Connect with us


      




ಸಿನೆಮಾ

ಕನ್ನಡದಲ್ಲಿ ನನ್ನ ಸಿನೆಮಾಗಳ ಬಗ್ಗೆ ಪುಸ್ತಕ ಬಂದಿಲ್ಲ: ಕಾಸರವಳ್ಳಿ

Kumara Raitha

Published

on

ಬೆಂಗಳೂರು: ಮಾರ್ಚ್ ೦೪ (ಯು.ಎನ್.ಐ.) ಬೆಂಗಾಲಿ, ಇಂಗ್ಲಿಷ್ ಸೇರಿದಂತೆ ಇದುವರೆಗೂ ನಾನು ನಿರ್ದೇಶನ ಮಾಡಿರುವ ಸಿನೆಮಾಗಳ ಬಗ್ಗೆ ಹತ್ತು ಪುಸ್ತಕಗಳು ಪ್ರಕಟವಾಗಿವೆ. ಆದರೆ ಕನ್ನಡದಲ್ಲಿ ಪುಸ್ತಕಬಂದಿಲ್ಲ ಎಂದು ಖ್ಯಾತ ನಿರ್ದೇಶಕ ಗಿರೀಶ್ ಕಾಸರವಳ್ಳಿ ಹೇಳಿದರು.
ಅವರಿಂದು ಬೆಂಗಳೂರು ೧೩ನೇ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವ ನಡೆಯುತ್ತಿರುವ ಒರಾಯನ್ ಮಾಲ್ ನಲ್ಲಿ ತಮ್ಮ ಸಿನೆಮಾಗಳ ಕುರಿತು ರಚಿತವಾಗಿರುವ ಪುಸ್ತಕ ಲೋಕಾರ್ಪಣೆ ಮಾಡಿ ಮಾತನಾಡಿದರು. ನನ್ನ ಕುರಿತ ಪುಸ್ತಕ ಬಿಡುಗಡೆ ಸಂದರ್ಭದಲ್ಲಿ ನಾನೇ ಮಾತನಾಡುವುದು ಕಷ್ಟ ಎಂದವರು ಅಭಿಪ್ರಾಯಪಟ್ಟರು.
ಸಿನೆಮಾದಲ್ಲಿ ಎರಡು ರೀತಿಯವರು ಇರುತ್ತಾರೆ. ಮೊದಲನೇಯವರು ಫಿಲ್ಮ್ ಮೇಕರ್, ಎರಡನೇಯವರು ಆರ್ಟಿಶಿಯನ್ಸ್. ಮೊದಲನೇಯವರು ಅವಕಾಶಕ್ಕಾಗಿ ನಿರೀಕ್ಷಿಸುತ್ತಾರೆ. ಆರ್ಟಿಶಿಯನ್ ಗಳನ್ನು ಕಮಾಂಡ್ ಮಾಡುತ್ತಾರೆ. ಸಿನೆಮಾ ಎಂಬುದು ನಿರ್ದೇಶಕರ ವೈಯಕ್ತಿಕ ದೃಷ್ಟಿಕೋನ ಎಂದ ಅವರು ಇದಕ್ಕೆ ಉದಾಹರಣೆಯಾಗಿ ಖ್ಯಾತ ನಿರ್ದೇಶಕರುಗಳಾದ ಬರ್ಗಮನ್, ಬುನೊವೆಲ್, ಕುರುಸೋವಾ, ಓಜು ಉದಾಹರಣೆ ನೀಡಿದರು. ಓಜು ಸಿನೆಮಾಗಳನ್ನು ನೋಡಿದರೆ ಒಂದೇ ಬಗೆಯ ಕಥಾವಸ್ತುಗಳನ್ನು ತೆಗೆದುಕೊಂಡು ಸಿನೆಮಾ ಮಾಡುತ್ತಾರೆ ಎಂಬುದು ತಿಳಿಯುತ್ತದೆ ಎಂದರು.
ಗಣೇಶ್ ಅವರು ಇಂಗ್ಲಿಷ್ ನಲ್ಲಿ ಬರೆದಿರುವ ಈ ಪುಸ್ತಕದಲ್ಲಿ ನನ್ನ ಚಿತ್ರಗಳ ಕಥಾವಸ್ತು, ಅದು ಏನನ್ನು ಹೇಳಲು ಹೊರಟಿದೆ ಎಂಬುದನ್ನು ಸಮರ್ಥವಾಗಿ ಹೇಳಿದ್ದಾರೆ. ಘಟಶ್ರಾದ್ಧದಿಂದ ಕ್ರೌರ್ಯದವರೆಗೂ ಬರೆದಿದ್ದಾರೆ ಎಂದು ಹೇಳಿದರು.
