Connect with us


      




ಆಟೋಮೊಬೈಲ್

ಈ ರಾಯಲ್‌ ಎನ್‌ ಫೀಲ್ಡ್‌ ಬೈಕ್‌ ಖರೀದಿಸಿದ್ದೀರಾ… ಕೂಡಲೇ ಷೋ ರೂಮ್‌ ಗೆ ತೆಗೆದುಕೊಂಡು ಹೋಗಿ !

Published

on

 

 

ಚೆನ್ನೈ, ಡಿ 20( ಯುಎನ್‌ ಐ) ಪ್ರಮುಖ ಬೈಕ್ ತಯಾರಕ ಸಂಸ್ಥೆ ರಾಯಲ್ ಎನ್‌ಫೀಲ್ಡ್ ತನ್ನ ಕ್ಲಾಸಿಕ್ 350 ಬೈಕ್‌ನಲ್ಲಿ ಬ್ರೇಕಿಂಗ್ ಸಮಸ್ಯೆ ಇರುವ 26,300 ಯುನಿಟ್‌ಗಳನ್ನು ಹಿಂಪಡೆಯುತ್ತಿರುವುದಾಗಿ ಘೋಷಿಸಿದೆ. ಸೆಪ್ಟೆಂಬರ್‌ನಲ್ಲಿ ಬಿಡುಗಡೆಯಾದ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಮಾಡೆಲ್ ಬೈಕ್‌ನಲ್ಲಿ ವಿವಿಧ ಸಮಸ್ಯೆಗಳ ಕಾರಣದಿಂದ ಮಾರಾಟವಾದ ಬೈಕ್‌ಗಳನ್ನು ತಕ್ಷಣವೇ ಹಿಂಪಡೆಯಲು ರಾಯಲ್ ಎನ್‌ಫೀಲ್ಡ್ ನಿರ್ಧರಿಸಿದೆ. ಈ ಬೈಕ್‌ನಲ್ಲಿ ಬ್ರೇಕಿಂಗ್ ಸಮಸ್ಯೆ ಇದೆ ಎಂದು ಗುರುತಿಸಿರುವ ರಾಯಲ್ ಎನ್‌ಫೀಲ್ಡ್ ಈ ಮಾದರಿಯ ಎಲ್ಲಾ ಬೈಕ್‌ಗಳನ್ನು ಮರಳಿಸಬೇಕು ಎಂದು ಕೋರಿದೆ.

 

 

ಸೆಪ್ಟೆಂಬರ್ 1ರಿಂದ ಡಿಸೆಂಬರ್ 5ರ ನ ಡುವೆ ತಯಾರಾದ ಕ್ಲಾಸಿಕ್ 350 ಮಾದರಿಯ ಬೈಕ್ ಗಳಲ್ಲಿ ಈ ಸಮಸ್ಯೆ ಕಂಡುಬಂದಿದೆ. ಗ್ರಾಹಕರ ಸುರಕ್ಷತೆಯ ದೃಷ್ಟಿಯಿಂದ ಎಲ್ಲಾ ಘಟಕಗಳ ಸ್ವಿಂ ಗ್ ಆರ್ಮ್ ಬ್ರೇಕ್ ರಿಯಾಕ್ಷನ್ ಬ್ರಾಕೆಟ್ ಅನ್ನು ಬಲಪಡಿಸಲು ನಿರ್ಧರಿಸಲಾಗಿದೆ ಎಂದು ರಾಯಲ್ ಎನ್‌ಫೀಲ್ಡ್ ಹೇಳಿದೆ. ಸೇವಾ ತಂಡ ಅಥವಾ ಹತ್ತಿರದ ಸ್ಥಳೀಯ ಡೀಲರ್‌ಶಿಪ್ ಕೇಂದ್ರಗಳಲ್ಲಿ ಬೈಕು ಖರೀದಿಸಿರುವ ಗ್ರಾಹಕರು ಖರೀದಿ ದಾಖಲೆಗಳೊಂದಿಗೆ ಮರಳಿಸುವಂತೆ ಸೂಚಿಸಿದೆ. ದೋಷಗಳನ್ನು ಸರಿಪಡಿಸಿ ನಂತರ ಬೈಕ್‌ ಗಳನ್ನು ಹಿಂತಿರುಗಿಸಲಾಗುವುದು ಎಂದು ಹೇಳಿದೆ.

 

ನಿಮ್ಮ ಸಮೀಪದ ಸೇವಾ ಕೇಂದ್ರಗಳ ಕುರಿತು ತಿಳಿದುಕೊಳ್ಳಲು ಗ್ರಾಹಕರು ರಾಯಲ್ ಎನ್‌ಫೀಲ್ಡ್ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು. ಗ್ರಾಹಕರು ಯಾವುದೇ ಸಂದೇಹಗಳನ್ನು ಹೊಂದಿದ್ದರೆ 1800-210-007 ಗೆ ಕರೆ ಮಾಡಬಹುದು ಎಂದು ಅದು ಹೇಳಿದೆ. ಈ ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಬೈಕ್ ಮೂರು ವೆರಿಯಂಟ್‌ಗಳಲ್ಲಿ ಲಭ್ಯವಿದೆ. ಫೈರ್‌ಬಾಲ್ ವೆರಿಯಂಟ್‌ ಬೆಲೆ 1.85 ಲಕ್ಷ ರೂ., ಸೂಪರ್‌ನೋವಾ ವೇರಿಯಂಟ್‌ ಬೆಲೆ ರೂ. 1.86 ಲಕ್ಷಗಳು, ಸ್ಟೆಲ್ಲರ್ ವೇರಿಯಂಟ್‌ ಬೆಲೆ -1.90 ಲಕ್ಷಗಳು. ಈ ಬೈಕ್ ಯುಎಸ್‌ಬಿ ಚಾರ್ಜರ್, ಹೊಸದಾಗಿ ವಿನ್ಯಾಸಗೊಳಿಸಿದ ಟೈಲ್ ಲೈಟ್, ನವೀಕರಿಸಿದ ಎಕ್ಸಾಸ್ಟ್ ಪೈಪ್, 13-ಲೀಟರ್ ಸಾಮರ್ಥ್ಯದ ಇಂಧನ ಟ್ಯಾಂಕ್ ಹಾಗೂ ಹೆಚ್ಚು ಆರಾಮದಾಯಕ ಸವಾರಿ ಅನುಭವಕ್ಕಾಗಿ ನವೀಕರಿಸಿದ ಸೀಟುಗಳೊಂದಿಗೆ ಬರುತ್ತದೆ.

