ನವದೆಹಲಿ: ಜನೆವರಿ 10 (ಯು.ಎನ್.ಐ.) ಸೆರ್ಬಿಯಾದ ಟೆನಿಸ್ ತಾರೆ ನೊವಾಕ್ ಜೊಕೊವಿಕ್ ವೀಸಾವನ್ನು ರದ್ದುಪಡಿಸುವ ಆಸ್ಟ್ರೇಲಿಯಾ ಸರ್ಕಾರದ ನಿರ್ಧಾರವನ್ನು ಫೆಡರಲ್ ಕೋರ್ಟ್ ರದ್ದುಗೊಳಿಸಿದ್ದು, ಆಸ್ಟ್ರೇಲಿಯನ್ ಓಪನ್‍ನಲ್ಲಿ ಆಡಲು ಅನುಮತಿ ನೀಡಿದೆ.

ಕೋವಿಡ್-19 ಸೋಂಕಿಗೆ ಒಳಗಾದ ಜನರಿಗೆ ವ್ಯಾಕ್ಸಿನೇಷನ್ ನಿಯಮಕ್ಕೆ ಆರು ತಿಂಗಳ ಕಾಲ ತಾತ್ಕಾಲಿಕ ವಿನಾಯಿತಿ ನೀಡಬಹುದು ಎಂದು ಆಸ್ಟ್ರೇಲಿಯಾದ ವೈದ್ಯಕೀಯ ಅಧಿಕಾರಿಗಳು ತೀರ್ಪು ನೀಡಿದೆ. ಇದರಿಂದ ಮುಂಬರುವ ಆಸ್ಟ್ರೇಲಿಯನ್ ಓಪನ್‍ನಲ್ಲಿ ದಾಖಲೆಯ 21ನೇ ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಯನ್ನು ಗೆಲ್ಲುವ ಹಾಲಿ ಚಾಂಪಿಯನ್ ಕನಸು ಮತ್ತೆ ಚಿಗುರಿದೆ.

ಫೆಡರಲ್ ಸಕ್ರ್ಯೂಟ್ ಕೋರ್ಟ್ ನ್ಯಾಯಾಧೀಶ ಆಂಥೋನಿ ಕೆಲ್ಲಿ ವಿಶ್ವ ನಂ. ಜೊಕೊವಿಕ್ ಅವರನ್ನು ತಕ್ಷಣವೇ ಹೋಟೆಲ್‍ನಿಂದ ಬಿಡುಗಡೆ ಮಾಡಲು ಆದೇಶಿಸಿದರು. ಬುಧವಾರ ತಡವಾಗಿ ಮೆಲ್ಬೋರ್ನ್‍ಗೆ ಆಗಮಿಸಿದ ಸ್ವಲ್ಪ ಸಮಯದ ನಂತರ ಆಸ್ಟ್ರೇಲಿಯಾ ಸರ್ಕಾರವು ಜೊಕೊವಿಕ್ ವೀಸಾವನ್ನು ರದ್ದುಗೊಳಿಸಿತು. ಏಕೆಂದರೆ ಕೋವಿಡ್-19 ಲಸಿಕೆಗೆ ವಿನಾಯಿತಿ ನೀಡಿರುವ ವೈದ್ಯಕೀಯ ಪುರಾವೆಗಳನ್ನು ಸಲ್ಲಿಸಿರಲಿಲ್ಲ. ಇದರಿಂದ ಬಂಧನದಲ್ಲಿರಿಸಿದ್ದರು. ಇದಕ್ಕೆ ಜೊಕೊವಿಕ್, ಕಳೆದ ತಿಂಗಳು ಕರೋನವೈರಸ್ ಸೋಂಕಿಗೆ ಒಳಗಾಗಿದ್ದ ಕಾರಣ ಲಸಿಕೆ ಹಾಕಿಸಿಲ್ಲ ಎಂದು ವಾದಿಸಿದರು.

ಜನವರಿ 17 ರಂದು ಪ್ರಾರಂಭವಾಗುವ ಪಂದ್ಯಾವಳಿಯನ್ನು ಆಯೋಜಿಸುತ್ತಿರುವ ಟೆನಿಸ್ ಆಸ್ಟ್ರೇಲಿಯಾ ಎರಡು ವೈದ್ಯಕೀಯ ಫಲಕಗಳನ್ನು ಮೆಲ್ಬೋರ್ನ್‍ನ ವಿಮಾನ ನಿಲ್ದಾಣದಲ್ಲಿ ಜೊಕೊವಿಕ್ ಅವರಿಗೆ ವೈದ್ಯಕೀಯ ವಿನಾಯಿತಿ ಒದಗಿಸಿರುವ ಬಗ್ಗೆ ಹಾಕಿರುವುದನ್ನು ಸಕ್ರ್ಯೂಟ್ ಕೋರ್ಟ್ ನ್ಯಾಯಾಧೀಶ ಆಂಥೋನಿ ಕೆಲ್ಲಿ ಗಮನಿಸಿದರು.