Connect with us


      




ವಾಣಿಜ್ಯ

ಒಎನ್‍ಜಿಸಿ ಅಧ್ಯಕ್ಷ, ವ್ಯವಸ್ಥಾಪಕ ನಿರ್ದೇಶಕ ಹುದ್ದೆ ಅಲಂಕರಿಸಿದ ಮೊದಲ ಮಹಿಳೆ ‘ಅಲ್ಕಾ ಮಿತ್ತಲ್’

Vanitha Jain

Published

on

ನವದೆಹಲಿ: ಜನವರಿ 04(ಯು.ಎನ್.ಐ) ಆಯಿಲ್ ಅಂಡ್ ನ್ಯಾಚುರಲ್ ಗ್ಯಾಸ್ ಕಾರ್ಪೊರೇಷನ್ (ಒಎನ್‍ಜಿಸಿ)ನ ಮಾನವ ಸಂಪನ್ಮೂಲ ನಿರ್ದೇಶಕಿ ಅಲ್ಕಾ ಮಿತ್ತಲ್ ಕಂಪನಿಯ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ (ಸಿಎಮ್‍ಡಿ) ಹೆಚ್ಚುವರಿ ಜವಾಬ್ದಾರಿಯನ್ನು ವಹಿಸಿಕೊಂಡರು.

ಈ ಕಂಪನಿಯಲ್ಲಿ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಹುದ್ದೆಯನ್ನು ಅಲಂಕರಿಸಿದ ಮೊದಲ ಮಹಿಳೆಯಾಗಿದ್ದಾರೆ. ಡಿಸೆಂಬರ್ 31ರಂದು ನಿವೃತ್ತಿ ಹೊಂದಿದ ಸುಭಾಷ್ ಕುಮಾರ್ ಅವರ ಸ್ಥಾನಕ್ಕೆ ಮಿತ್ತಲ್ ನೇಮಕಗೊಂಡಿದ್ದಾರೆ.

ಮಿತ್ತಲ್ ಡಿಸೆಂಬರ್ 2018 ರಲ್ಲಿ ಒಎನ್‍ಜಿಸಿಯ ನಿರ್ದೇಶಕರಾಗಿ ಅಧಿಕಾರ ವಹಿಸಿಕೊಂಡರು ಮತ್ತು ಒಎನ್‍ಜಿಸಿ ಮಂಡಳಿಯಲ್ಲಿ ಪೂರ್ಣ ಸಮಯದ ನಿರ್ದೇಶಕರ ಹುದ್ದೆಯನ್ನು ಹೊಂದಿರುವ ಮೊದಲ ಮಹಿಳೆ ಎಂಬ ಖ್ಯಾತಿಗೆ ಒಳಗಾದರು.

ಕಳೆದ ವರ್ಷ ಮಾರ್ಚ್‍ನಲ್ಲಿ ಶಶಿ ಶಂಕರ್ ನಿವೃತ್ತರಾದ ನಂತರ ಒಎನ್‍ಜಿಸಿ ಪೂರ್ಣಾವಧಿ ಸಿಎಂಡಿ ನೇಮಕ ಮಾಡಿರಲಿಲ್ಲ. ಪಬ್ಲಿಕ್ ಎಂಟರ್‍ಪ್ರೈಸಸ್ ಸೆಲೆಕ್ಷನ್ ಬೋರ್ಡ್ ಜೂನ್‍ನಲ್ಲಿ ಇಬ್ಬರು ಸೇವೆಯಲ್ಲಿರುವ ಐಎಎಸ್ ಅಧಿಕಾರಿಗಳು ಸೇರಿದಂತೆ ಒಂಬತ್ತು ಅಭ್ಯರ್ಥಿಗಳನ್ನು ಉನ್ನತ ಹುದ್ದೆಗೆ ಸಂದರ್ಶನ ಕೈಗೊಂಡಿತ್ತು.

Share