ಲೇಖಕ ಗಣೇಶ್ ಮಟ್ಕರಿ ಮಾತನಾಡಿ ಗಿರೀಶ್ ಕಾಸರವಳ್ಳಿ ಅವರ ಚಿತ್ರಗಳಿಂದ ಪ್ರಭಾವಿತನಾಗಿದ್ದೇನೆ. ನಾನು ಇವರ ಸಿನೆಮಾಗಳ ಬಗ್ಗೆ ಬರೆಯಲು ಹೊರಟಾಗ ಬಂದ ಮೊದಲ ಪ್ರಶ್ನೆ ನೀವು ಮರಾಠಿಯವರು ಕನ್ನಡದ ಸಿನೆಮಾಗಳ ಬಗ್ಗೆ ಹೇಗೆ ಬರೆಯುತ್ತಿರಿ ಎಂದು. ಆದರೆ ನಾನು ಹೇಳಿದ್ದು ಸಿನೆಮಾಕ್ಕೆ ಭಾಷೆಯ ಗಡಿಯಿಲ್ಲ.ಅವರ ಮೊದಲ ಸಿನೆಮಾ ನೋಡಿದ್ದು ತಾಯಿ ಸಾಹೇಬ.. ಅದರಿಂದ ಪ್ರಭಾವಿತನಾಗಿದ್ದೇನೆ. ನಂತರ ಅವರ ಸಿನೆಮಾಗಳನ್ನು ಅವಕಾಶ ಸಿಕ್ಕಾಗಲೆಲ್ಲ ನೋಡುತ್ತಾ ಬಂದೆ. ಪುಸ್ತಕ ಬರೆಯಲು ಹೊರಟಾಗ ನ್ಯಾಷನಲ್ ಫಿಲ್ಮ್ ಆರ್ಕೈವ್ ಅವರನ್ನು ಸಂಪರ್ಕಿಸಿದೆ. ಅವರು ಇಂಗ್ಲಿಷ್ ನಲ್ಲಿ ಬರೆಯಲು ಸೂಚಿಸಿದರು. ಈ ಭಾಷೆಯಲ್ಲಿ ಬರೆದು ಅಭ್ಯಾಸವಿಲ್ಲದ ನಾನು ಅಭ್ಯಾಸ ಮಾಡಿಒಂಡು ಬರೆದಿದ್ದೇನೆ. ಮರಾಠಿ ಚಿತ್ರರಂಗದ ಅರುಣ್ ಕೊಪ್ಪಕರ್ ಅವರು ನಮ್ಮಿಬರಿಗೂ ಸ್ನೇಹಿತರು. ಅವರ ಮೂಲಕ ಕಾಸರವಳ್ಳಿ ಅವರನ್ನು ಸಮಪರ್ಕಿಸಿ ಪುಸ್ತಕ ಬರೆಯಲು ಅನುಮತಿ ಪಡೆದುಕೊಂಡೆ ಎಂದರು.
ನ್ಯಾಷನಲ್ ಫಿಲ್ಮ್ ಆರ್ಕೈವ್ ಸಂಸ್ಥೆಯ ಗುರು ಪ್ರಸಾದ್ ನಾತನಾಡಿ ಸಿನೆಮಾಕ್ಕೆ ಭಾಷೆಯ ಹಂಗಿಲ್ಲ. ಅದಕ್ಕೆ ಮರಾಠಿಯ ಗಣೇಶ್ ಮಟ್ಕರಿ ಅವರು ಕನ್ನಡದ ಗಿರೀಶ್ ಕಾಸರವಳ್ಳಿ ಅವರು ಕುರಿತು ಸಿನೆಮಾ ಬರೆದಿರುವುದೂ ಉದಾಹರಣೆ ಎಂದರು.
ಭಾರತೀಯ ಸಿನೆಮಾಗಳಲ್ಲಿ ಆಯ್ದವುಗಳನ್ನು ಡಿಜಿಟೈಸಿಂಗ್ ಮಾಡುತ್ತಿದ್ದೇವೆ, ಕರ್ನಾಟಕದ ಸಿನೆಮಾಗಳ ಬಗ್ಗೆ ಈ ಕೆಲಸ ಮಾಡಲು ಗಿರೀಶ್ ಕಾಸರವಳ್ಳಿ ಅವರ ಸಹಾಯ ತೆಗೆದುಕೊಂಡಿದ್ದೇವೆ ಎಂದು ಹೇಳಿದರು.
ಅಕಾಡೆಮಿ ನಿರ್ದೇಶಕ ಸುನೀಲ್ ಪುರಾಣಿಕ್, ಸಿನೆಮೋತ್ಸವದ ಕಲಾತ್ಮಕ ನಿರ್ದೆಶಕ ನರಹರಿ ಉಪಸ್ಥಿತರಿದ್ದರು.

Share