Connect with us


      




ವಾಣಿಜ್ಯ

ಒಎನ್‍ಜಿಸಿ ಅಧ್ಯಕ್ಷ, ವ್ಯವಸ್ಥಾಪಕ ನಿರ್ದೇಶಕ ಹುದ್ದೆ ಅಲಂಕರಿಸಿದ ಮೊದಲ ಮಹಿಳೆ ‘ಅಲ್ಕಾ ಮಿತ್ತಲ್’

Published

on

ನವದೆಹಲಿ: ಜನವರಿ 04(ಯು.ಎನ್.ಐ) ಆಯಿಲ್ ಅಂಡ್ ನ್ಯಾಚುರಲ್ ಗ್ಯಾಸ್ ಕಾರ್ಪೊರೇಷನ್ (ಒಎನ್‍ಜಿಸಿ)ನ ಮಾನವ ಸಂಪನ್ಮೂಲ ನಿರ್ದೇಶಕಿ ಅಲ್ಕಾ ಮಿತ್ತಲ್ ಕಂಪನಿಯ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ (ಸಿಎಮ್‍ಡಿ) ಹೆಚ್ಚುವರಿ ಜವಾಬ್ದಾರಿಯನ್ನು ವಹಿಸಿಕೊಂಡರು.

ಈ ಕಂಪನಿಯಲ್ಲಿ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಹುದ್ದೆಯನ್ನು ಅಲಂಕರಿಸಿದ ಮೊದಲ ಮಹಿಳೆಯಾಗಿದ್ದಾರೆ. ಡಿಸೆಂಬರ್ 31ರಂದು ನಿವೃತ್ತಿ ಹೊಂದಿದ ಸುಭಾಷ್ ಕುಮಾರ್ ಅವರ ಸ್ಥಾನಕ್ಕೆ ಮಿತ್ತಲ್ ನೇಮಕಗೊಂಡಿದ್ದಾರೆ.

ಮಿತ್ತಲ್ ಡಿಸೆಂಬರ್ 2018 ರಲ್ಲಿ ಒಎನ್‍ಜಿಸಿಯ ನಿರ್ದೇಶಕರಾಗಿ ಅಧಿಕಾರ ವಹಿಸಿಕೊಂಡರು ಮತ್ತು ಒಎನ್‍ಜಿಸಿ ಮಂಡಳಿಯಲ್ಲಿ ಪೂರ್ಣ ಸಮಯದ ನಿರ್ದೇಶಕರ ಹುದ್ದೆಯನ್ನು ಹೊಂದಿರುವ ಮೊದಲ ಮಹಿಳೆ ಎಂಬ ಖ್ಯಾತಿಗೆ ಒಳಗಾದರು.

ಕಳೆದ ವರ್ಷ ಮಾರ್ಚ್‍ನಲ್ಲಿ ಶಶಿ ಶಂಕರ್ ನಿವೃತ್ತರಾದ ನಂತರ ಒಎನ್‍ಜಿಸಿ ಪೂರ್ಣಾವಧಿ ಸಿಎಂಡಿ ನೇಮಕ ಮಾಡಿರಲಿಲ್ಲ. ಪಬ್ಲಿಕ್ ಎಂಟರ್‍ಪ್ರೈಸಸ್ ಸೆಲೆಕ್ಷನ್ ಬೋರ್ಡ್ ಜೂನ್‍ನಲ್ಲಿ ಇಬ್ಬರು ಸೇವೆಯಲ್ಲಿರುವ ಐಎಎಸ್ ಅಧಿಕಾರಿಗಳು ಸೇರಿದಂತೆ ಒಂಬತ್ತು ಅಭ್ಯರ್ಥಿಗಳನ್ನು ಉನ್ನತ ಹುದ್ದೆಗೆ ಸಂದರ್ಶನ ಕೈಗೊಂಡಿತ್ತು.