ಆಟೋಮೊಬೈಲ್

ನಿರೀಕ್ಷಿತ ಲೈಫ್ ಸ್ಟೈಲ್ ಯುಟಿಲಿಟಿ ವೆಹಿಕಲ್ ಲೋಕಾರ್ಪಣೆ

Published

on

ಬೆಂಗಳೂರು: ಜನೆವರಿ 20 (ಯು.ಎನ್.ಐ.) ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ (ಟಿಕೆಎಂ) ಭಾರತೀಯ ಮಾರುಕಟ್ಟೆಗೆ ಇಂದು ಐಕಾನಿಕ್ ಹಿಲಕ್ಸ್ ಅನ್ನು ಬಿಡುಗಡೆ ಮಾಡಿದೆ. ಇದು ಕಠಿಣ ಭೂಪ್ರದೇಶಗಳಲ್ಲಿ ಆಫ್-ರೋಡಿಂಗ್ ಸಾಹಸ ಚಾಲನೆಗಳಿಗೆ ಜೊತೆಗೆ ದೈನಂದಿನ ನಗರ ಬಳಕೆಗೆ ಸೂಕ್ತವಾಗಿದೆ.  ಈ ಮಾದರಿ ಲೈಫ್ ಸ್ಟೈಲ್ ಯುಟಿಲಿಟಿ ವಾಹನವನ್ನು ಬಯಸುವ ಗ್ರಾಹಕರ ಅಗತ್ಯಗಳನ್ನು ಇದು ಪೂರೈಸುತ್ತದೆ. ಹಿಲಕ್ಸ್ ಎಂಬ ಹೆಸರು ‘ಉನ್ನತ’ ಮತ್ತು ‘ಐಷಾರಾಮಿ’ ಅರ್ಥ ಹೊಂದಿದೆ. ಇದು ದಶಕಗಳಿಂದ ಪ್ರಪಂಚದ ವಿವಿಧೆಡೆ  ಕಠಿಣತೆ ಮತ್ತು ಒರಟುತನದ ಬಳಕೆಗೆ ಪ್ರಸಿದ್ಧ.

ಈ ವಾಹನದ ಲೋಕಾರ್ಪಣೆಯಿಂದ  ಭಾರತದ ಕಠಿಣ ರಸ್ತೆಗಳಲ್ಲಿ ಹಿಲಕ್ಸ್‌ ಅನುಭವ ಪಡೆಯಲು   ಬಯಸುತ್ತಿದ್ದವರ ನಿರೀಕ್ಷೆ ನನಸಾಗಿದೆ.  ಟೊಯೋಟಾ ಹಿಲಕ್ಸ್ ವಾಹನವನ್ನು ಸ್ಥಳೀಯ ಪರಿಸ್ಥಿತಿಗಳು ಮತ್ತು ಅವಶ್ಯಕತೆಗಳನ್ನು ಪರಿಗಣಿಸಿ ಅಭಿವೃದ್ಧಿಪಡಿಸಲಾಗಿದೆ. ಟೊಯೋಟಾ ಮೋಟಾರ್ ಕಾರ್ಪೊರೇಷನ್ (ಟಿಎಂಸಿ) ಮುಖ್ಯ ಎಂಜಿನಿಯರ್  ಯೋಶಿಕಿ ಕೊನಿಶಿ, ಟೊಯೋಟಾ ಪ್ರಾದೇಶಿಕ ಮುಖ್ಯ ಎಂಜಿನಿಯರ್ – ಶ್ರೀ ಜುರಾಚಾರ್ಟ್ ಜೊಂಗುಟುಕ್, ಟೊಯೋಟಾ ಕಿರ್ಲೋಸ್ಕರ್ ಮೋಟಾರ್ (ಟಿಕೆಎಂ) ವ್ಯವಸ್ಥಾಪಕ ನಿರ್ದೇಶಕ -ಮಸಕಜು ಯೋಶಿಮುರಾ, ಟಿಕೆಎಂ ಕಾರ್ಯನಿರ್ವಾಹಕ ಮಾರಾಟ ಮತ್ತು ಗ್ರಾಹಕ ಸೇವೆಯ ಉಪಾಧ್ಯಕ್ಷ  ತದಾಶಿ ಅಸಾಜುಮಾ ಮತ್ತು ವ್ಯೂಹಾತ್ಮಕ ವ್ಯವಹಾರ ಘಟಕದ ಟಿಕೆಎಂ ಪ್ರಧಾನ ವ್ಯವಸ್ಥಾಪಕ  ವೈಸ್ ಲೈನ್ ಸಿಗಾಮಣಿ ಅವರು ಸಮ್ಮುಖದಲ್ಲಿ ಇಂದು ನಡೆದ  ಕಾರ್ಯಕ್ರಮದಲ್ಲಿ  ಲೈಫ್ ಸ್ಟೈಲ್ ವಾಹನ ಲೋಕಾರ್ಪಣೆಯಾಗಿದೆ.

ಜಾಗತಿಕವಾಗಿ ಹಿಲಕ್ಸ್  180 ಕ್ಕೂ ಹೆಚ್ಚು ದೇಶಗಳ ಲಕ್ಷಾಂತರ ಜನರ ಹೃದಯಗಳನ್ನು ಗೆದ್ದಿದೆ.  20 ಮಿಲಿಯನ್ ಯುನಿಟ್ ಗಳನ್ನು ಹೊರತರಲಾಗಿದೆ. ಕಳೆದ 5 ದಶಕಗಳಿಂದ ಮತ್ತು 8 ತಲೆಮಾರುಗಳ ಮೂಲಕ, ಟೊಯೋಟಾ ಹಿಲಕ್ಸ್ ದೈನಂದಿನ ಚಾಲನೆಯಲ್ಲಿ ಅನನ್ಯತೆ ಬಯಸುವವರಿಗೆ ಅಸಾಧಾರಣ ಮತ್ತು ಅವಿನಾಭಾವ ಬಂಧವನ್ನು ಬೆಸೆದಿದೆ. ವಿಶ್ವದರ್ಜೆಯ ಎಂಜಿನಿಯರಿಂಗ್, ಸುಧಾರಿತ ಸುರಕ್ಷತೆ, ಸುಧಾರಿತ ತಂತ್ರಜ್ಞಾನ ಮತ್ತು ಅತ್ಯುತ್ತಮ ದರ್ಜೆಯ ಆರಾಮದೊಂದಿಗೆ, ಟೊಯೋಟಾ ಹಿಲಕ್ಸ್ ಅನೇಕ ಫಸ್ಟ್-ಇನ್-ಸೆಗ್ಮೆಂಟ್ ವೈಶಿಷ್ಟ್ಯ ನೀಡುತ್ತದೆ.

