Sunday, Aug 25 2019 | Time 01:42 Hrs(IST)
Sports Share

ಹಾಕಿ: ಡ್ರಾ ಸಾಧಿಸಿದ ಭಾರತ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್

ಬೆಂಗಳೂರು, ಆ 13, (ಯುಎನ್ಐ)- ಕೊನೆಯ ಅವಧಿಯಲ್ಲಿ ಅಮೋಘ ಆಟದ ಪ್ರದರ್ಶನ ನೀಡಿದ ಭಾರತ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ ಹಾಕಿ ಕರ್ನಾಟಕ ಆಶ್ರಯದ ಡೊಲೊ-650 ಬೆಂಗಳೂರು ಕಪ್ ಅಖಿಲ ಭಾರತ ಆಹ್ವಾನಿತ ಟೂರ್ನಿಯಲ್ಲಿ 5-5 ಗೋಲುಗಳಿಂದ ಇಂಡಿಯನ್ ಆಯಿಲ್ ಕಾರ್ಪೊರೇಶನ್ ಲಿಮಿಟೆಡ್ ತಂಡದ ವಿರುದ್ಧ ಡ್ರಾ ಸಾಧಿಸಿದೆ.

ಇಂಡಿಯನ್ ಆಯಿಲ್ ಕಾರ್ಪೊರೇಶನ್ ಲಿಮಿಟೆಡ್ ತಂಡದ ಪರ ಅಫಾನ್ ಯೂಸಫ್ 3, ತಲ್ವಿಂದರ್ ಸಿಂಗ್ 8, ಗುರ್ಜಿಂದರ್ ಸಿಂಗ್ 14, ಗುರ್ಜಿಂದರ್ ಸಿಂಗ್ 20, ಸುಮಿತ್ ಕುಮಾರ್ 42 ನೇ ನಿಮಿಷದಲ್ಲಿ ಗೋಲು ದಾಖಲಿಸಿದರು. ಭಾರತ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ ಪರ ದೇವಿಂದರ್ ವಾಲ್ಮೀಕಿ 10, ಮೊಹಮ್ಮದ್ ಮೊಹಮ್ಮದ್ ಅಮೀರ್ ಖಾನ್ 20, ಶಿಲಾಂದ ಲಕರ್ 39, ಅಭಾರನ್ ಸುದೇವ್ 57, ಮೊಹಮ್ಮದ್ ಅಮೀರ್ ಖಾನ್ 59 ನಿಮಿಷದಲ್ಲಿ ಗೋಲು ದಾಖಲಿಸಿ ಡ್ರಾ ಸಾಧಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದರು.

ಇನ್ನೊಂದು ಪಂದ್ಯದಲ್ಲಿ ಆರ್ಮಿ ಇಲೆವೆನ್ ತಂಡ 5-3 ಗೋಲುಗಳಿಂದ ಏರ್ ಇಂಡಿಯಾ ಮುಂಬೈ ತಂಡವನ್ನು ಮಣಿಸಿತು.
ಯುಎನ್ಐ ವಿಎನ್ಎಲ್ 2258