ಗ್ಯಾಜೆಟ್‌

ವಿಶ್ವದ ಮೊದಲ ಎರಾಂಡೋ ವಾಟ್ಸಾಪ್ ಚಾಲಿತ ವಿತರಣಾ ಸೇವೆ ಆರಂಭಿಸಿದ ಕೇರಳ

Published

on

ಕೊಚ್ಚಿ: ಜನೆವರಿ 19 (ಯು.ಎನ್.ಐ.) ಕೇರಳದ ಮೊದಲ ಹೈಪರ್‌ಲೋಕಲ್ ಡೆಲಿವರಿ ಸ್ಟಾರ್ಟ್‌ಅಪ್ ಎರಾಂಡೋ ವಾಟ್ಸಾಪ್ ಎಪಿಐ ಚಾಲಿತ ವಿತರಣಾ ಸೇವೆಯನ್ನು ಪ್ರಾರಂಭಿಸಿದ್ದು, ಇದು ವಿಶ್ವದ ಮೊದಲ ಪ್ರಯತ್ನವಾಗಿದೆ.

ಆಹಾರ, ಸ್ಟೇಷನರಿ, ಔಷಧಿ, ದಿನಸಿ ವಸ್ತುಗಳನ್ನು ಆರ್ಡರ್ ಮಾಡಲು ಅಥವಾ ಪಿಕಪ್ ಮತ್ತು ಡ್ರಾಪ್ ಪಡೆಯಲು ಗ್ರಾಹಕರು ಈಗ ತಮ್ಮ ವಾಟ್ಸಪ್ ಅನ್ನು ಬಳಸಬಹುದು. ಗ್ರಾಹಕರು 7994834834 ಗೆ ‘ಹಲೋ’ ಎಂದು ಕಳುಹಿಸುವ ಮೂಲಕ ಸೇವೆಯನ್ನು ಪಡೆಯಬಹುದಾಗಿದೆ.

ಮೊದಲಿಗೆ ಒಂದೆರಡು ಸ್ವಯಂಚಾಲಿತ ಪ್ರತ್ಯುತ್ತರ ಸಂದೇಶಗಳು ಗ್ರಾಹಕರನ್ನು ಆರ್ಡರ್ ಮಾಡಲು ಪ್ರೇರೇಪಿಸುತ್ತವೆ ಮತ್ತು ಮಾರ್ಗದರ್ಶನ ನೀಡುತ್ತವೆ. ಸ್ಥಳದ ಹೆಸರನ್ನು ಟೈಪ್ ಮಾಡುವ ಮೂಲಕ ಅಥವಾ ವಾಟ್ಸಾಪ್ ಲೊಕೇಶನ್ ಆಯ್ಕೆಯನ್ನು ಬಳಸಿಕೊಂಡು ಡೆಲಿವರಿ ಅಥವಾ ಪಿಕಪ್ ವಿಳಾಸಗಳನ್ನು ಸುಲಭವಾಗಿ ಹಂಚಿಕೊಳ್ಳಬಹುದು ಎಂದು ಎರಾಂಡೋ ಸಹ-ಸಂಸ್ಥಾಪಕ ಶಮೀರ್ ಪಥಯಕಂಡಿ ಮಾಹಿತಿ ನೀಡಿದರು.

ಶಮೀರ್ ಪಥಯಕಂಡಿ ಪ್ರಕಾರ, ಗ್ರಾಹಕರು ಸ್ವಯಂ-ರಚಿತ ಪಾವತಿ ಲಿಂಕ್‌ಗಳನ್ನು ಬಳಸಿಕೊಂಡು ಪಾವತಿಯನ್ನು ಮಾಡಬಹುದು ಮತ್ತು ಅದೇ ಚಾಟ್ ವಿಂಡೋದಲ್ಲಿ ಆರ್ಡರ್‌ನ ನವೀಕರಣಗಳನ್ನು ಸಹ ಪಡೆಯಬಹುದು. ಅಲ್ಲದೇ ಗ್ರಾಹಕರು ಹಲವು ಆಪ್‌ಗಳನ್ನು ಡೌನ್‌ಲೋಡ್ ಮಾಡುವುದನ್ನು ಇದು ತಪ್ಪಿಸುತ್ತದೆ. ಒಂದೇ ಸೂರಿನಡಿಯಲ್ಲಿ ಎಲ್ಲಾ ರೀತಿಯ ಸೇವೆಗಳನ್ನು ಒದಗಿಸಲಾಗುತ್ತದೆ. ಅಂದರೆ ಎರ್ರಾಂಡೋ ಅಂಗಡಿಗಳು ಅಥವಾ ಕಛೇರಿಗಳಿಂದ ಸರಕುಗಳನ್ನು ಮನೆಗೆ ವಿತರಿಸುವುದು, ಮನೆಯಿಂದ ಮರೆತುಹೋದ ವಸ್ತುಗಳು, ಔಷಧಿಗಳ ಖರೀದಿ ಮತ್ತು ಬಿಲ್ ಪಾವತಿಗಳನ್ನು ಒಳಗೊಂಡಿರುವ ವ್ಯಾಪಕ ಶ್ರೇಣಿಯ ಹೈಪರ್‌ಲೋಕಲ್ ಸೇವೆಗಳನ್ನು ಒದಗಿಸುತ್ತದೆ ಎಂದು ಹೇಳಿದರು.