ಈ ಜಾಗತಿಕ ಐಕಾನ್ ಶಕ್ತಿಶಾಲಿ ಪ್ರದರ್ಶಕ ಎಂಬ ಖ್ಯಾತಿ ಕಠಿಣ ನವೀನ ಬಹು-ಉದ್ದೇಶಿತ ವಾಹನ (ಐಎಂವಿ) ಪ್ಲಾಟ್ ಫಾರ್ಮ್ ಮತ್ತು ಬಲವಾದ ಪವರ್ ಟ್ರೈನ್ ವ್ಯವಸ್ಥೆ ಹೊಂದಿದೆ. ಇದು ಭಾರತದಲ್ಲಿ ಮತ್ತು ಅನೇಕ ದೇಶಗಳಲ್ಲಿ ರನ್ ಅವೇ ಯಶಸ್ಸನ್ನು ಹೊಂದಿರುವ ಇನ್ನೋವಾ ಕ್ರೈಸ್ಟಾ ಮತ್ತು ಫಾರ್ಚೂನರ್ ಗೆ ಆಧಾರವಾಗಿರುವ ಅದೇ ವೇದಿಕೆ ನಿರ್ಮಾಣವಾಗಿದೆ (ಬಾಡಿ-ಆನ್ ಫ್ರೇಮ್ ಚಾಸಿಸ್ ನಿರ್ಮಾಣ). ಈ ಸೆಗ್ಮೆಂಟ್-ಲೀಡಿಂಗ್ ಮತ್ತು ಮೆಚ್ಚುಗೆ ಪಡೆದ ಮಾದರಿಗಳು ಗ್ರಾಹಕರಿಂದ ಸಕಾರಾತ್ಮಕ ಪ್ರತಿಕ್ರಿಯೆಗಳನ್ನು ಪಡೆಯುತ್ತಲೇ ಇವೆ, ದೃಢವಾದ ಎಂಜಿನ್ ನೊಂದಿಗೆ ಗಮನಾರ್ಹ ವೈಶಿಷ್ಟ್ಯಗಳ ವ್ಯಾಪಕ ಶ್ರೇಣಿಗೆ ಹೊಂದಿದೆ.

ಗರಿಷ್ಠ ಘರ್ಷಣೆಯ ದಕ್ಷತೆಗಾಗಿ ಪಿಸ್ಟನ್ ರಿಂಗ್ಸ್ ಮೇಲೆ ಹೆವಿ-ಡ್ಯೂಟಿ ಟರ್ಬೊ ಎಂಜಿನ್ ಮತ್ತು ವಜ್ರದಂತಹ ಇಂಗಾಲದ ಲೇಪನವನ್ನು ಹಿಲಕ್ಸ್ ಒಳಗೊಂಡಿದೆ. ಇದರ ಫಲಿತಾಂಶವು 500ಎನ್ ಮೀ ಟಾರ್ಕ್ ಆಗಿದೆ, ಇದರ ವಿಭಾಗದಲ್ಲಿಯೇ ಇದು ಅತ್ಯುತ್ತಮವಾಗಿದೆ.  ಹಿಲಕ್ಸ್ ತನ್ನ ವರ್ಗದಲ್ಲಿ ಕಾರ್ಯಕ್ಷಮತೆ, ಶಕ್ತಿ ಮತ್ತು ಇಂಧನ ದಕ್ಷತೆಯ ಅಪ್ರತಿಮ ಸಂಯೋಜನೆಯಾಗಿದೆ. ಪವರ್ ಸ್ಟೀರಿಂಗ್ ಗೆ ವೇರಿಯಬಲ್ ಫ್ಲೋ ಕಂಟ್ರೋಲ್ ನಗರದ ಸಂಚಾರ ಸ್ಥಿತಿಯಲ್ಲಿ ಕಡಿಮೆ ವೇಗದಲ್ಲಿ ಚಾಲನೆಗೆ ಸ್ಟೀರಿಂಗ್ ಸೂಕ್ತವಾಗಿದೆ.

ಹೆದ್ದಾರಿಯಲ್ಲಿ ಈ ವಾಹನ ಹೆಚ್ಚು ವೇಗದಲ್ಲಿ ಚಲಿಸುತ್ತದೆ. ಸ್ಟೀರಿಂಗ್ ಡೈನಾಮಿಕ್ಸ್ ಬುದ್ಧಿವಂತಿಕೆಯಿಂದ ಡ್ರೈವ್ ಮೋಡ್ ಗೆ ಅನುಗುಣವಾಗಿ ಹೊಂದಿಕೊಳ್ಳುತ್ತದೆ – ಇಕೋದಿಂದ ಪವರ್ ಗೆ ಬದಲಾಯಿಸುವುದು, ಅಥವಾ ಪವರ್ ಟು ಇಕೋ. ಕಠಿಣ ಹೊರಾಂಗಣ ಪಾರ್ಟರ್ನ್ ಎಂಬ ಖ್ಯಾತಿಗೆ ನಿಜವಾಗಿರುವುದರಿಂದ ಹಿಲಕ್ಸ್ ದೊಡ್ಡ ಫ್ಲಾಟ್ ಬೆಡ್ ಡೆಕ್ ಅನ್ನು ಒಳಗೊಂಡಿದೆ, ಇದು ಹೊರಾಂಗಣ ಗೇರ್ ನಿಂದ ಕ್ರೀಡಾ ಕಿಟ್ ಗಳವರೆಗೆ ಯಾವುದನ್ನಾದರೂ ಸಾಗಿಸಲು ಸಾಟಿಯಿಲ್ಲದ ನಮ್ಯತೆಯನ್ನು ಒದಗಿಸುತ್ತದೆ.

