Connect with us


      




ಕರ್ನಾಟಕ

ಜನವರಿ ಒಂದರಿಂದ ಎಂ.ಎಸ್.ಪಿ ಖರೀದಿ ಕೇಂದ್ರ ಪ್ರಾರಂಭ: ಉಮೇಶ್ ಕತ್ತಿ

Kumara Raitha

Published

on

ಬೆಳಗಾವಿ: (ಸುವರ್ಣಸೌಧ) ಡಿಸೆಂಬರ್ 15 (ಯು.ಎನ್.ಐ.) ಎಂ.ಎಸ್ ಪಿ ಖರೀದಿ ಪ್ರಕ್ರಿಯೆ ಈಗಾಗಲೇ ಆರಂಭಿಸಲಾಗಿದೆ. ಜನವರಿ ಒಂದರಿಂದ ಖರೀದಿ ಪ್ರಾರಂಭಿಸಲಾಗುವುದೆಂದು ಆಹಾರ ಮತ್ತು ನಾಗರೀಕ ಪೂರೈಕೆ ಇಲಾಖೆ ಸಚಿವ ಉಮೇಶ್ ಕತ್ತಿಯವರು ಉತ್ತರಿಸಿದರು.

ಶಾಸಕ ವೇಂಕಟರಾವ್ ನಾಡಗೌಡರ ಪ್ರಶ್ನೆಗೆ ವಿಧಾನಸಭೆ ಕಲಾಪದಲ್ಲಿ ಉತ್ತರಿಸಿದ ಸಚಿವ ಉಮೇಶ್ ಕತ್ತಿ, ಕನಿಷ್ಟ ಬೆಂಬಲ ಬೆಲೆ ಯೋಜನೆಯಡಿಯಲ್ಲಿ ಭತ್ತ, ರಾಗಿ ಹಾಗೂ ಜೋಳ ಖರೀದಿಯ ನೊಂದಣಿ ಪ್ರಕ್ರಿಯೆ ಈಗಾಗಲೇ ಪ್ರಾರಂಭಿಸಲಾಗಿದೆ. ಜನವರಿ ಒಂದರಿಂದ ರಾಜ್ಯದಲ್ಲಿ ಖರೀದಿ ಪ್ರಾರಂಭಿಸಲಾಗುವುದೆಂದು ತಿಳಿಸಿದರು.

ಕೇಂದ್ರ ಸರ್ಕಾರದ ಆದೇಶದ ಅನ್ವಯ  5ಲಕ್ಷ ಮೇ.ಟನ್ ಭತ್ತ, 2.10 ಲಕ್ಷ ಮೇ.ಟನ್ ರಾಗಿ ಹಾಗೂ 1.10 ಲಕ್ಷ ಮೇ.ಟನ್ ಜೋಳವನ್ನು ಖರೀದಿ ಮಾಡಲು ಈಗಾಗಲೇ ಆದೇಶ ನೀಡಲಾಗಿದೆ, ಇದರ ಹೊರತಾಗಿಯೂ, ಜೋಳ, ರಾಗಿ ಹಾಗೂ ಭತ್ತವನ್ನು ನೋಂದಣಿ ಮಾಡಿದ್ದರೆ ಖರೀದಿ ಮಾಡಲಾಗುವುದೆಂದು ವಿಧಾನಸಭೆಯ ಕಲಾಪದಲ್ಲಿ ಸಚಿವ ಉಮೇಶ್ ಕತ್ತಿ ಸ್ಪಷ್ಟಪಡಸಿದರು.

ನೋಂದಣಿ ಪ್ರಕ್ರಿಯೆ ಪ್ರಾರಂಭಿಸಿರುವ ಹಿನ್ನೆಲೆ, ಇದುವರೆಗೂ 15078 ಮೇ.ಟನ್ ಭತ್ತ ಮಾರಾಟ ಮಾಡಲು ರೈತರು ನೋಂದಣಿ ಮಾಡಿರುತ್ತಾರೆ ಎಂದು ಈ ವೇಳೆ ಸಚಿವರಾದ ಉಮೇಶ್ ಕತ್ತಿ ಸದನಕ್ಕೆ ತಿಳಿಸಿದರು.

Share