ಮುಂಬೈ, ಜ 5(ಯುಎನ್‌ ಐ) ಅನಾಥ ಮಕ್ಕಳ ತಾಯಿ ಎಂದೇ ಹೆಸರು ವಾಸಿಯಾಗಿದ್ದ, ಸಾವಿರಾರು ಅನಾಥ ಮಕ್ಕಳ ದತ್ತು ಪಡೆದು, ಸಾಕಿ ಸಲಹುತ್ತಿದ್ದ , ಪದ್ಮಶ್ರೀ ಪುರಸ್ಕೃತೆ ಮಹಾರಾಷ್ಟ್ರದ ಸಿಂಧುತಾಯಿ ಸಪ್ಕಾಲ್ ​ ಪುಣೆಯಲ್ಲಿ ನಿಧನರಾಗಿದ್ದಾರೆ.

74 ವರ್ಷದ ಸಿಂಧುತಾಯಿ ಪುಣೆಯ ಗ್ಯಾಲಕ್ಷಿ ಕೇರ್​ ಆಸ್ಪತ್ರೆಯಲ್ಲಿ ಕಳೆದ ರಾತ್ರಿ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ. ಸಿಂಧು ತಾಯಿ ಕಳೆದೊಂದು ತಿಂಗಳಿಂದ ಅಸ್ವಸ್ಥಗೊಂಡಿದ್ದರು.

ಬಾಲ್ಯವಿವಾಹಕ್ಕೆ ಒಳಗಾಗಿದ್ದ ಸಿಂಧು ತಾಯಿ ಸಪ್ಕಾಲ್​ ಅವರನ್ನು 4ನೇ ತಾಯಿಯಾಗಿದ್ದಾಗ ಪತಿ ಹಲ್ಲೆ ನಡೆಸಿ ಮನೆಯಿಂದ ಹೊರಹಾಕಿದ್ದರು. ತುಂಬು ಗರ್ಭಿಣಿಯಾಗಿದ್ದ ಸಪ್ಕಾಲ್​ ದನದ ಕೊಟ್ಟಿಗೆಯಲ್ಲಿ ಹೆಣ್ಣುಮಗುವಿಗೆ ಜನ್ಮ ನೀಡಿದ್ದರು. ನಂತರ ತವರು ಮನೆಗೆ ತೆರಳಿದರೂ, ಅಲ್ಲಿಯೂ ಉಳಿಯಲು ಅವಕಾಶ ಸಿಗದೇ ತಿರಸ್ಕಾರಕ್ಕೆ ಒಳಪಟ್ಟಿದ್ದರು.