Connect with us


      




ಕ್ರೀಡೆ

ಐಪಿಎಲ್ 2022: ಕೋಲ್ಕತ್ತಾ ನೈಟ್ ರೈಡರ್ಸ್ ಕ್ಯಾಪ್ಟನ್‌ ಆಗಿ ಶ್ರೇಯಸ್ ಅಯ್ಯರ್

UNI Kannada

Published

on

ಮುಂಬೈ, ಜ 11(ಯುಎನ್‌ ಐ) – IPL- 2022 ಋತುವಿನ ಮೆಗಾ ಹರಾಜಿಗೆ ಮೊದಲು ದೆಹಲಿ ಕ್ಯಾಪಿಟಲ್ಸ್ ಶ್ರೇಯಸ್ ಅಯ್ಯರ್ ಅವರನ್ನು ಉಳಿಸಿಕೊಂಡಿಲ್ಲ. ಈ ಕ್ರಮದಲ್ಲಿ ಮುಂಬರುವ ಮೆಗಾ ಹರಾಜಿನಲ್ಲಿ ಶ್ರೇಯಸ್‌ ಅವರಿಗಾಗಿ ಹಲವು ಫ್ರಾಂಚೈಸಿಗಳು ಪೈಪೋಟಿ ನಡೆಸಲಿರುವುದು ನಿಶ್ಚಿತ. ಈಗಾಗಲೇ ಐಪಿಎಲ್ ಗೆ ಹೊಸ ಪ್ರವೇಶವಾಗಿರುವ ಅಹಮದಾಬಾದ್ ತಂಡದ ನಾಯಕರಾಗಿ ಅಯ್ಯರ್ ಆಯ್ಕೆ ಬಹುತೇಕ ಅಂತಿಮಗೊಂಡಿದೆ ಎಂಬ ಮಾತು ಕೇಳಿಬರುತ್ತಿದೆ.
ಈ ಹಿನ್ನೆಲೆಯಲ್ಲಿ ಅಯ್ಯರ್ ಗೆ ಸಂಬಂಧಿಸಿದ ಮತ್ತೊಂದು ಸುದ್ದಿ ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡುತ್ತಿದೆ. ಈ ಋತುವಿನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ನಾಯಕರಾಗಿ ಶ್ರೇಯಸ್ ಅಯ್ಯರ್ ಆಯ್ಕೆಯಾಗಲಿದ್ದಾರೆ ಎಂಬ ಸುದ್ದಿ ಹರಡಿದೆ. ಕಳೆದ ಋತುವಿನಲ್ಲಿ ಕೆಕೆಆರ್ ನಾಯಕರಾಗಿದ್ದ ಇಯಾನ್ ಮಾರ್ಗನ್ ಅವರನ್ನು ಫ್ರಾಂಚೈಸಿ ಉಳಿಸಿಕೊಂಡಿಲ್ಲ.
ಕೆ ಕೆ ಆರ್ ನಾಯಕತ್ವವನ್ನು ಶ್ರೇಯಸ್ ಅಯ್ಯರ್‌ಗೆ ಹಸ್ತಾಂತರಿಸಲು ತಂಡ ಮಾಲೀಕರು ಬಯಸಿದ್ದಾರೆ. ಈಸಂಬಂಧ ಅಯ್ಯರ್ ಅವರೊಂದಿಗೆ ಕೆ ಕೆ ಆರ್ ಪ್ರತಿನಿಧಿಗಳು ಈಗಾಗಲೇ ಸಮಾಲೋಚನೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ. ಮತ್ತೊಂದೆಡೆ, ಐಪಿಎಲ್-2020 ಋತುವಿನಲ್ಲಿ ಅಯ್ಯರ್ ಡೆಲ್ಲಿ ಕ್ಯಾಪಿಟಲ್ಸ್‌ನ ನಾಯಕರಾಗಿದ್ದರು. ತಂಡ ಫೈನಲ್ ತಲುಪುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಅಯ್ಯರ್ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ನಾಲ್ಕನೇ ಆಟಗಾರರಾಗಿದ್ದರು. ಆದಾಗ್ಯೂ, IPL-2021 ಮೊದಲ ಹಂತದಲ್ಲಿ ಗಾಯದಿಂದ ದೂರವಾಗಿದ್ದರು. ಇದರೊಂದಿಗೆ ಪಂತ್ ನಾಯಕರಾಗಿ ಆಯ್ಕೆಯಾಗಿದ್ದರೂ, ಅಯ್ಯರ್ ತಂಡ ಸೇರಿಕೊಂಡರೂ, ಮ್ಯಾನೇಜ್‌ಮೆಂಟ್ ಪಂತ್‌ ಅವರಿಗೆ ನಾಯಕತ್ವ ವಹಿಸಿತ್ತು.

Share