ಐಎಂವಿ ಫ್ರೇಮ್ ರಚನೆಯನ್ನು ಗಮನದಲ್ಲಿಟ್ಟುಕೊಂಡು ಹಿಲಕ್ಸ್ ಆಫ್-ರೋಡ್ ಸಾಮರ್ಥ್ಯಗಳಲ್ಲಿ ಹೊಸ ಮಾನದಂಡಗಳನ್ನು ನಿಗದಿಪಡಿಸಿದೆ. ಹಿಲಕ್ಸ್ ಭಾರತೀಯ ಹಾದಿಗಳಾಗಿದ್ದರೂ ಕುಶಲತೆಯಿಂದ ನಿರ್ವಹಿಸಲು 700 ಮಿಮೀ ನಷ್ಟು ಸಾಟಿಯಿಲ್ಲದ ವಾಟರ್ ವಾಡಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಅಸಾಧಾರಣ ಚಕ್ರದ ಅಭಿವ್ಯಕ್ತಿ ಮತ್ತು ಎಲೆಕ್ಟ್ರಾನಿಕ್ ಡಿಫ್-ಲಾಕ್ ನ ಅಳವಡಿಕೆಯು ಹೆಚ್ಚಿನ ಇಂಧನ ದಕ್ಷತೆಯೊಂದಿಗೆ ಕಠಿಣ ಪರಿಸ್ಥಿತಿಗಳಲ್ಲಿ ಹಿಲಕ್ಸ್ ಊಹಿಸಲಾಗದ ಆಫ್-ರೋಡ್ ಸಾಮರ್ಥ್ಯವನ್ನು ನೀಡುತ್ತದೆ.

ಇದು ಟೊಯೋಟಾದ “ಗ್ರಾಹಕ ಮೊದಲು” ತತ್ವಶಾಸ್ತ್ರವನ್ನು ಆಧರಿಸಿದೆ – ಗ್ರಾಹಕರ ನಿರೀಕ್ಷೆಗಳು ಮತ್ತು ಆಸೆಗಳನ್ನು ನಿಜವಾಗಿಯೂ ಅರ್ಥಮಾಡಿಕೊಳ್ಳುವುದು, ವಿವಿಧ ಸ್ಥಳೀಯ ರಸ್ತೆ ಪರಿಸ್ಥಿತಿಗಳಲ್ಲಿ ಪರೀಕ್ಷಿಸುವುದು ಮತ್ತು ಚಾಲನೆ ಮಾಡುವುದು, ಬಹು-ಕ್ರಿಯಾತ್ಮಕ ಅಂಶಗಳನ್ನು ಅನುಭವಿಸುವ ದೃಷ್ಟಿಯಿಂದ  ಇದು ಒರಟುತನದ ಬಳಕೆಗೆ ಮನರಂಜನಾ ಜೀವನಶೈಲಿ, ಕಾರ್ಯಕ್ಷಮತೆ, ಪ್ರತಿಕ್ರಿಯೆ ಮತ್ತು ಸುರಕ್ಷತೆಯ ಭರವಸೆ ನೀಡುತ್ತದೆ.

ಹಿಲಕ್ಸ್  ಉದ್ದ ಮತ್ತು ಎತ್ತರದ ವಿಷಯದಲ್ಲಿ ಬೇರೆ ಯಾವುದೇ ವಾಹನದೊಂದಿಗೆ ಹೋಲಿಸಲು ಸಾಧ್ಯವಾಗದಷ್ಟು ಅನನ್ಯತೆ ಹೊಂದಿದೆ. ಎಂಜಿನ್ ಹುಡ್, ಫ್ರಂಟ್ ಬಂಪರ್, ಲೋವರ್ ಗಾರ್ಡ್ ಮತ್ತು ಬಂಪರ್ ಕಾರ್ನರ್ ಗಳು ಕ್ರೋಮ್ ಸರೌಂಡ್ ನೊಂದಿಗೆ ಬೋಲ್ಡ್ ಮತ್ತು ಅತ್ಯಾಧುನಿಕ ಟ್ರಾಪೆಜೋಯಿಡಲ್ ಪಿಯಾನೋ ಬ್ಲ್ಯಾಕ್ ಗ್ರಿಲ್ ಗೆ ಗಮನ ವನ್ನು ತರಲು ಒಟ್ಟುಗೂಡುತ್ತವೆ. ವಿಶಿಷ್ಟ ಎಲ್ ಇಡಿ ರಿಯರ್ ಕಾಂಬಿ ಲ್ಯಾಂಪ್ ಗಳು ಕ್ರಿಯಾತ್ಮಕ ಉಪಸ್ಥಿತಿಯನ್ನು ನೀಡುತ್ತವೆ ಮತ್ತು ನೈಟ್ ಟೈಮ್ ವಿಸಿಬಿಲಿಟಿಯನ್ನು ಹೆಚ್ಚಿಸುತ್ತವೆ. ಸ್ಟ್ರೈಕಿಂಗ್ 18″ ಅಲಾಯ್ ವೀಲ್ಸ್ ನೊಂದಿಗೆ ಅತ್ಯಾಧುನಿಕತೆಯನ್ನು ಮತ್ತಷ್ಟು ಹೆಚ್ಚಿಸಲಾಗಿದೆ.