ಇಂಗ್ಲಿಷ್ ಅಲ್ಲದೆ, ಮಲಯಾಳಂ, ಹಿಂದಿ, ತಮಿಳು ಮತ್ತು ಕನ್ನಡದಲ್ಲಿ ಸೇವೆಗಳು ಶೀಘ್ರದಲ್ಲೇ ಲಭ್ಯವಿರುತ್ತವೆ. 2016ರಲ್ಲಿ ತನ್ನ ಸೇವೆಗಳನ್ನು ಆರಂಭಿಸಿದ ಎರಾಂಡೋ ಪ್ರಸ್ತುತ ಕೊಚ್ಚಿ, ಕೋಝಿಕ್ಕೋಡ್, ತಿರುವನಂತಪುರಂ ಮತ್ತು ಬೆಂಗಳೂರಿನಲ್ಲಿ ಕಾರ್ಯನಿರ್ವಹಿಸುತ್ತಿದೆ. ನಾವು ತಿಂಗಳಿಗೆ ಸುಮಾರು 1.5 ಲಕ್ಷ ಆರ್ಡರ್‌ಗಳನ್ನು ಪೂರ್ಣಗೊಳಿಸುತ್ತೇವೆ ಎಂದರು.

ಸ್ಟಾರ್ಟಪ್ ಈ ಹಿಂದೆ ಏಂಜಲ್ ಫಂಡಿಂಗ್ ನಲ್ಲಿ ರೂ 1.5 ಕೋಟಿ ಸಂಗ್ರಹಿಸಿತ್ತು ಮತ್ತು ಈಗ ಹೈದರಾಬಾದ್, ಚೆನ್ನೈ, ಕೊಯಮತ್ತೂರು, ಮೈಸೂರು, ಮಂಗಳೂರು ಮತ್ತು ತ್ರಿಶೂರ್ ಸೇರಿದಂತೆ ದಕ್ಷಿಣ ಭಾರತದ ಆರು ನಗರಗಳಿಗೆ ವಿಸ್ತರಿಸುತ್ತಿದೆ. Errando (https://errando.co.in/) B2B ಗ್ರಾಹಕರಿಗೆ ಪೂರ್ಣ-ಸ್ಟಾಕ್ ಆರ್ಡರ್ ಪೂರೈಸುವಿಕೆ ಸೇವೆಗಳನ್ನು ಒದಗಿಸುತ್ತದೆ. ಇದರಲ್ಲಿ ಪೂರೈಸುವಿಕೆ, ವಿತರಣೆ, ರಿಟರ್ನ್ಸ್ ಮತ್ತು ಕ್ಯಾಶ್ ಆನ್ ಡೆಲಿವರಿ ಕೂಡ ಸೇರಿವೆ.

