Connect with us


      




ವಿದೇಶ

ಬೆರಳಚ್ಚಿನಂತೆ ಕಾಣುವ ದ್ವೀಪ

UNI Kannada

Published

on

ಬೆಂಗಳೂರು: ಜನೆವರಿ 02 (ಯು.ಎನ್.ಐ) ಪ್ರಕೃತಿಯಲ್ಲಿನ ವಿಸ್ಮಯತೆ ರೋಮಾಂಚನವನ್ನ ಪ್ರಕೃತಿಯನ್ನ ಅನುಭವಿಸಿ ಆಹ್ಲಾದಿಸುವವರೇ ಬಲ್ಲರು.ಸೌಂದರ್ಯವನ್ನು ಉಣಬಡಿಸುವ ನಿಸರ್ಗದೇವಿ ಒಮ್ಮೊಮ್ಮೆ ಅದೆಷ್ಟೋ ಕೌತಕವನ್ನೂ ತನ್ನ ಮಡಿಲಿನಲ್ಲಿ ಗಂಟಿಕ್ಕಿಕೊಂಡಿರುತ್ತಾಳೆ.ಇಂತಹ ಆಶ್ಚರ್ಯಗಳು ಬೆಳಕಿಗೆ ಬಂದಾಗಲೇ ಹುಬ್ಬೇರೋದು,ಹೌದಾ ಅನ್ನೋ ಉದ್ಘಾರ ಬರೋದು.
ಇಂತಹದೊಂದು ಕೌತುಕ ಈಗ ಜಗತ್ತಿನ ಕಣ್ಣಿಗೆ ಅಪರೂಪವಾಗಿ ಗೋಚರಿಸಿದೆ.ಅದು ಕೂಡ ಬೆರಳಚ್ಚಿನಂತೆ. ಹೌದು,ಇಲ್ಲೊಂದು ದ್ಚೀಪ ಅಕ್ಷರಶಃ ದೂರದ ಕಣ್ಣಿಗೆ ಬೆರಳಚ್ಚಿನಂತೇ ಕಾಣಸಿಗುತ್ತೆ. ಆಡ್ರಿಯಾಟಿಕ್ ಸಮುದ್ರದಲ್ಲಿ, “ಬಾವ್ಲ್ಜೆನಾಕ್” ಅನ್ನೋ ಹೆಸರಿನ ಅಂತಹದ್ದೊಂದು ದ್ವೀಪವಿದೆ, ಇದು ಹೆಬ್ಬೆರಳು ಅಥವಾ ಇತರೆ ಬೆರಳಿನ ಅಚ್ಚಿನಂತೆ ಕಾಣಸಿಗಯದೆ. ಈ ದ್ವೀಪವು ಸಿಬೆನಿಕ್ ದ್ವೀಪಸಮೂಹದ 249 ದ್ವೀಪಗಳಲ್ಲೊಂದಾಗಿದ್ದು, ಈ ದ್ವೀಪವನ್ನು ಕಪ್ರಿಜೆ ದ್ವೀಪದ ರೈತರು ಕೃಷಿಗಾಗಿ ಬಳಸುತ್ತಿದ್ದರು‌ ಎನ್ನಲಾಗಿದೆ.ಇನ್ನು ಈ ದ್ವೀಪ ಬೆರಳಚ್ಚಿನಂತೆ ಕಾಣೋ ತರಹ ಮಾಡಿದ್ದು ಈ ಸ್ಥಳದಲ್ಲಿ ನಿರ್ಮಿಸಲಾದ ಕಲ್ಲಿನ ಗೋಡೆಗಳು.

ಈ ದ್ವೀಪವನ್ನ ಬಾಲ್ಜೆನಿಕ್ ದ್ವೀಪ ಅಂತಾನೂ ಕರೆಯಲಾಗುತ್ತೆ. ಇದು 0.14 ಚದರ ಕಿಲೋಮೀಟರ್ ಪ್ರದೇಶದಲ್ಲಿದೆ. ಕಲ್ಲಿನ ಗೋಡೆಗಳನ್ನು ಒಟ್ಟಿಗೆ ಸೇರಿಸಿದರೆ ಇದು 23 ಕಿಲೋಮೀಟರ್ಗಳಷ್ಟು ವಿಸ್ತಾರವಾಗಿದೆ.

