Connect with us


      




ಸಾಮಾನ್ಯ

ಗಿನ್ನೆಸ್ ಬುಕ್ ಸೇರಿದ 190 ವಯಸ್ಸಿನ ಜೊನಾಥನ್ ಎಂಬ ಆಮೆ

Vanitha Jain

Published

on

ಗಿನ್ನೆಸ್ ಬುಕ್ ಸೇರಿದ 190 ವಯಸ್ಸಿನ ಜೊನಾಥನ್ ಎಂಬ ಆಮೆ

ಸೇಂಟ್ ಹೆಲೆನಾ: ಜನೆವರಿ 13 (ಯು.ಎನ್.ಐ.) 190 ವರ್ಷ ವಯಸ್ಸಿನ ಜೊನಾಥನ್ ಎಂಬ ಆಮೆಯು ವಿಶ್ವದ ಅತ್ಯಂತ ಹಳೆಯ ಜೀವಂತ ಭೂ ಪ್ರಾಣಿ ಎಂಬ ಖ್ಯಾತಿಗೆ ಒಳಗಾಗಿದ್ದು, ಗಿನ್ನೆಸ್ ಬುಕ್ ಆಫ್ ವಲ್ರ್ಡ್ ರೆಕಾರ್ಡ್ ತನ್ನ ಹೆಸರನ್ನು ಅಚ್ಚೊತ್ತಿದೆ.

ಬ್ರಿಟಿಷ್ ಸಾಗರೋತ್ತರ ಪ್ರದೇಶದ ಸೇಂಟ್ ಹೆಲೆನಾ ದ್ವೀಪದಲ್ಲಿರುವ ಆಮೆ ಜೊನಾಥನ್ 2022 ರಲ್ಲಿ ತನ್ನ 190ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದೆ. ವೆಬ್‍ಸೈಟ್‍ನ ಪ್ರಕಾರ, ಆಮೆ ಜೊನಾಥನ್ ಜನನವಾಗಿದ್ದು 1832ರಲ್ಲಿ. ಹೀಗಾಗಿ 2022ರಲ್ಲಿ ಆಮೆಗೆ 190 ವರ್ಷವಾಗಲಿದೆ.

ಅಧಿಕೃತ ದಾಖಲೆಯು ಆಮೆಯನ್ನು “ಹಳೆಯ ಚೆಲೋನಿಯನ್” ಎಂದು ಹೇಳುತ್ತದೆ. ಚೆಲೋನಿಯನ್ ಎಂದರೆ ಎಲ್ಲಾ ಆಮೆಗಳು, ಟೆರಾಪಿನ್ಗಳು ಮತ್ತು ಆಮೆಗಳನ್ನು ಒಳಗೊಂಡಿರುವ ಒಂದು ವರ್ಗ. ಜೋನಾಥನ್‍ಗೆ ಎಲೆಕೋಸು, ಸೌತೆಕಾಯಿ, ಕ್ಯಾರೆಟ್, ಸೇಬು ಮತ್ತು ಇತರ ಕಾಲೋಚಿತ ಹಣ್ಣುಗಳು. ಇದರಲ್ಲಿ ಬಾಳೆಹಣ್ಣು ಎಂದರೆ ಬಲು ಇಷ್ಟ.

ಈಗ, ವಯಸ್ಸಾದಂತೆ, ವಾಸನೆ ಗ್ರಹಿಸುವಿಕೆ ಇಲ್ಲ ಮತ್ತು ಕಣ್ಣು ಕಾಣುವುದಿಲ್ಲ. ಆದರೆ ಶ್ರವಣ ಶಕ್ತಿಯು ಅತ್ಯುತ್ತಮವಾಗಿದೆ ಮತ್ತು ಮನುಷ್ಯರೊಟ್ಟಿಗೆ ಒಡನಾಡುವುದಕ್ಕೆ ಇಷ್ಟಪಡುತ್ತದೆ. ಕ್ಯಾಲೋರಿಗಳು, ಜೀವಸತ್ವಗಳು, ಖನಿಜ ಅಂಶಗಳನ್ನು ಹೆಚ್ಚಿಸಲು ಪಶುವೈದ್ಯ ವಿಭಾಗವು ವಾರಕ್ಕೊಮ್ಮೆ ಆಹಾರವನ್ನು ನೀಡುತ್ತಿದೆ ಎಂದು ದಾಖಲೆಗಳ ಸೈಟ್ ಸೂಚಿಸಿದೆ.

ಹಿಂದಿನ ದಾಖಲೆಯ ಪ್ರಕಾರ ತುಯಿ ಮಲಿಲಾ ಎಂಬ ಆಮೆಯು ಕನಿಷ್ಟ 188 ವರ್ಷ ಬದುಕಿತ್ತು. ಇದನ್ನು 1777ರಲ್ಲಿ ಕ್ಯಾಪ್ಟನ್ ಕುಕ್ ಟಾಂಗಾದ ರಾಜಮನೆತನಕ್ಕೆ ನೀಡಲಾಯಿತು ಮತ್ತು 1965ರಲ್ಲಿ ಸಾವನ್ನಪ್ಪಿದ ಇದು ಅಲ್ಲಿಯವರೆಗೂ ಅವರ ಆರೈಕೆಯಲ್ಲಿ ಉಳಿಯಿತು ಎಂದು ಸೈಟ್ ಉಲ್ಲೇಖಿಸಿದೆ. .

Share