ಚಾಲಕ ಮತ್ತು ಪ್ರಯಾಣಿಕರ ಸುರಕ್ಷತೆಯನ್ನು  ಟೊಯೋಟಾ ಖಚಿತಪಡಿಸಿಕೊಂಡಿದೆ. ಈ ಬಗ್ಗೆ ಗರಿಷ್ಠ ಗಮನ ನೀಡಲಾಗಿದೆ.   ಟೊಯೋಟಾ ಹಿಲಕ್ಸ್ ತನ್ನ ರೂಪಾಂತರಗಳಲ್ಲಿ ಅತ್ಯಂತ ಸುಧಾರಿತ ಸುರಕ್ಷತಾ ವೈಶಿಷ್ಟ್ಯಗಳನ್ನು ಪ್ಯಾಕ್ ಮಾಡುತ್ತದೆ. ಎಬಿಎಸ್, ಇಬಿಡಿ, ಬ್ರೇಕ್ ಅಸಿಸ್ಟ್ ಸಿಸ್ಟಮ್ ಮತ್ತು ಹಿಲ್-ಸ್ಟಾರ್ಟ್ ಅಸಿಸ್ಟ್ ಕಂಟ್ರೋಲ್ ಯಾವುದೇ ನಿರ್ದಿಷ್ಟ ರಸ್ತೆ ಪರಿಸ್ಥಿತಿಗಳಲ್ಲಿ ಸುರಕ್ಷಿತ ಚಾಲನೆಯನ್ನು ಖಚಿತಪಡಿಸುತ್ತದೆ, ಇದು ಅತ್ಯಂತ ಅಪೇಕ್ಷಣೀಯ ಕಾರು. ರಿವರ್ಸ್ ಕ್ಯಾಮೆರಾ, ಕ್ಲಿಯರೆನ್ಸ್ ಸೋನಾರ್ ಮತ್ತು ಎಲ್ಲಾ ವೇರಿಯಂಟ್ ಗಳಿಗೆ ಬ್ಯಾಕ್ ಅಪ್ ಸೋನಾರ್ ನಂತಹ ವೈಶಿಷ್ಟ್ಯಗಳೊಂದಿಗೆ, ಏಳು ಎಸ್ ಆರ್ ಎಸ್ ಏರ್ ಬ್ಯಾಗ್ ಗಳು, ಡೌನ್ ಹಿಲ್ ಅಸಿಸ್ಟ್ ಕಂಟ್ರೋಲ್ ಮತ್ತು ವೆಹಿಕಲ್ ಸ್ಟೆಬಿಲಿಟಿ ಕಂಟ್ರೋಲ್ ನೊಂದಿಗೆ, ಗ್ರಾಹಕರು ಸುರಕ್ಷಿತ ಟೊಯೋಟಾ ಹಿಲಕ್ಸ್ ಅನ್ನು ಚಾಲನೆ ಮಾಡುವ ರೋಮಾಂಚನ ಮತ್ತು ಸಂತೋಷವನ್ನು ಅನುಭವಿಸುತ್ತಾರೆ ಎಂದು ಭರವಸೆ ನೀಡಲಾಗಿದೆ.

ಉನ್ನತ ಮಟ್ಟದ ಅಂತರ್ನಿರ್ಮಿತ ಸುರಕ್ಷತಾ ವೈಶಿಷ್ಟ್ಯಗಳ ಪರಿಣಾಮವಾಗಿ, ಟೊಯೋಟಾ ಹಿಲಕ್ಸ್ ಗೆ ಆಗ್ನೇಯ ಏಷ್ಯಾ ರಾಷ್ಟ್ರಗಳಿಗೆ (ಆಸಿಯಾನ್ ಎನ್ ಸಿಎಪಿ) ನ್ಯೂ ಕಾರ್ ಅಸೆಸ್ ಮೆಂಟ್ ಪ್ರೋಗ್ರಾಂ ನಿಂದ 5-ಸ್ಟಾರ್ ಕ್ರ್ಯಾಶ್ ಸೇಫ್ಟಿ ರೇಟಿಂಗ್ ನೀಡಲಾಯಿತು. ಇದಲ್ಲದೆ, ಟೊಯೋಟಾ ಗಾಜೂ ರೇಸಿಂಗ್ ತಂಡವು ಅಭಿವೃದ್ಧಿಪಡಿಸಿದ ಹೊಸ ಜಿಆರ್ ಡಿಕೆಆರ್ ಹಿಲಕ್ಸ್ ಟಿ1+ ಇತ್ತೀಚೆಗೆ ಸೌದಿ ಅರೇಬಿಯಾದಲ್ಲಿ ನಡೆದ ಅತ್ಯಂತ ಕಠಿಣ ರ್ಯಾಲಿ ಕಾರ್ಯಕ್ರಮವೆಂದು ಪರಿಗಣಿಸಲಾದ ಡಕಾರ್ ರ್ಯಾಲಿ 2022 ರ 44 ನೇ ಆವೃತ್ತಿಯಲ್ಲಿ ವಿಜಯ ಹೊಂದಿದೆ.  ಹೊಸ ಟೊಯೋಟಾ ಜಿಆರ್ ಹಿಲಕ್ಸ್ ನೊಂದಿಗಿನ ಈ ಅದ್ಭುತ ಗೆಲುವು ಎಂಜಿನಿಯರಿಂಗ್ ನ ಮಿತಿಗಳನ್ನು ನಿರಂತರವಾಗಿ ತಳ್ಳುವ ಮತ್ತು ಸದಾ ಉತ್ತಮ ಕಾರುಗಳನ್ನು ನಿರ್ಮಿಸುವ ಟೊಯೋಟಾದ ಸಾಮರ್ಥ್ಯಕ್ಕೆ ಸಾಕ್ಷಿಯಾಗಿದೆ.

Continue Reading

ಆಟೋಮೊಬೈಲ್

ರೈಲುಗಳು ಗೇರ್ ಹೊಂದಿವೆಯೇ ? ಇದ್ದರೆ ಎಷ್ಟು ಇರಲಿವೆ ? ಹೇಗೆ ಕೆಲಸ ಮಾಡುತ್ತವೆ ?

Published

on

By

ನವದೆಹಲಿ, ಜ 20(ಯುಎನ್‌ ಐ) ನಾವು ಆಗಾಗ್ಗೆ ರೈಲುಗಳಲ್ಲಿ ಪ್ರಯಾಣಿಸುತ್ತೇವೆ. ಆದರೆ, ರೈಲು ನಿರ್ವಹಣೆ, ಕಾರ್ಯಾಚರಣೆಗಳ ಬಗ್ಗೆ ಸಾಮಾನ್ಯವಾಗಿ ಅತ್ಯಂತ ಕಡಿಮೆ ತಿಳಿದುಕೊಂಡಿರುತ್ತೇವೆ. ಆದರೆ ಪ್ರತಿಯೊಬ್ಬರೂ ಇವುಗಳ ಬಗ್ಗೆ ತಿಳಿದು ಕೊಳ್ಳಲು ಆಸಕ್ತಿ ಹೊಂದಿರುತ್ತಾರೆ. ನಿರ್ದಿಷ್ಟವಾಗಿ ರೈಲುಗಳು ಗೇರ್‌ಗಳನ್ನು ಹೊಂದಿದೆಯೇ? ಹಾಗಿದ್ದರೆ ಅವು ಹೇಗೆ ಕೆಲಸ ಮಾಡುತ್ತವೆ ? ಎಂಬ ಸಂದೇಹ ಎಲ್ಲರಲ್ಲೂ ಇದೆ. ಅದರ ವಿವರಗಳಿಗೆ ಹೋದರೆ ರೈಲುಗಳು ಗೇರ್‌ ಹೊಂದಿರುತ್ತವೆ. ಆದರೆ ಅವುಗಳನ್ನು ಕಾರು ಇಲ್ಲವೆ ಬೈಕ್‌ಗಳ ಗೇರ್‌ಗಳಿಗೆ ಹೋಲಿಸುವಂತಿಲ್ಲ.