Continue Reading

ವಾಣಿಜ್ಯ

ವಿಶ್ವ ಆರ್ಥಿಕ ವೇದಿಕೆಯ ದಾವೂಸ್ ಸಭೆಯಲ್ಲಿಂದು ರಾತ್ರಿ ಪ್ರಧಾನಿ ಮೋದಿ ಭಾಷಣ

Published

on

By

ನವದೆಹಲಿ, ಜ ೧೭(ಯುಎನ್ ಐ) ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಇಂದು ರಾತ್ರಿ ೮.೩೦ಕ್ಕೆ ವಿಶ್ವ ಆರ್ಥಿಕ ವೇದಿಕೆಯ ದಾವೋಸ್ ಸಭೆಯಲ್ಲಿ ’ಜಗತ್ತಿನ ಸ್ಥಿತಿಗತಿ’ ಕುರಿತು ವಿಶೇಷ ಭಾಷಣ ಮಾಡಲಿದ್ದಾರೆ.
ವಿಡಿಯೋ ಕಾನ್ಫರೆನ್ಸ್ ಮೂಲಕ ಪ್ರಧಾನಮಂತ್ರಿ ಅವರು ಈ ಸಭೆ ಉದ್ದೇಶಿಸಿ ಮಾತನಾಡಲಿದ್ದಾರೆ.
ವಿಶ್ವ ಆರ್ಥಿಕ ವೇದಿಕೆಯ ಈ ಸಭೆಯಲ್ಲಿ ಹವಾಮಾನ ಬದಲಾವಣೆ, ಸಾಮಾಜಿಕ ಒಪ್ಪಂದಗಳು, ಲಸಿಕೆ ಸಮಾನತೆಯಂತಹ ಅತ್ಯಂತ ತುರ್ತು ಜಾಗತಿಕ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ ವಿಶ್ವದ ಹಲವಾರು ನಾಯಕರು ತಮ್ಮ ದೃಷ್ಟಿಕೋನ ಒಳನೋಟಗಳು ಹಾಗೂ ಅವುಗಳ ಕುರಿತು ಅನೇಕ ವಿಚಾರಗಳನ್ನು ಹಂಚಿಕೊಳ್ಳಲಿದ್ದಾರೆ.
ಆನ್‌ಲೈನ್ ಮೂಲಕ ಐದು ದಿನಗಳ ಕಾಲ ನಡೆಯಲಿರುವ ಈ ದಾವೋಸ್ ಅಜೆಂಡಾ ಶೃಂಗಸಭೆಗೆ ಇಂದು ಚಾಲನೆ ದೊರೆಯಲಿದೆ. ಜಪಾನ್ ಪ್ರಧಾನಮಂತ್ರಿ ಫುಮಿಯೊ ಕಿಶಿಡಾ, ಯುರೋಪಿಯನ್ ಆಯೋಗದ ಅಧ್ಯಕ್ಷ ಉರ್ಸುವಾ ವೋನ್‌ಡೆರ್ ಲೆಯೆನ್, ಆಸ್ಟ್ರೇಲಿಯಾ ಪ್ರಧಾನಮಂತ್ರಿ ಸ್ಕಾಟ್ ಮಾರಿಸನ್, ಇಸ್ರೇಲ್ ಪ್ರಧಾನಮಂತ್ರಿ ನಾಫ್ಟಲಿ ಬೆನೆಟ್, ಚೀನಾ ಅಧ್ಯಕ್ಷ ಕ್ಷಿ ಜಿನ್‌ಪಿಂಗ್ ಸೇರಿದಂತೆ ವಿಶ್ವದ ಇನ್ನು ಕೆಲವು ಪ್ರಮುಖ ನಾಯಕರು ಪಾಲ್ಗೊಳ್ಳಲಿದ್ದಾರೆ.
ವಿಶ್ವದ ಕೆಲ ಅಗ್ರಮಾನ್ಯ ಉದ್ಯಮಿಗಳು ಅಂತಾರಾಷ್ಟ್ರೀಯ ಸಂಘಟನೆಗಳು ಮತ್ತು ನಾಗರಿಕ ಸಮುದಾಯದ ಪ್ರಮುಖರು ವಿಶ್ವ ಆರ್ಥಿಕ ವೇದಿಕೆಯ ದಾವೋಸ್ ಅಜೆಂಡಾದಲ್ಲಿ ಭಾಗವಹಿಸಲಿದ್ದಾರೆ.

