Connect with us


      




ದೇಶ

ಒಮೈಕ್ರಾನ್ ಶೇ.20ರಷ್ಟು ಹೆಚ್ಚಳ

UNI Kannada

Published

on

ನವದೆಹಲಿ,ಡಿ.14(ಯು.ಎನ್.ಐ)ಭಾರತದಲ್ಲಿ ಕೊರೊನಾದ ಹೊಸ ರೂಪಾಂತರ ಓಮೈಕ್ರಾನ್‌ ವೇಗ ತೀವ್ರಗೊಳ್ಳುತ್ತಿದ್ದು, ಕಳೆದ ಒಂದು ದಿನದಲ್ಲಿ, ಓಮೈಕ್ರಾನ್ ಪ್ರಕರಣ ಸುಮಾರು ಶೇ.20ರಷ್ಟು ಹೆಚ್ಚಳ ಕಂಡಿದೆ .

ಕಳೆದ ಸೋಮವಾರದವರೆಗೆ, ದೇಶದಲ್ಲಿ 40 ಪ್ರಕರಣಗಳಿದ್ದರೆ, ಮಂಗಳವಾರ ಬೆಳಗಿನಷ್ಟೊತ್ತಿಗೆ ಸಂಖ್ಯೆ 49 ಕ್ಕೆ ಏರಿದೆ. ಮಂಗಳವಾರ, ದೆಹಲಿ ಮತ್ತು ರಾಜಸ್ಥಾನ ಎರಡೂ ರಾಜ್ಯಗಳಲ್ಲಿ 4-4 ಹೊಸ ಪ್ರಕರಣಗಳು ದಾಖಲಾಗಿವೆ. ಇಲ್ಲಿಯವರೆಗೆ, ದೆಹಲಿಯಲ್ಲಿ ಒಮೈಕ್ರಾನ್‌ನ ಒಟ್ಟು 6 ಪ್ರಕರಣಗಳು ವರದಿಯಾಗಿದ್ದು, ಅದರಲ್ಲಿ ಒಬ್ಬರು ಗುಣಮುಖರಾಗಿದ್ದಾರೆ, ಅವರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಉಳಿದ ಐವರು ರೋಗಿಗಳ ಸ್ಥಿತಿ ಸಾಮಾನ್ಯವಾಗಿದೆ ಎನ್ನಲಾಗಿದೆ.

ಇನ್ನು ನಾಲ್ಕು ಪ್ರಕರಣಗಳು ಬೆಳಕಿಗೆ ಬಂದಿದ್ದು, ಈ ರೋಗಿಗಳ ಆರೋಗ್ಯ ಸ್ಥಿರವಾಗಿದೆ ಎಂದು ರಾಜಸ್ಥಾನದ ಆರೋಗ್ಯ ಸಚಿವ ಪ್ರಸಾದಿ ಲಾಲ್ ಮೀನಾ ಹೇಳಿದ್ದಾರೆ. ರಾಜ್ಯದಲ್ಲಿ ಹಿಂದಿನ ಎಲ್ಲಾ ಓಮೈಕ್ರಾನ್ ರೋಗಿಗಳಿಗೆ ಕರೋನಾ ನೆಗೆಟಿವ್ ಪರೀಕ್ಷೆ ಮಾಡಲಾಗಿದೆ.

ಇತ್ತ ದೆಹಲಿಯಲ್ಲಿ ವಿಮಾನ ನಿಲ್ದಾಣದ ಮೂಲಕ ವಿದೇಶದಿಂದ ಬಂದ ಒಟ್ಟು 74 ಜನರನ್ನು ಇದುವರೆಗೆ ಎಲ್‌ಎನ್‌ಜೆಪಿಗೆ ದಾಖಲಿಸಲಾಗಿದೆ ಎಂದು ದೆಹಲಿ ಆರೋಗ್ಯ ಸಚಿವ ಸತ್ಯೇಂದ್ರ ಜೈನ್ ತಿಳಿಸಿದ್ದಾರೆ. ಇವರಲ್ಲಿ 36 ಮಂದಿ ಡಿಸ್ಚಾರ್ಜ್ ಆಗಿದ್ದು, 38 ರೋಗಿಗಳು ಈಗ ದಾಖಲಾಗಿದ್ದಾರೆ. ಇವರಲ್ಲಿ 35 ಮಂದಿ ಕೊರೊನಾ ರೋಗಿಗಳಾಗಿದ್ದು, 5 ಮಂದಿ ಒಮೈಕ್ರಾನ್ ಪಾಸಿಟಿವ್ ಮತ್ತು 3 ಮಂದಿ ಶಂಕಿತರಾಗಿದ್ದಾರೆ. ಇಲ್ಲಿಯವರೆಗೆ, ಎಲ್‌ಎನ್‌ಜೆಪಿಯಲ್ಲಿ ಒಟ್ಟು 6 ರೋಗಿಗಳು ಓಮೈಕ್ರಾನ್ ದೃಢಪಟ್ಟಿರುವುದು ವರದಿಯಾಗಿದ್ದು, ಅದರಲ್ಲಿ ಒಬ್ಬ ರೋಗಿ ಗುಣಮುಖ ಒಬ್ಬರನ್ನು ಆಸ್ಪತ್ರೆಯಿಂದ ಬಿಡುಗಡೆಯಾಗಿದೆ.ದ್ಯಕ್ಕೆ ಓಮೈಕ್ರಾನ್ ನಿಯಂತ್ರಣದಲ್ಲಿದೆ. ಸಮುದಾಯದಿಂದ ಹರಡಿದ ಬಗ್ಗೆ ಇದುವರೆಗೆ ಯಾವುದೇ ಪ್ರಕರಣ ಬಂದಿಲ್ಲ, ಎಲ್ಲಾ ಪ್ರಕರಣಗಳು ವಿಮಾನ ನಿಲ್ದಾಣದಿಂದ ಬಂದಿವೆ. ವಿದೇಶದಿಂದ ಯಾರೇ ಬಂದರೂ ಎಲ್ಲರನ್ನೂ ಪರೀಕ್ಷಿಸುತ್ತಿದ್ದೇವೆ. ಯಾರೂ ಗಂಭೀರವಾಗಿಲ್ಲ ಎಂದಿದ್ದಾರೆ.

ಈ ಹಿಂದೆ ಗುಜರಾತ್‌ನ 42 ವರ್ಷದ ವ್ಯಕ್ತಿಯೊಬ್ಬರು ಕೋವಿಡ್‌ನ ಓಮಿಕ್ರಾನ್ ರೂಪಾಂತರದಿಂದ ಸೋಂಕಿಗೆ ಒಳಗಾಗಿದ್ದರು. ಈ ವ್ಯಕ್ತಿ ಇತ್ತೀಚೆಗೆ ದಕ್ಷಿಣ ಆಫ್ರಿಕಾದಿಂದ ಹಿಂದಿರುಗಿದ್ದು, ಅವರನ್ನು ಮನೆಯಲ್ಲಿ ಪ್ರತ್ಯೇಕವಾಗಿ ಇರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.ಅವರ ಎಲ್ಲಾ ಸಂಬಂಧಿಕರು ಮತ್ತು ನಾಲ್ವರು ಸಹ-ಪ್ರಯಾಣಿಕರ ಕೋವಿಡ್ ಪರೀಕ್ಷೆ ನಡೆಸಿದ್ದು ಅವರ ವರದಿಗಳು ನಕಾರಾತ್ಮಕವಾಗಿವೆ.

Share