ಓರ್ವ ಲೋಕೋ ಪೈಲಟ್ ನೀಡಿದ ಮಾಹಿತಿ ಪ್ರಕಾರ, ರೈಲು ಇಂಜಿನ್‌ ನಲ್ಲಿರುವ ಗೇರ್‌ ಅನ್ನು ನಾಚ್‌ ಎಂದು ಕರೆಯಲಾಗುತ್ತದೆ. ಡೀಸೆಲ್ ಲೊಕೊಮೊಟಿವ್ ಎಂಜಿನ್- ಎಲೆಕ್ಟ್ರಿಕ್ ಲೊಕೊಮೊಟಿವ್ ಎಂಜಿನ್ ವಿನ್ಯಾಸ ವಿಭಿನ್ನವಾಗಿರುತ್ತದೆ, ಡೀಸೆಲ್ ಲೊಕೊಮೊಟಿವ್ ಎಂಜಿನ್‌ನ ವಿಷಯದಲ್ಲಿ ಒಟ್ಟು ಎಂಟು ನಾಚ್‌ ಗಳನ್ನು ಹೊಂದಿರುತ್ತದೆ. ಹೆಚ್ಚಿನ ರೈಲುಗಳು ಎಂಟನೇ ನಾಚ್‌ನಲ್ಲಿ ಗಂಟೆಗೆ 100 ಕಿಲೋಮೀಟರ್ ವೇಗದಲ್ಲಿ ಚಲಿಸುತ್ತವೆ. ಒಂದು ಬಾರಿ ನಾಚ್ ನಿಗಧಿ ಪಡಿಸಿದ ನಂತರ ಮತ್ತೆ ಬದಲಾಯಿಸುವ ಅಗತ್ಯವಿಲ್ಲ. ವೇಗವನ್ನು ಕಡಿಮೆ ಮಾಡಲು ಬಯಸಿದಾಗ, ನೀವು ನಾಚ್‌ ಅನ್ನು ನಿಧಾನಗೊಳಿಸಬೇಕು. ಈ ಮೂಲಕ ರೈಲುಗಳ ವೇಗವನ್ನು ನಿಯಂತ್ರಿಸಲಾಗುತ್ತದೆ.

Continue Reading

ಆಟೋಮೊಬೈಲ್

ಕಾರುಗಳಲ್ಲಾಗಲಿದೆ‌ ದೊಡ್ಡ ಬದಲಾವಣೆ

Published

on

ದೇಶದ ರಸ್ತೆ ಅಪಘಾತಗಳಲ್ಲಿ ಕಾರು ಅಪಘಾತದ ಸಂಖ್ಯೆ ಶೇ.13 ರಷ್ಟಿದೆ

ನವದೆಹಲಿ: ಜನವರಿ 15 (ಯು.ಎನ್.ಐ)ಕಾರು ಪ್ರಯಾಣವನ್ನು ಇನ್ನಷ್ಟು ಹೆಚ್ಚು ಸುರಕ್ಷಿತಗೊಳಿಸಲು ಹಾಗೂ ಕಾರುಗಳಿಂದಾಗುವ ಅಪಘಾತಗಳನ್ನು ಇಳಿಮುಖಗೊಳಿಸಲು ಕಾರುಗಳಲ್ಲಿ ದೊಡ್ಡ ಬದಲಾವಣೆ ಆಗಲಿದೆ.

ಕಾರು ತಯಾರಕರು ತಯಾರಿಸುವ ಹೊಸ ಕಾರುಗಳಲ್ಲಿ 6 ಏರ್‌ಬ್ಯಾಗ್‌ಗಳನ್ನು ಅಳವಡಿಸುವುದನ್ನು ಕೇಂದ್ರ ಸರ್ಕಾರ ಕಡ್ಡಾಯಗೊಳಿಸಿದೆ.ಎಂಟು ಜನರನ್ನು ಕರೆದೊಯ್ಯುವ ಮೋಟಾರು ವಾಹನಗಳಿಗೆ ಕನಿಷ್ಠ ಆರು ಏರ್‌ಬ್ಯಾಗ್‌ಗಳನ್ನು ಕಡ್ಡಾಯಗೊಳಿಸಬೇಕೆಂದು ಜಿಎಸ್‌ಆರ್ ಅಧಿಸೂಚನೆಯನ್ನು ಅನುಮೋದಿಸಲಾಗಿದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ‌ ಸ್ಪಷ್ಟಪಡಿಸಿದ್ದಾರೆ.

ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯ (MoRTH) ಈಗಾಗಲೇ ಚಾಲಕ ಏರ್‌ಬ್ಯಾಗ್ ಮತ್ತು ಮುಂಭಾಗದ ಸಹ-ಪ್ರಯಾಣಿಕ ಏರ್‌ಬ್ಗ್‌ನ ಫಿಟ್‌ಮೆಂಟ್ ಅನ್ನು 1 ಜುಲೈ 2019 ರಿಂದ ಜಾರಿಗೆ ತರುವುದನ್ನು ಕಡ್ಡಾಯಗೊಳಿಸಿದೆ. ಕೇಂದ್ರ ಸಚಿವರು ಟ್ವೀಟ್‌ನಲ್ಲಿ, “ಮುಂಭಾಗ ಮತ್ತು ಹಿಂಭಾಗದ ಎರಡೂ ವಿಭಾಗಗಳಿಗೆ ಮುಂಭಾಗದ ಮತ್ತು ಪಾರ್ಶ್ವದ ಘರ್ಷಣೆಯ ಪರಿಣಾಮವನ್ನು ಕಡಿಮೆ ಮಾಡಲು, M1 ವಾಹನ ವಿಭಾಗದಲ್ಲಿ 4 ಹೆಚ್ಚುವರಿ ಏರ್‌ಬ್ಯಾಗ್‌ಗಳನ್ನು ಕಡ್ಡಾಯವಾಗಿ ಮಾಡಲು ನಿರ್ಧರಿಸಲಾಗಿದೆ. ಭಾರತದಲ್ಲಿ ಮೋಟಾರು ವಾಹನವನ್ನು ಹೆಚ್ಚು ಸುರಕ್ಷಿತವಾಗಿಸಲು ಇದು ಬಹಳ ಮುಖ್ಯವಾದ ಹೆಜ್ಜೆಯಾಗಿದೆ ಎಂದಿದ್ದಾರೆ.

