Connect with us


      




ನ್ಯಾಯಾಲಯ

ಜ್ಞಾನವಾಪಿ ಮಸೀದಿ; ಮುಂದುವರಿದ ಸಮೀಕ್ಷೆ ಕಾರ್ಯ

Kumara Raitha

Published

on

ವಾರಣಾಸಿ: ಮೇ ೧೪ (ಯು.ಎನ್‌.ಐ.) ಇಲ್ಲಿನ ವಿವಾದಿತ ಜ್ಞಾನವಾಪಿ ಮಸೀದಿಯ ಸಮೀಕ್ಷಾ ಕಾರ್ಯ ಮುಂದುವರಿದಿದೆ. ಇದುವರೆಗೂ ಇಲ್ಲಿನ ಎರಡು ನೆಲಮಾಳಿಗೆಗಳ ಸಮೀಕ್ಷೆ ಪೂರ್ಣಗೊಂಡಿದೆ.

ನ್ಯಾಯಾಲಯ ಸೂಚಿಸಿದ ಸಮೀಕ್ಷಾ ಸಮಿತಿ ತನ್ನ ಕಾರ್ಯ ಮುಂದುವರಿಸಲು ಮಸೀದಿ ಸಮಿತಿ ಸಹಕಾರ ನೀಡಿದೆ. ಇಂದು ಬೆಳಿಗ್ಗೆ ಸಮೀಕ್ಷೆ ಆರಂಭಿಸಿದ ಸಮಿತಿಜ್ಞಾನವಾಪಿ-ಗೌರಿ ಶೃಂಗಾರ್ ಸಂಕೀರ್ಣದಲ್ಲಿ ಎರಡು ನೆಲಮಾಳಿಗೆಗಳ ವಿಡಿಯೋ ಚಿತ್ರೀಕರಣ ಮಾಡಿದೆ.

ನೆಲಮಾಳಿಗೆಯಲ್ಲಿರುವ ಮೂರು ಕೊಠಡಿಗಳು ಮುಸ್ಲಿಮರ ಪಾಲಿಗೆ ಸೇರಿದ್ದು, ಅವುಗಳಿಗೆ ಬೀಗ ಹಾಕಲಾಗಿತ್ತು. ಮಸೀದಿ ಆಡಳಿತ ಸಮಿತಿಯವರು ಮುಚ್ಚಿದ ಕೊಠಡಿಗಳನ್ನು  ತೆರೆದು  ಸಮೀಕ್ಷೆಯನ್ನು ಕೈಗೊಳ್ಳಲು ಅನುವು ಮಾಡಿಕೊಟ್ಟರು. ನಾಲ್ಕನೇ ಕೊಠಡಿ ಹಿಂದೂಗಳ ಪಾಲಿಗೆ ಸೇರಿದ್ದು, ಬಾಗಿಲು ಇಲ್ಲದ ಕಾರಣ ಅಡೆತಡೆಯಿಲ್ಲದೆ ಸರ್ವೆ ನಡೆದಿದೆ.

ಮುಂಜಾಗ್ರತಾ ಕ್ರಮವಾಗಿ ಸ್ಥಳೀಯ ಹಿರಿಯ ಪೊಲೀಸ್‌ ಅಧಿಕಾರಿಗಳ ನೇತೃತ್ವದಲ್ಲಿ ಬಿಗಿ ಪೊಲೀಸ್‌ ಬಂದೋಬಸ್ತ್‌ ಮಾಡಲಾಗಿದ್ದು, ಮಸೀದಿಯ ಸಮೀಪದ ಮಾರ್ಗಗಳಲ್ಲಿ ಬ್ಯಾರಿಕೇಡ್‌ಗಳನ್ನು ಇಡಲಾಗಿದೆ.

 

Share