ಕ್ರೊಯೇಷಿಯಾದ ರಾಷ್ಟ್ರೀಯ ಪ್ರವಾಸಿ ಮಂಡಳಿಯ ಪ್ರಕಾರ, ಈ ದ್ವೀಪ ಆಂಡ್ರಿಯಾಟಿಕ್ ಸಮುದ್ರದಲ್ಲಿ ಕಂಡುಬಂದಿದೆ ಮತ್ತು ಇದನ್ನು ಕೃಷಿಗಾಗಿ ಬಳಸಲಾಗುತ್ತಂತೆ.ಅಂದ್ಹಾಗೆ ವಾಸಿಸೋ ಜನರು ಸಂಪೂರ್ಣವಾಗಿ ಸಸ್ಯಾಹಾರಿಗಳಂತೆ.ಇಲ್ಲಿ ಹೆಚ್ಚಿನ ಸಿಟ್ರಸ್ ಮರಗಳನ್ನು ನೆಡಲಾಗುತ್ತೆ.ಇಡೀ ದ್ವೀಪದಾದ್ಯಂತ ಕಲ್ಲಿನ ಗೋಡೆಗಳ ಸಂಪೂರ್ಣ ಜಾಲವನ್ನು ನಿರ್ಮಿಸಲಾಗಿದ್ದು,ರೈತರ ಬೆಳೆಯನ್ನು ಗಾಳಿಯಿಂದ ರಕ್ಷಿಸುವುದೇ ಈ ಗೋಡೆಯೇ ಕಾರಣ. ಇಡೀ ಜಮೀನನ್ನು ವಿವಿಧ ಪ್ಲಾಟ್‌ಗಳಾಗಿ ವಿಂಗಡಿಸಿ ಗೋಡೆಗಳನ್ನಾಗಿ ಮಾಡಲಾಗಿದೆ.

ಈ ಗೋಡೆಗಳನ್ನ 1800 ರಲ್ಲಿ ನಿರ್ಮಿಸಲಾಗಿದೆ ಅಂತ ಹೇಳಲಾಗುತ್ತೆ. ಈ ಗೋಡೆಗಳನ್ನ ಡ್ರೈ ಸ್ಟೋನ್ ವಾಲ್ಲಿಂಗ್ ತಂತ್ರವನ್ನ ಬಳಸಿ ಮಾಡಲಾಗಿದ್ದು,ಅತ್ಯಂತ ಎಚ್ಚರಿಕೆಯಿಂದ ಗೋಡೆಗಳನ್ನ ಪರಸ್ಪರ ಲಾಕ್ ಮಾಡಲಾಗಿದೆ.

ಈಗ ಇಲ್ಲಿ ಹಣ್ಣಿನ ಮರಗಳಿಲ್ಲ, ಆದರೆ ಕಲ್ಲುಗಳ ಗೋಡೆಗಳು ಮಾತ್ರ ಹಾಗೆ ನಿಂತಿವೆ. 2018 ರಿಂದ ಅವುಗಳನ್ನ ಸಂರಕ್ಷಿಸಲಾಗಿದೆ ಮತ್ತು ಈ ಸ್ಥಳವನ್ನ‌ಯುನೆಸ್ಕೋ ಪಾರಂಪರಿಕ ತಾಣಗಳ ಪಟ್ಟಿಯಲ್ಲಿ ಸೇರಿಸಲಾಗಿದೆ. ಇಲ್ಲಿನ ಪ್ರವಾಸಿ ಬೋರ್ಡ್‌ನಲ್ಲಿ ಈ ಸ್ಥಳವು ಕಠಿಣ ಪರಿಶ್ರಮ ಮತ್ತು ನಾಗರಿಕತೆಯ ಮಾದರಿ ಅಂತ ಬರೆಯಲಾಗಿದೆ.

Share