ಪ್ರಯಾಣಿಕರಿಗೆ ಸಿಗಲಿದೆ ಹೆಚ್ಚಿನ‌ ಭದ್ರತೆ:

ಇನ್ನು ಮುಂದೆ ಎಲ್ಲಾ ನಾಲ್ಕು ಚಕ್ರಗಳಲ್ಲಿ 6 ಏರ್ ಬ್ಯಾಗ್‌ಗಳು ವಾಹನದ ಹಿಂಬದಿಯ ಪ್ರಯಾಣಿಕರಿಗೆ ಇರಲಿದೆ. ಮೂಲಗಳ ಪ್ರಕಾರ ನಾಲ್ಕು ಏರ್‌ಬ್ಯಾಗ್‌ಗಳ ಬೆಲೆ ಮತ್ತು ವಾಹನಗಳಿಗೆ ಅಗತ್ಯ ಬದಲಾವಣೆಗಳು ಸುಮಾರು 8,000 ರಿಂದ 9,000 ರೂ. ಈ ಹೆಚ್ಚುವರಿ ವೆಚ್ಚವು ಕಾರುಗಳಲ್ಲಿನ ಪ್ರಯಾಣಿಕರ ಸುರಕ್ಷತೆಗೆ ಬಹಳ ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದರು. ಕಳೆದ ವರ್ಷ ನಾಲ್ಕು ಚಕ್ರದ ಹೊಸ ಮಾದರಿಯ ವಾಹನಗಳಲ್ಲಿ 2 ಏರ್‌ಬ್ಯಾಗ್‌ಗಳನ್ನು ಸರ್ಕಾರ ಕಡ್ಡಾಯಗೊಳಿಸಿತ್ತು.

ದೇಶದ ಒಟ್ಟು ಅಪಘಾತಗಳಲ್ಲಿ ಕಾರುಗಳೇ ಹೆಚ್ಚು:

ದೇಶದ ಒಟ್ಟು ರಸ್ತೆ ಅಪಘಾತಗಳಲ್ಲಿ ಕಾರು ಅಪಘಾತಗಳು ಸುಮಾರು 13% ರಷ್ಟಿದೆ. ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯೂರೋ ಪ್ರಕಟಿಸಿದ ರಸ್ತೆ ಅಪಘಾತದ ಮಾಹಿತಿಯ ಪ್ರಕಾರ, 17,538 ಕಾರು ಸವಾರರು ರಸ್ತೆ ಅಪಘಾತಗಳಲ್ಲಿ ಸಾವನ್ನಪ್ಪಿದ್ದಾರೆ, ಇದು ದೇಶದ ಒಟ್ಟು ರಸ್ತೆ ಅಪಘಾತಗಳಲ್ಲಿ 13% ಆಗಿದೆ.

Continue Reading
Advertisement
ಅಂಕಣ18 mins ago

ದಟ್ಟ ಕಾಡಿನಲ್ಲಿ ʻಸಪ್ನೋಂ ಕೀ ರಾಣೀʼ

ಅಂಕಣ: ಒಂದೂರಲ್ಲಿ ಒಂದಿನ- 3 ಈ ಒಂದೂರು ಅನ್ನುವ ಮಾಯೆ ಇದೆಯಲ್ಲ, ಅದು ವಿಚಿತ್ರವಾದದ್ದು. ಅಪ್ಪ ಕಥೆ ಹೇಳುವಾಗ ಪ್ರತಿ ಸಲವೂ ಆ ಕಥೆ ಒಂದೂರಿನಲ್ಲಿ ಅಂತಲೇ...

ಕ್ರೀಡೆ38 mins ago

ಅಂಕುಶ್ ರಘುವಂಶಿ ಟೀಂ ಇಂಡಿಯಾದ ಉದಯೋನ್ಮುಖ ತಾರೆ!

ಹೊಸದಿಲ್ಲಿ: ಜನೆವರಿ 23 (ಯು.ಎನ್.ಐ.) ಅಂಡರ್ 19 ವರ್ಲ್ಡ್ ಕಪ್ ಮೂಲಕ ಭಾರತ ಕ್ರಿಕೆಟ್ ತಂಡಕ್ಕೆ ಮತ್ತೊಬ್ಬ ಉದಯೋನ್ಮುಖ ಆಟಗಾರ ದೊರೆತಿದ್ದಾರೆ. ಅವರೇ ದೆಹಲಿ ಮೂಲದ ಅಂಕುಶ್...

ಅಂಕಣ2 hours ago

ಎಳವೆಯಿಂದ ರಂಗಭೂಮಿ

ನಾದಾಂಕಣ – ಡಾ. ನಾ. ದಾಮೋದರ ಶೆಟ್ಟಿ ಭಾರತೀಯ ಹಾಗೂ ಗ್ರೀಕ್‌ ರಂಗಭೂಮಿಗೆ ಬಹುದೊಡ್ಡ ಪರಂಪರೆಇದೆ ಎನ್ನುವುದು ಸಾರ್ವಕಾಲಿಕ ಸತ್ಯ. ಆದರೆ ಯುರೋಪಿನ ರಂಗಭೂಮಿಯಾಗಲೀ ರಷ್ಯಾ, ಅಮೇರಿಕಾ...

ದೇಶ2 hours ago

ಅರುಣಾಚಲದಿಂದ ನಾಪತ್ತೆಯಾಗಿದ್ದ ಯುವಕ ಚೀನಾ ಗಡಿಯಲ್ಲಿ ಪತ್ತೆ!

