Connect with us


      




ಆರೋಗ್ಯ

೨೪ ಗಂಟೆಗಳಲ್ಲಿ ಒಂದು ಲಕ್ಷ ೧೭ ಸಾವಿರ ಕೋವಿಡ್ ಪ್ರಕರಣಗಳು

UNI Kannada

Published

on

ನವದೆಹಲಿ,ಜ ೭(ಯು ಎನ್ ಐ) ದೇಶದಲ್ಲಿ ಈವರೆಗೆ ಮೂರು ಸಾವಿರದ ೭ ಒಮಿಕ್ರಾನ್ ರೂಪಾಂತರಿ ಕೋವಿಡ್ ಸೋಂಕು ಪ್ರಕರಣಗಳು ವರದಿಯಾಗಿವೆ ಎಂದು ಕೇಂದ್ರ ಸರ್ಕಾರ ಹೇಳಿದೆ.
ಈ ಪೈಕಿ ಒಂದು ಸಾವಿರದ ೧೯೯ ಸೋಂಕಿತರು ಚೇತರಿಸಿಕೊಂಡು ಆಸ್ಪತ್ರೆಗಳಿಂದ ಬಿಡುಗಡೆಗೊಂಡಿದ್ದಾರೆ. ಮಹಾರಾಷ್ಟ್ರದಲ್ಲಿ ಅತಿ ಹೆಚ್ಚು ೮೭೬, ದೆಹಲಿಯಲ್ಲಿ ೪೬೫ ಪ್ರಕರಣಗಳು ವರದಿಯಾಗಿವೆ.
ಈವರೆಗೆ ದೇಶದ ೨೭ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಒಮಿಕ್ರಾನ್ ಪ್ರಕರಣಗಳು ವರದಿಯಾಗಿವೆ. ರಾಷ್ಟ್ರೀಯ ಲಸಿಕೆ ಅಭಿಯಾನದಡಿ ದೇಶದಲ್ಲಿ ಈವರೆಗೆ ಸುಮಾರು ೧೪೯ ಕೋಟಿ ೬೬ ಲಕ್ಷ ಕೋವಿಡ್ ಲಸಿಕೆಗಳನ್ನು ನೀಡಲಾಗಿದೆ.
ಕಳೆದ ೨೪ ಗಂಟೆಗಳಲ್ಲಿ ೯೪ ಲಕ್ಷ ೪೭ ಸಾವಿರ ಕೋವಿಡ್ ಲಸಿಕೆಗಳನ್ನು ಫಲಾನುಭವಿಗಳಿಗೆ ವಿತರಿಸಲಾಗಿದೆ. ಕಳೆದ ಒಂದು ದಿನದಲ್ಲಿ ೩೦ ಸಾವಿರದ ೮೩೬ ಕೋವಿಡ್ ಸೋಂಕಿತರು ಚೇತರಿಸಿಕೊಂಡಿದ್ದು, ದೇಶದಲ್ಲಿ ಚೇತರಿಕೆಯ ಪ್ರಮಾಣ ಶೇಕಡ ೯೭.೫೭ರಷ್ಟಿದೆ. ಈವರೆಗೆ ದೇಶದಲ್ಲಿ ಮೂರು ಕೋಟಿ ೪೩ ಲಕ್ಷ ೭೧ ಸಾವಿರ ಸೋಂಕಿತರು ಚೇತರಿಸಿಕೊಂಡಿದ್ದಾರೆ.
ಕಳೆದ ೨೪ ಗಂಟೆಗಳಲ್ಲಿ ದೇಶದಲ್ಲಿ ಒಂದು ಲಕ್ಷ ೧೭ ಸಾವಿರ ಹೊಸದಾಗಿ ಕೋವಿಡ್ ಪ್ರಕರಣಗಳು ವರದಿಯಾಗಿವೆ. ಪ್ರಸ್ತುತ ಸಕ್ರಿಯ ಪ್ರಕರಣಗಳ ಸಂಖ್ಯೆ ೩ ಲಕ್ಷ ೭೧ ಸಾವಿರದಷ್ಟಿದೆ. ಈವರೆಗೆ ೬೮ ಕೋಟಿ ೬೮ ಲಕ್ಷ ಕೋವಿಡ್ ಪರೀಕ್ಷೆಗಳನ್ನು ನಡೆಸಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.

Share