ಸ್ವಿಟ್ಜರ್ಲೆಂಡ್, ಡಿಸೆಂಬರ್ 11 (ಯು.ಎನ್.ಐ) ಸ್ವಿಟ್ಜರ್ಲೆಂಡ್‌ನ 5 ರಿಂದ 11 ವರ್ಷ ವಯಸ್ಸಿನ ಮಕ್ಕಳಿಗೆ ಫೈಜರ್ ಲಸಿಕೆ ದೊರೆಯಲಿದೆ. ಈ ಕುರಿತು ಸ್ವಿಟ್ಜರ್ಲೆಂಡ್‌ನ ಸ್ವಿಸ್ ಏಜೆನ್ಸಿ ಫಾರ್ ಥೆರಪ್ಯೂಟಿಕ್ ಪ್ರಾಡಕ್ಟ್ಸ್ (SwissMedic) ಫೈಜರ್ ಲಸಿಕೆಯನ್ನು ಬಳಸಲು ಅನುಮೋದನೆ ನೀಡಿದೆ. ಫೈಜರ್ ಬಯೋಂಟೆಕ್ (Pfizer-BioNtech) ಅಪ್ಲಿಕೇಷನ್ ನಲ್ಲಿ ನೀಡಲಾಗಿರುವ ಮಾಹಿತಿಯನ್ನು ಎಚ್ಚರಿಕೆ ಅಧ್ಯಯನ ಮಾಡಿದ್ದೇವೆ. ಕ್ಲಿನಿಕಲ್ ಪ್ರಯೋಗದ ಫಲಿತಾಂಶಗಳು ಲಸಿಕೆ ಸುರಕ್ಷಿತವಾಗಿದೆ. ಮಕ್ಕಳ ಮೇಲೆ ಉತ್ತಮ ಪರಿಣಾಮ ತೋರಿದೆ ಅನ್ನೋದು ಸ್ವಿಸ್ ಮೆಡಿಕ್ ನ ವಿಶ್ವಾಸ.

ಅಲ್ಲದೆ, ಈ ಅಧ್ಯಯನವು 1500 ಕ್ಕೂ ಹೆಚ್ಚು ಮಕ್ಕಳ ಮೇಲೆ ನಡೆಸಲಾಯಿತು. ಮತ್ತು ಇದು 5 ರಿಂದ 11 ವರ್ಷ ವಯಸ್ಸಿನ ಮಕ್ಕಳಿಗೆ ಸಂಪೂರ್ಣವಾಗಿ ಸುರಕ್ಷಿತವಾಗಿದೆ ಅನ್ನೋದು ಗೊತ್ತಾಗಿದೆ. ಆದರೆ, ಚುಚ್ಚುಮದ್ದಿನ ಸ್ಥಳದಲ್ಲಿ ನೋವಿನ ಜೊತೆಗೆ ಆಯಾಸ, ತಲೆನೋವು, ಜ್ವರ ಮತ್ತು ಕೈ ಕಾಲುಗಳಲ್ಲಿ ನೋವು ಮುಂತಾದ ಅಡ್ಡ ಪರಿಣಾಮಗಳನ್ನು ಗಮನಿಸಲಾಗಿದೆ ಎಂದು ಸಂಸ್ಥೆ ವರದಿ ಮಾಡಿದೆ.