ಹೊಸದಿಲ್ಲಿ: ಜನೆವರಿ 23 (ಯು.ಎನ್.ಐ.) ಅರುಣಾಚಲ ಪ್ರದೇಶದಿಂದ ನಾಪತ್ತೆಯಾಗಿದ್ದ ಭಾರತೀಯ ಯುವಕ ಚೀನಾ ಗಡಿಯಲ್ಲಿ ಪತ್ತೆಯಾಗಿದ್ದಾನೆ. ಈ ಬಗ್ಗೆ ಚೀನಾ ಸೈನಿಕರು ಭಾರತೀಯ ಯೋಧರಿಗೆ ಮಾಹಿತಿ ನೀಡಿದ್ದು,...

ಹಣಕಾಸು2 hours ago

ಕೆಲಸ ಬದಲಾಯಿಸಿದ್ದೀರಾ? ಚಿಂತೆ ಬಿಡಿ.. ನಿಮ್ಮ ನೆರವಿಗೆ ಇದೆ ಇಪಿಎಫ್ಒ!

ಬೆಂಗಳೂರು: ಜನೆವರಿ 23 (ಯು.ಎನ್.ಐ.) ಉತ್ತಮ ಸಂಬಳ, ಭದ್ರತೆಯುಳ್ಳ ನೌಕರಿ, ವಿಶೇಷ ಸವಲತ್ತುಗಳು.. ಹೀಗೆ ನಾನಾ ಉದ್ದೇಶಗಳಿಂದ ಉದ್ಯೋಗಿಗಳು ತಮ್ಮ ಕೆಲಸವನ್ನು ಬದಲಾಯಿಸುತ್ತಾ ಇರುತ್ತಾರೆ. ಇಂತಹ ಸಂದರ್ಭದಲ್ಲಿ...

ದೇಶ2 hours ago

ನೇತಾಜಿ ಸುಭಾಷ್ ಚಂದ್ರ ಬೋಸ್ ಜಯಂತಿ… ದೇಶಾದ್ಯಂತ ಪರಾಕ್ರಮ ದಿನವಾಗಿ ಆಚರಣೆ

ನವದೆಹಲಿ, ಜ ೨೩( ಯುಎನ್ ಐ) ಅಪ್ರತಿಮ ಸ್ವಾತಂತ್ರ್ಯ ಹೋರಾಟಗಾರ ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರ ೧೨೫ನೇ ಜನ್ಮಜಯಂತಿ ಇಂದು. ದೇಶಾದ್ಯಂತ ಪರಾಕ್ರಮ ದಿನವಾಗಿ ನೇತಾಜಿ...

ಕರ್ನಾಟಕ3 hours ago

ಇಡೀ ವರ್ಷ ಸುಭಾಷ್ ಚಂದ್ರಬೋಸ್ ಜನ್ಮದಿನಾಚರಣೆಗೆ ತೀರ್ಮಾನ: ಸಿಎಂ

ಬೆಂಗಳೂರು : ಜನೆವರಿ 23 (ಯು.ಎನ್.ಐ.) ರಾಜ್ಯ ಸರ್ಕಾರದ ವತಿಯಿಂದ ವರ್ಷವಿಡೀ ನೇತಾಜಿ ಸುಭಾಷ್ ಚಂದ್ರಬೋಸ್ ರವರ 125ನೇ ಜನ್ಮ ದಿನಾಚರಣೆಯನ್ನ ಆಚರಿಸಲು ರಾಜ್ಯ ಸರ್ಕಾರ ತೀರ್ಮಾನಿಸಿದೆ. ...

ಅಂಕಣ3 hours ago

ಸ್ವಾತಂತ್ರ್ಯಕ್ಕಿಂತ ದೊಡ್ಡದು ಇನ್ಯಾವುದಿದೆ ?

‌ಅಂಕಣ: ದಿಟನುಡಿ -೩ ಕಳೆದ ವಾರ ನನ್ನ ಕೈರೋಪ್ರಾಕ್ಟರ್ ರೇ ಬಳಿ ಹೋಗಿದ್ದೆ. ಏಕೋ ಗೊತ್ತಿಲ್ಲ ಕೆಲ ದಿನಗಳ ಹಿಂದೆ ಸೊಂಟ ಹಿಡಿದಿತ್ತು. ಏಳಲು, ಕೂರಲು, ನಿಲ್ಲಲು...

ದೇಶ3 hours ago

ಪಂಜಾಬ್ ಚುನಾವಣೆ: ಕೆಂಪು ಕೋಟೆ ಹಿಂಸಾಚಾರದ ಆರೋಪಿಗೆ ರೈತ ಸಂಘಟನೆಯಿಂದ ಟಿಕೆಟ್!

ಚಂಡೀಗಢ: ಜನೆವರಿ 23 (ಯು.ಎನ್.ಐ.) ರೈತರ ಸಂಘಟನೆ ಯುನೈಟೆಡ್ ಸಮಾಜ ಮೋರ್ಚಾ ಪಂಜಾಬ್ ವಿಧಾನಸಭಾ ಚುನಾವಣೆಗೆ 35 ಅಭ್ಯರ್ಥಿಗಳ ಹೊಸ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಮಾಜಿ...

ಕರ್ನಾಟಕ4 hours ago

ನ್ಯಾಯಮೂರ್ತಿ ಕೆ ಎಲ್. ಮಂಜುನಾಥ್ ನಿಧನಕ್ಕೆ ಮುಖ್ಯಮಂತ್ರಿ ಸಂತಾಪ

ಬೆಂಗಳೂರು: ಜನವರಿ 23 (ಯು.ಎನ್.ಐ.)  ಕರ್ನಾಟಕ ಹೈಕೋರ್ಟಿನ ನಿವೃತ್ತ ನ್ಯಾಯಮೂರ್ತಿ ಕೆ.ಎಲ್. ಮಂಜುನಾಥ್ ಅವರ ನಿಧನಕ್ಕೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಸಂತಾಪ ಸೂಚಿಸಿದ್ದಾರೆ. ನ್ಯಾಯಮೂರ್ತಿ ಮಂಜುನಾಥ್ ಅವರು...

ಟ್ರೆಂಡಿಂಗ್

Share