Connect with us


      




ವಾಣಿಜ್ಯ

1000ಕ್ಕೂ ಹೆಚ್ಚು ಶಾಖೆ ತೆರೆದ ಎಚ್‌ಡಿಎಫ್‌ಸಿ..!

Iranna Anchatageri

Published

on

ಹೊಸದಿಲ್ಲಿ: ಮೇ 05 (ಯು.ಎನ್‌.ಐ.) ಖಾಸಗಿ ವಲಯದ ಅತಿದೊಡ್ಡ ಎಚ್‌ಡಿಎಫ್‌ಸಿ ಬ್ಯಾಂಕ್ ತನ್ನ ‘ಪ್ರಾಜೆಕ್ಟ್ ಫ್ಯೂಚರ್ ರೆಡಿ’ ಭಾಗವಾಗಿ ಕಳೆದ ಎರಡು ವರ್ಷಗಳಲ್ಲಿ 1,000 ಕ್ಕೂ ಹೆಚ್ಚು ಶಾಖೆಗಳನ್ನು ತೆರೆದಿದೆ ಎಂದು ಗುರುವಾರ ಪ್ರಕಟಿಸಿದೆ. 2021-22ರ ಆರ್ಥಿಕ ವರ್ಷದಲ್ಲಿಯೇ 734 ಶಾಖೆಗಳನ್ನು ತೆರೆದಿದೆ ಎಂದು ಬ್ಯಾಂಕ್ ಹೇಳಿದೆ.

ಎಚ್‌ಡಿಎಫ್‌ಸಿ ಬ್ಯಾಂಕ್ ಮಾರ್ಚ್ 31 ರಂದು ಭಾರತದಾದ್ಯಂತ 250 ಶಾಖೆಗಳನ್ನು ತೆರೆಯುವುದರೊಂದಿಗೆ ಏಕಕಾಲದಲ್ಲಿ ಗರಿಷ್ಠ ಬ್ಯಾಂಕ್ ಶಾಖೆಗಳನ್ನು ತೆರೆಯುವ ಹೊಸ ದಾಖಲೆಯನ್ನು ಮಾಡಿದೆ. ಈ ಶಾಖೆಗಳನ್ನು ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶಶಿ ಜಗದೀಶನ್ ಅವರು ಡಿಜಿಟಲ್ ಮೂಲಕ ಪ್ರಾರಂಭಿಸಿದರು. ಈ ದಾಖಲೆಯು ಏಷ್ಯಾ ಬುಕ್ ಆಫ್ ರೆಕಾರ್ಡ್ಸ್ ಮತ್ತು ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ದಾಖಲಾಗಿದೆ.

ಮಾರ್ಚ್ 31, 2022 ರಂತೆ ಎಚ್‌ಡಿಎಫ್‌ಸಿ ಬ್ಯಾಂಕ್ ದೇಶದ 3,188 ನಗರಗಳಲ್ಲಿ 6,342 ಶಾಖೆಗಳನ್ನು ಮತ್ತು 18,130 ಎಟಿಎಂಗಳನ್ನು ಹೊಂದಿದೆ.

ಎಚ್‌ಡಿಎಫ್‌ಸಿ ಬ್ಯಾಂಕ್‌ನ ಕಂಟ್ರಿ ರಿಟೇಲ್ ಶಾಖೆಯ ಬ್ಯಾಂಕಿಂಗ್ ವ್ಯವಹಾರದ ಮುಖ್ಯಸ್ಥ ಅರವಿಂದ್ ವೋಹ್ರಾ, “ನಾವು ಈಗ ಶಾಖೆಯ ಮಟ್ಟದಲ್ಲಿ ಗ್ರಾಹಕರೊಂದಿಗೆ ತೊಡಗಿಸಿಕೊಳ್ಳುವ ಕಲೆಯಲ್ಲಿ ವೈಜ್ಞಾನಿಕ ಚಿಂತನೆಯನ್ನು ಅಳವಡಿಸಲು ಬಯಸುತ್ತೇವೆ ಎಂದು ತಿಳಿಸಿದ್ದಾರೆ.

Share