಬ್ರಾಡ್‌ಗೆ ವಿಕೆಟ್‌ ಒಪ್ಪಿಸಿದ್ದಾರೆ.
"ಡೇವಿಡ್‌ ವಾರ್ನರ್‌ ವಿಶ್ವ ಶ್ರೇಷ್ಠ ಬ್ಯಾಟ್ಸ್‌ಮನ್‌. ಅವರ ಪಾಲಿಗೆ ಪ್ರಸ್ತುತ ಆ್ಯಶಸ್‌ ಸರಣಿ ಅಷ್ಟೊಂದು ಉತ್ತಮವಾಗಿಲ್ಲ. ಇದು ಎಲ್ಲರಿಗೂ ಗೊತ್ತಿರುವ ವಿಷಯ. ಆದರೆ, ಒಂದೇ ಒಂದು ಇನಿಂಗ್ಸ್‌ನಲ್ಲಿ ಅವರ ಬ್ಯಾಟಿಂಗ್‌ ಲಯಕ್ಕೆ ಬಂದರೆ ನಾವು ಆ್ಯಶಸ್‌ ಸರಣಿ ಗೆಲ್ಲುವುದು ಖಂಡಿತ ಎಂದರು.
ಚೆಂಡು ವಿರೂಪ ಪ್ರಕರಣದಲ್ಲಿ ಒಂದು ವರ್ಷ ಅಂತಾರಾಷ್ಟ್ರೀಯ ಕ್ರಿಕೆಟ್‌ ನಿಂದ ದೂರ ಉಳಿದಿದ್ದ ಡೇವಿಡ್‌ ವಾರ್ನರ್‌ ಪಾಲಿಗೆ ಇದೇ ಮೊದಲ ಟೆಸ್ಟ್ ಸರಣಿ ಆಗಿದೆ. ಇದಕ್ಕೂ ಮೊದಲು ಅವರ ಐಸಿಸಿ ವಿಶ್ವಕಪ್‌ನಲ್ಲಿ ಅಮೋಘ ಬ್ಯಾಟಿಂಗ್‌ ಮಾಡಿ 647ರನ್‌ ಗಳಿಸಿದ್ದರು. ಆದರೆ, ಆ್ಯಶಸ್‌ ಟೆಸ್ಟ್‌ ಸರಣಿಯ ನಾಲ್ಕು ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿದ್ದಾರೆ.
ಒಂದು ವರ್ಷ ಶಿಕ್ಷೆ ಅನುಭವಿಸಿ ತಂಡದ ಮರಳಿದ್ದ ಡೇವಿಡ್‌ ವಾರ್ನರ್‌ ಸೀಮಿತ ಓವರ್‌ಗಳಲ್ಲಿ ಅಸಾಧರಣ ಪ್ರದರ್ಶನ ತೋರಿದ್ದರು. ಆದರೆ, ಟೆಸ್ಟ್‌ನಲ್ಲಿ ಅವರು ಇನ್ನೂ ಲಯಕ್ಕೆ ಮರಳಿಲ್ಲ. ಮುಂದಿನ ಪಂದ್ಯದಲ್ಲಿ ಅವರು ಖಂಡಿತ ಆಡಲಿದ್ದಾರೆ. ಅವರ ಬ್ಯಾಟಿಂಗ್‌ ನೆರವಿನಿಂದ ಆಸ್ಟ್ರೇಲಿಯಾ ತಂಡ ಆ್ಯಶಸ್‌ ಗೆಲ್ಲಲಿದೆ ಎಂದು ಭರವಸೆಯನ್ನು ಲ್ಯಾಂಗರ್‌ ನೀಡಿದ್ದಾರೆ.
ಯುಎನ್‌ಐ ಆರ್‌ಕೆ ಎಎಚ್‌ 1133