Connect with us


      




ಸಿನೆಮಾ

ಇನ್ಮುಂದೆ ರಶ್ಮಿಕ ಹೆಸರು ರಶ್ಮಿಕ ಮಂದಣ್ಣ ಅಲ್ವಂತೆ !

UNI Kannada

Published

on

ಜನೆವರಿ 08 (ಯು.ಎನ್.ಐ.) ನ್ಯಾಶನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಇತ್ತೀಚೆಗೆ ಸಾಲು ಸಾಲು ಚಿತ್ರಗಳ ಚಿತ್ರೀಕರಣಗಳಲ್ಲಿ ಬ್ಯುಸಿಯಾಗಿದ್ದಾರೆ. ತೆಲುಗು, ತಮಿಳು ಮತ್ತು ಹಿಂದಿಯಲ್ಲಿ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದಾರೆ. ‘ಮಿಷನ್ ಮಜ್ನು’ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ಇತ್ತೀಚೆಗಷ್ಟೇ ಐಕಾನಿಕ್ ಸ್ಟಾರ್ ಅಲ್ಲು ಅರ್ಜುನ್-ಸುಕುಮಾರ್ ಕಾಂಬಿನೇಷನ್ನಿನ ‘ಪುಷ್ಪ’ ಸಿನಿಮಾ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ.

ರಶ್ಮಿಕಾ ಮಂದಣ್ಣ ಹೆಸರು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಬಿಸಿಬಿಸಿ ಚರ್ಚೆಗೆ ಎಡೆಮಾಡಿಕೊಟ್ಟಿದೆ. ಜನಪ್ರಿಯ OTT ದೈತ್ಯ ಅಮೆಜಾನ್ ಪ್ರೈಮ್ ವೀಡಿಯೊದಲ್ಲಿ ಜನವರಿ 7 ರಂದು ಪುಷ್ಪಾ ದಿ ರೈಸ್ ಸಿನಿಮಾವನ್ನ ಬಿಡುಗಡೆ ಮಾಡಲಾಗಿದೆ. ಪುಷ್ಪಾ ಪ್ರಸ್ತುತ ಹಿಂದಿ ಹೊರತುಪಡಿಸಿ ತೆಲುಗು, ಕನ್ನಡ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ವೀಕ್ಷಿಸಬಹುದಾಗಿದೆ.

ಆದರೆ ಅಮೆಜಾನ್ ಮಾಡಿದ ಸಣ್ಣ ತಪ್ಪಿನಿಂದ ರಶ್ಮಿ ಅವರ ನಿಜವಾದ ಹೆಸರೇ ಬದಲಾಗಿದೆ. ಪುಷ್ಪ ಚಿತ್ರದ ಕೊನೆಯಲ್ಲಿ ನಟ-ನಟಿಯರ  ಹೆಸರುಗಳ ಸಾಲು ಬರುತ್ತದೆ ಎಂದು ಪ್ರತಿಯೊಬ್ಬರಿಗೂ ಗೊತ್ತು. ಆ ಶೀರ್ಷಿಕೆಯಲ್ಲಿ ರಶ್ಮಿಕ ಮಂದಣ್ಣ ಬದಲಿಗೆ ರಶ್ಮಿ ಮಡೋನ್ನಾ ಎಂದು ತಪ್ಪಾಗಿ ಬರೆಯಲಾಗಿದೆ.

ಸಿನಿಮಾದಲ್ಲಿನ ರಶ್ಮಿಕ ಹೆಸರಿನ ಸ್ಕ್ರೀನ್‌ಶಾಟ್ ತೆಗೆದು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಲಾಗಿದೆ. ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ವೈರಲ್ ಆಗುತ್ತಿದೆ.ಇನ್ನೂ ಈ ತಪ್ಪನ್ನು ಅಮೆಜಾನ್ ಹೇಗೆ ಸರಿಪಡಿಸಿಕೊಳ್ಳುತ್ತದೋ ಎಂಬುದನ್ನು ಕಾದು ನೋಡಬೇಕಾಗಿದೆ. ಮತ್ತು ಈ ವಿಚಾರವಾಗಿ ರಶ್ಮಿಕ ಹೇಗೆ ಪ್ರತಿಕ್ರಿಯಿಸುತ್ತಾರೆ ಎಂದು ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ.

Share