ಟೋಕಿಯೊ: ನ. 8 (ಯುಎನ್ಐ) ಜಪಾನ್​ನಲ್ಲಿ15 ತಿಂಗಳುಗಳ ಬಳಿಕ ಇದೇ ಮೊದಲ ಬಾರಿಗೆ ಕೋವಿಡ್​-19ನಿಂದ ಯಾವುದೇ ದೈನಂದಿನ ಸಾವುಗಳು ಸಂಭವಿಸಿಲ್ಲ.

ಭಾನುವಾರ ಯಾವುದೇ ಸಾವು ಸಂಭವಿಸಿಲ್ಲ ಎಂದು ಆರೋಗ್ಯ ಅಧಿಕಾರಿಗಳು ಸೋಮವಾರ ಹೇಳಿದ್ದಾರೆ. ಜಪಾನ್​​ನಲ್ಲಿ ಸಾಂಕ್ರಾಮಿಕ ರೋಗ ಪ್ರಾರಂಭವಾದಾಗಿನಿಂದ ಇಲ್ಲಿಯವರೆಗೆ ಒಟ್ಟು18,310 ಸಾವುಗಳು ಸಂಭವಿಸಿವೆ.

ಜಪಾನ್ ಸೋಮವಾರ, ಎರಡು ಡೋಸ್ ಕೋವಿಡ್ ಲಸಿಕೆ ಪಡೆದ ವಿದೇಶಿ ವಿದ್ಯಾರ್ಥಿಗಳು, ಕೆಲಸಗಾರರು ಮತ್ತು ವ್ಯಾಪಾರಕ್ಕಾಗಿ ಬರುವ ಪ್ರಯಾಣಿಕರಿಗೆ ಪ್ರವೇಶ ನಿರ್ಬಂಧಗಳನ್ನು ಸಡಿಲಗೊಳಿಸಿದೆ.

ಸಚಿವಾಲಯದ ಪ್ರಕಾರ, ಆಗಸ್ಟ್ 2, 2020 ರಂದು ಜಪಾನ್ ಯಾವುದೇ ಕೊರೊನಾದಿಂದ ಉಂಟಾದ ಸಾವುಗಳನ್ನು ವರದಿ ಮಾಡಿರಲಿಲ್ಲ.