ನವದೆಹಲಿ, ಜನವರಿ 01 (ಯು.ಎನ್.ಐ) ಮುಂಬೈ ಮತ್ತು ದೆಹಲಿಯಲ್ಲಿ ಕೋವಿಡ್ ಪ್ರಕರಣಗಳು ನಿರಂತರವಾಗಿ ಏರುತ್ತಲೇ ಇದೆ. ಶನಿವಾರ ಮುಂಬೈ, ದೆಹಲಿಯಲ್ಲಿ ಕೋವಿಡ್ ಪ್ರಕರಣಗಳು ಮತ್ತೆ ಏರಿಕೆಯಾಗಿದ್ದು, ಜನರಲ್ಲಿ ಆತಂಕ ಸೃಷ್ಟಿಸಿದೆ.

ಮುಂಬೈನಲ್ಲಿ ಶನಿವಾರ 6,347 ಹೊಸ ಕೋವಿಡ್ -19 ಪ್ರಕರಣಗಳು ದಾಖಲಾಗಿದ್ದು, ಒಂದು ಸಾವು ಸಂಭವಿಸಿದೆ ಮತ್ತು 451 ಚೇತರಿಸಿಕೊಂಡಿದ್ದಾರೆ. ನಗರದಲ್ಲಿ ಶುಕ್ರವಾರ 5,631 ಸೋಂಕುಗಳು ದಾಖಲಾಗಿದ್ದವು. ಮುಂಬೈನಲ್ಲಿ ಈಗ 22,334 ಸಕ್ರಿಯ ಪ್ರಕರಣಗಳಿವೆ. ನಗರದಲ್ಲಿ ಇಲ್ಲಿಯವರೆಗೆ 7,50,158 ಚೇತರಿಕೆ ದಾಖಲಾಗಿದೆ.

ಇನ್ನು ದೆಹಲಿಯಲ್ಲಿ 2,716 ಹೊಸ ಕೋವಿಡ್ -19 ಪ್ರಕರಣಗಳು ದಾಖಲಾಗಿದ್ದು, ಶುಕ್ರವಾರದ ಸಂಖ್ಯೆಗಿಂತ 51% ಹೆಚ್ಚಾಗಿದೆ – ಮತ್ತು ಪಾಸಿಟಿವಿಟಿ ದರವು ಶೇಕಡಾ 3.64ಕ್ಕೆ ಏರಿದೆ.

ಶನಿವಾರ ದೆಹಲಿಯಲ್ಲಿ 31 ಹೊಸ ಒಮೈಕ್ರಾನ್ ಪ್ರಕರಣಗಳು ವರದಿಯಾಗಿವೆ. ಇದರಿಂದ ಒಮೈಕ್ರಾನ್ ಸಂಖ್ಯೆ 351ಕ್ಕೆ ಏರಿದೆ, ದೇಶದಲ್ಲಿ ಮಹಾರಾಷ್ಟ್ರದ ನಂತರ ದೆಹಲಿ ಎರಡನೇ ಅತಿ ಹೆಚ್ಚು ಒಮೈಕ್ರಾನ್ ಪ್ರಕರಣಗಳನ್ನು ಹೊಂದಿದೆ.