Continue Reading

ವಾಣಿಜ್ಯ

ಅಮೆರಿಕಾ ಐಷಾರಾಮಿ ಹೋಟೆಲ್‌ ಖರೀದಿಸಿದ ಮುಖೇಶ್‌ ಅಂಬಾನಿ

Published

on

By

ಮುಂಬೈ, ಜ 9(ಯುಎನ್‌ ಐ) – ರಿಲಯನ್ಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ತಮ್ಮ ವ್ಯಾಪಾರ ವಹಿವಾಟು ದೇಶ ವಿದೇಶಗಳಿಗೆ ವಿಸ್ತರಿಸುತ್ತಿದ್ದಾರೆ. ಇತ್ತೀಚೆಗೆ ಅವರು ಲಂಡನ್‌ನಲ್ಲಿ ಸ್ಟೋಕ್ ಪಾರ್ಕ್ ಎಸ್ಟೇಟ್ ಖರೀದಿಸಿದ್ದರು. ಈಗ ಹೊಸದಾಗಿ ಅಮೆರಿಕಾದ ನ್ಯೂಯಾರ್ಕ್ ನಗರದಲ್ಲಿ ಪ್ರಮುಖ ಐಕಾನಿಕ್ ಐಷಾರಾಮಿ ಹೋಟೆಲ್ ‘ಮ್ಯಾಂಡರಿನ್ ಓರಿಯೆಂಟಲ್’ ಅನ್ನು ಖರೀದಿಸಿದ್ದಾರೆ ಎಂಬ ವರದಿಗಳು ಬೆಳಕಿಗೆ ಬಂದಿವೆ.

ದಕ್ಷಿಣ ಏಷ್ಯಾ ದೇಶಗಳಲ್ಲೇ ಅತ್ಯಂತ ಶ್ರೀಮಂತಉದ್ಯಮಿಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಮುಖೇಶ್ ಅಂಬಾನಿ ಅವರು ತಮ್ಮ ವ್ಯಾಪಾರವನ್ನು ವಿಶ್ವದ ಇತರ ಭಾಗಗಳಿಗೆ ವಿಸ್ತರಿಸಲು ಪ್ರಯತ್ನ ನಡೆಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ, ಅಮೆರಿಕಾದ ನ್ಯೂಯಾರ್ಕ್ ನಗರದ 80 ಕೊಲಂಬಸ್ ಸರ್ಕಲ್ ಪ್ರದೇಶದಲ್ಲಿ ಕ್ಯಾಪಿಟಲ್ ಆಫ್ ಕೊಲಂಬಸ್ ಸೆಂಟರ್ ಕಾರ್ಪೊರೇಷನ್ ಮಾಲೀಕತ್ವದ ಐಕಾನಿಕ್ ಐಷಾರಾಮಿ ಹೋಟೆಲ್ ಮಾಂಟ್ರಿಯಲ್ ಓರಿಯೆಂಟಲ್ ನ ಶೇ 73.37 ರಷ್ಟು ಷೇರುಗಳನ್ನು 98.15 ಮಿಲಿಯನ್‌ ಡಾಲರ್‌ ಗಳಿಗೆ ಖರೀದಿಸಿದ್ದಾರೆ. ಈ ಭಾರಿ ಮೊತ್ತವನ್ನು ಐಷಾರಾಮಿ ಹೋಟೆಲ್‌ನ ಪರೋಕ್ಷವಾಗಿ ಪಾಲು ಹೊಂದಿರುವ ಕೇಮನ್ ಐಲ್ಯಾಂಡ್ಸ್‌ನಲ್ಲಿ ಷೇರುಗಳ ಖರೀದಿಸುವ ಮೂಲಕ ಹೋಟೆಲ್‌ ಅನ್ನು ಮುಖೇಶ್ ಅಂಬಾನಿ ಸ್ವಾಧೀನಪಡಿಸಿಕೊಂಡಿದ್ದಾರೆ.

