Connect with us


      




ದೇಶ

ಒಡಿಶಾದಲ್ಲಿ ಒಮೈಕ್ರಾನ್‍ನಿಂದ ಮಹಿಳೆ ಸಾವು; ಭಾರತದಲ್ಲಿ ಎರಡನೇ ಸಾವು

Vanitha Jain

Published

on

ಜಲಂಗೀರ್: ಜನೆವರಿ 06(ಯು.ಎನ್..ಐ.) ಒಡಿಶಾದ ಜಲಂಗೀರ್ ಜಿಲ್ಲೆಯಲ್ಲಿ ಗುರುವಾರ ಒಮೈಕ್ರಾನ್‍ನಿಂದಾಗಿ ವ್ಯಕ್ತಿ ಸಾವನ್ನಪ್ಪಿದ್ದು, ರಾಜ್ಯದಲ್ಲಿ ಮೊದಲ ಸಾವು ಇದಾಗಿದೆ. ಒಟ್ಟು ಭಾರತದಲ್ಲಿ ಒಮೈಕ್ರಾನ್‍ನಿಂದಾಗಿ ಇಬ್ಬರು ಸಾವನ್ನಪ್ಪಿದ್ದಾರೆ

ರಾಜಸ್ಥಾನದ ಉದಯ್‍ಪುರದಲ್ಲಿ 24 ಗಂಟೆಗಳ ಹಿಂದೆ ಒಮೈಕ್ರಾನ್‍ನಿಂದಾಗಿ 75 ವರ್ಷದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿರುವುದರ ಬಗ್ಗೆ ವರದಿಯಾಗಿತ್ತು.

ಮೃತರನ್ನು 55 ವರ್ಷದ ಮಹಿಳೆ ಎಂದು ಗುರುತಿಸಲಾಗಿದ್ದು, ಡಿಸೆಂಬರ್ 27 ರಂದು ಸಂಬಲ್ಪುರ ಜಿಲ್ಲೆಯ ಬುರ್ಲಾದಲ್ಲಿರುವ ವೀರ್ ಸುರೇಂದ್ರ ಸಾಯಿ ವೈದ್ಯಕೀಯ ವಿಜ್ಞಾನ ಮತ್ತು ಸಂಶೋಧನಾ ಸಂಸ್ಥೆಯಲ್ಲಿ (ವಿಮ್ಸಾರ್) ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ.

ಅಗಲ್‍ಪುರ ಗ್ರಾಮದ ನಿವಾಸಿಯಾಗಿರುವ ಮಹಿಳೆಯು ಯಾವುದೇ ವಿದೇಶ ಪ್ರವಾಸ ಕೈಗೊಂಡಿರುವ ಬಗ್ಗೆ ದಾಖಲೆಗಳಿಲ್ಲ. ಸಾವನ್ನಪ್ಪಿದ ಮಹಿಳೆಯು ಒಮೈಕ್ರಾನ್‍ಗೆ ಒಮೈಕ್ರಾನ್‍ಗೆ ಒಳಗಾಗಿದ್ದರು ಎಂದು ಮಾದರಿ ಪರೀಕ್ಷೆ ಕೈಗೊಂಡ ಜೀನೋಮ್ ಹೇಳಿದೆ ಎಂದು ಜಲಂಗೀರ್ ಜಿಲ್ಲಾಡಳಿತ ತಿಳಿಸಿದೆ.

ಮಹಿಳೆ ಪಾಶ್ರ್ವವಾಯುವಿಗೆ ಒಳಗಾಗಿದ್ದು, ಚಿಕಿತ್ಸೆಗಾಗಿ ಕಳೆದ ವರ್ಷ ಡಿಸೆಂಬರ್ 20 ರಂದು ಬಲಂಗಿರ್‍ನಲ್ಲಿರುವ ಭೀಮಾ ಭೋಯ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಎರಡು ದಿನಗಳ ಕಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದರೂ ಆಕೆಯ ಆರೋಗ್ಯ ಮತ್ತಷ್ಟು ಹದಗೆಟ್ಟಿತ್ತು. ಹಾಗಾಗಿ ಅವರನ್ನು ಬುರ್ಲಾದಲ್ಲಿರುವ ವಿಮ್ಸಾರ್‍ಗೆ ಸೇರಿಸಲಾಗಿತ್ತು ಎಂದು ಬಲಂಗೀರ್ ಮುಖ್ಯ ಜಿಲ್ಲಾ ವೈದ್ಯಾಧಿಕಾರಿ (ಸಿಡಿಎಂಒ) ಸ್ನೇಹಲತಾ ಸಾಹು ತಿಳಿಸಿದರು.

Share