ಹೋಟೆಲ್ ವಿಶೇಷತೆಗಳು
2003ರಲ್ಲಿ ಸ್ಥಾಪಿಸಲಾದ ಮ್ಯಾಂಡರಿನ್ ಓರಿಯೆಂಟಲ್ 80 ಕೊಲಂಬಸ್ ಸರ್ಕಲ್‌ನಲ್ಲಿರುವ ಐಕಾನಿಕ್ ಐಷಾರಾಮಿ ಹೋಟೆಲ್ ಆಗಿದೆ, ಇದು ವಿಶ್ವದ ಅತ್ಯಂತ ಜನಪ್ರಿಯ ಹೋಟೆಲ್‌ಗಳಲ್ಲಿ ಒಂದಾಗಿದೆ. ಹೋಟೆಲ್ A A A ಫೈವ್ ಡೈಮ್ ಹೋಟೆಲ್, ಫೋರ್ಬ್ಸ್ ಫೈವ್ ಸ್ಟಾರ್ ಹೋಟೆಲ್, ಫೋರ್ಬ್ಸ್ ಫೈವ್ ಸ್ಟಾರ್ ಸ್ಪಾ ಪ್ರಶಸ್ತಿಗಳನ್ನು ಪಡೆದುಕೊಂಡಿದೆ. ಈ ಹೋಟೆಲ್ 2018 ರಲ್ಲಿ ಭಾರತೀಯ ಕರೆನ್ಸಿಯಲ್ಲಿ ರೂ 8,54,19,12,500.00, 2019 ರಲ್ಲಿ ರೂ 8,39,33,57,500.00 ಹಾಗೂ 2020 ರಲ್ಲಿ ರೂ 1,11,41,62,500.00 ಆದಾಯ ಗಳಿಸಿದೆ. ಮುಖೇಶ್ ಅಂಬಾನಿ ಇದೇ ಹೋಟೆಲ್‌ನ ಬಹುಪಾಲು ಷೇರುಗಳನ್ನು ಖರೀದಿಸಿರುವುದರಿಂದ ರಿಲಯನ್ಸ್‌ನ ಆಸ್ತಿಗಳು ಈಗ ದ್ವಿಗುಣಗೊಂಡಿದೆ ಎಂದು ವರದಿಗಳು ಹೇಳಿವೆ.

ರಿಲಯನ್ಸ್ ಈಗಾಗಲೇ EIH Ltd (Oberoi Hotels) ಸ್ವಾಧೀನಪಡಿಸಿಕೊಂಡಿದೆ. ಮುಂಬೈನಲ್ಲಿರುವ ಅತ್ಯಾಧುನಿಕ ಕನ್ವೆನ್ಷನ್ ಸೆಂಟರ್, ಹೋಟೆಲ್ , ಮನೆಯನ್ನು ಸ್ವಾಧೀನಪಡಿಸಿಕೊಂಡಿದೆ . ಕೆಲವು ದಿನಗಳ ಹಿಂದೆ ಲಂಡನ್ ಬಕ್ಕಿಂಗ್ ಹ್ಯಾಮ್ ಸ್ಟೋಕ್ ಪಾರ್ಕ್ ನಲ್ಲಿ 300 ಎಕರೆ ಭೂಮಿ ಖರೀದಿಸಿತ್ತು. 300 ಎಕರೆ ಪ್ರದೇಶದಲ್ಲಿ 49 ಬೆಡ್ ರೂಂಗಳ ಮನೆಗೆ ವಿಶೇಷವಾಗಿ 592 ಕೋಟಿ ರೂ. ವೆಚ್ಚವಾಗಿದೆ. ಈ ಸ್ಟೋಕ್ ಪಾರ್ಕ್ ಎಸ್ಟೇಟ್ ಅನ್ನು ಹೆರಿಟೇಜ್ ಪ್ರಾಪರ್ಟಿ ಅಡಿಯಲ್ಲಿ ಬಳಸುತ್ತಿರುವುದಾಗಿ ರಿಲಯನ್ಸ್ ಅಧಿಕೃತವಾಗಿ ಘೋಷಿಸಿಕೊಂಡಿದೆ.

Continue Reading
Advertisement
ದೇಶ16 mins ago

ಬಂಗಾಳ: ನೇತಾಜಿ ಜನ್ಮದಿನದಂದು ಲಾಠಿ ಚಾರ್ಜ್

ಕೋಲ್ಕತ್ತಾ: ಜನೆವರಿ 23 (ಯು.ಎನ್.ಐ.) ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರ ಜನ್ಮದಿನದ ಸಂದರ್ಭದಲ್ಲಿಯೂ ಪಶ್ಚಿಮ ಬಂಗಾಳದಲ್ಲಿ ಬಿಜೆಪಿ ಮತ್ತು ಟಿಎಂಸಿ ರಾಜಕೀಯ ನಿಂತಿಲ್ಲ. ಪಶ್ಚಿಮ ಬಂಗಾಳದ...

ಅಂಕಣ1 hour ago

ದಟ್ಟ ಕಾಡಿನಲ್ಲಿ ʻಸಪ್ನೋಂ ಕೀ ರಾಣೀʼ

ಅಂಕಣ: ಒಂದೂರಲ್ಲಿ ಒಂದಿನ- 3 ಈ ಒಂದೂರು ಅನ್ನುವ ಮಾಯೆ ಇದೆಯಲ್ಲ, ಅದು ವಿಚಿತ್ರವಾದದ್ದು. ಅಪ್ಪ ಕಥೆ ಹೇಳುವಾಗ ಪ್ರತಿ ಸಲವೂ ಆ ಕಥೆ ಒಂದೂರಿನಲ್ಲಿ ಅಂತಲೇ...

ಕ್ರೀಡೆ1 hour ago

ಅಂಕುಶ್ ರಘುವಂಶಿ ಟೀಂ ಇಂಡಿಯಾದ ಉದಯೋನ್ಮುಖ ತಾರೆ!

ಹೊಸದಿಲ್ಲಿ: ಜನೆವರಿ 23 (ಯು.ಎನ್.ಐ.) ಅಂಡರ್ 19 ವರ್ಲ್ಡ್ ಕಪ್ ಮೂಲಕ ಭಾರತ ಕ್ರಿಕೆಟ್ ತಂಡಕ್ಕೆ ಮತ್ತೊಬ್ಬ ಉದಯೋನ್ಮುಖ ಆಟಗಾರ ದೊರೆತಿದ್ದಾರೆ. ಅವರೇ ದೆಹಲಿ ಮೂಲದ ಅಂಕುಶ್...

ಅಂಕಣ2 hours ago

ಎಳವೆಯಿಂದ ರಂಗಭೂಮಿ

ನಾದಾಂಕಣ – ಡಾ. ನಾ. ದಾಮೋದರ ಶೆಟ್ಟಿ ಭಾರತೀಯ ಹಾಗೂ ಗ್ರೀಕ್‌ ರಂಗಭೂಮಿಗೆ ಬಹುದೊಡ್ಡ ಪರಂಪರೆಇದೆ ಎನ್ನುವುದು ಸಾರ್ವಕಾಲಿಕ ಸತ್ಯ. ಆದರೆ ಯುರೋಪಿನ ರಂಗಭೂಮಿಯಾಗಲೀ ರಷ್ಯಾ, ಅಮೇರಿಕಾ...

ದೇಶ2 hours ago

ಅರುಣಾಚಲದಿಂದ ನಾಪತ್ತೆಯಾಗಿದ್ದ ಯುವಕ ಚೀನಾ ಗಡಿಯಲ್ಲಿ ಪತ್ತೆ!

ಹೊಸದಿಲ್ಲಿ: ಜನೆವರಿ 23 (ಯು.ಎನ್.ಐ.) ಅರುಣಾಚಲ ಪ್ರದೇಶದಿಂದ ನಾಪತ್ತೆಯಾಗಿದ್ದ ಭಾರತೀಯ ಯುವಕ ಚೀನಾ ಗಡಿಯಲ್ಲಿ ಪತ್ತೆಯಾಗಿದ್ದಾನೆ. ಈ ಬಗ್ಗೆ ಚೀನಾ ಸೈನಿಕರು ಭಾರತೀಯ ಯೋಧರಿಗೆ ಮಾಹಿತಿ ನೀಡಿದ್ದು,...

ಹಣಕಾಸು3 hours ago

ಕೆಲಸ ಬದಲಾಯಿಸಿದ್ದೀರಾ? ಚಿಂತೆ ಬಿಡಿ.. ನಿಮ್ಮ ನೆರವಿಗೆ ಇದೆ ಇಪಿಎಫ್ಒ!

ಬೆಂಗಳೂರು: ಜನೆವರಿ 23 (ಯು.ಎನ್.ಐ.) ಉತ್ತಮ ಸಂಬಳ, ಭದ್ರತೆಯುಳ್ಳ ನೌಕರಿ, ವಿಶೇಷ ಸವಲತ್ತುಗಳು.. ಹೀಗೆ ನಾನಾ ಉದ್ದೇಶಗಳಿಂದ ಉದ್ಯೋಗಿಗಳು ತಮ್ಮ ಕೆಲಸವನ್ನು ಬದಲಾಯಿಸುತ್ತಾ ಇರುತ್ತಾರೆ. ಇಂತಹ ಸಂದರ್ಭದಲ್ಲಿ...

ದೇಶ3 hours ago

ನೇತಾಜಿ ಸುಭಾಷ್ ಚಂದ್ರ ಬೋಸ್ ಜಯಂತಿ… ದೇಶಾದ್ಯಂತ ಪರಾಕ್ರಮ ದಿನವಾಗಿ ಆಚರಣೆ

ನವದೆಹಲಿ, ಜ ೨೩( ಯುಎನ್ ಐ) ಅಪ್ರತಿಮ ಸ್ವಾತಂತ್ರ್ಯ ಹೋರಾಟಗಾರ ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರ ೧೨೫ನೇ ಜನ್ಮಜಯಂತಿ ಇಂದು. ದೇಶಾದ್ಯಂತ ಪರಾಕ್ರಮ ದಿನವಾಗಿ ನೇತಾಜಿ...

ಕರ್ನಾಟಕ4 hours ago

ಇಡೀ ವರ್ಷ ಸುಭಾಷ್ ಚಂದ್ರಬೋಸ್ ಜನ್ಮದಿನಾಚರಣೆಗೆ ತೀರ್ಮಾನ: ಸಿಎಂ

ಬೆಂಗಳೂರು : ಜನೆವರಿ 23 (ಯು.ಎನ್.ಐ.) ರಾಜ್ಯ ಸರ್ಕಾರದ ವತಿಯಿಂದ ವರ್ಷವಿಡೀ ನೇತಾಜಿ ಸುಭಾಷ್ ಚಂದ್ರಬೋಸ್ ರವರ 125ನೇ ಜನ್ಮ ದಿನಾಚರಣೆಯನ್ನ ಆಚರಿಸಲು ರಾಜ್ಯ ಸರ್ಕಾರ ತೀರ್ಮಾನಿಸಿದೆ. ...

ಅಂಕಣ4 hours ago

ಸ್ವಾತಂತ್ರ್ಯಕ್ಕಿಂತ ದೊಡ್ಡದು ಇನ್ಯಾವುದಿದೆ ?

‌ಅಂಕಣ: ದಿಟನುಡಿ -೩ ಕಳೆದ ವಾರ ನನ್ನ ಕೈರೋಪ್ರಾಕ್ಟರ್ ರೇ ಬಳಿ ಹೋಗಿದ್ದೆ. ಏಕೋ ಗೊತ್ತಿಲ್ಲ ಕೆಲ ದಿನಗಳ ಹಿಂದೆ ಸೊಂಟ ಹಿಡಿದಿತ್ತು. ಏಳಲು, ಕೂರಲು, ನಿಲ್ಲಲು...

ದೇಶ4 hours ago

ಪಂಜಾಬ್ ಚುನಾವಣೆ: ಕೆಂಪು ಕೋಟೆ ಹಿಂಸಾಚಾರದ ಆರೋಪಿಗೆ ರೈತ ಸಂಘಟನೆಯಿಂದ ಟಿಕೆಟ್!

ಚಂಡೀಗಢ: ಜನೆವರಿ 23 (ಯು.ಎನ್.ಐ.) ರೈತರ ಸಂಘಟನೆ ಯುನೈಟೆಡ್ ಸಮಾಜ ಮೋರ್ಚಾ ಪಂಜಾಬ್ ವಿಧಾನಸಭಾ ಚುನಾವಣೆಗೆ 35 ಅಭ್ಯರ್ಥಿಗಳ ಹೊಸ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಮಾಜಿ...

ಟ್ರೆಂಡಿಂಗ್

Share