Connect with us


      




ವಿದೇಶ

ಪೆರುವಿನಲ್ಲಿ ಪ್ರಬಲ ಭೂಕಂಪ: ಅಧಿವೇಶನ ಮೊಟಕು!

Iranna Anchatageri

Published

on

ಲಿಮಾ: ಮೇ 13 (ಯು.ಎನ್‌.ಐ./ಸ್ಪುಟ್ನಿಕ್) ಪೆರುವಿನಲ್ಲಿ ಪ್ರಬಲ ಭೂಕಂಪ ಸಂಭವಿಸಿದ್ದು, ರಿಕ್ಟರ್ ಮಾಪಕದಲ್ಲಿ 5.5ರಷ್ಟು ತೀವ್ರತೆ ದಾಖಲಾಗಿದೆ. ಪೆರುವಿನ ರಾಷ್ಟ್ರೀಯ ಭೂಕಂಪನ ಕೇಂದ್ರವು ಗುರುವಾರ 21:55ಕ್ಕೆ ಈ ಕಂಪನ ಸಂಭವಿಸಿದೆ ಎಂದು ತಿಳಿಸಿದೆ. ಭೂಕಂಪದ ಕೇಂದ್ರಬಿಂದುವು ದೇಶದ ರಾಜಧಾನಿ ಲಿಮಾದಿಂದ 100 ಕಿಲೋಮೀಟರ್‌ಗಿಂತ ಕಡಿಮೆ ದೂರದಲ್ಲಿತ್ತು. ಹಾಗೂ ಭೂಕಂಪದಿಂದಾಗಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಅಧಿಕಾರಿಗಳು ಮಾಹಿತಿ ನೀಡಿದೆ.

ಪೆರುವಿಯನ್ ಕಾಂಗ್ರೆಸ್ (ಸಂಸತ್ತು) ಉಪ ಮುಖ್ಯಸ್ಥರು ಭೂಕಂಪದಿಂದಾಗಿ ಪೂರ್ಣ ಪ್ರಮಾಣದ ಅಧಿವೇಶನವನ್ನು ಮುಂದೂಡಿದೆ. ಅಲ್ಲದೆ ಕಂಪನದಿಂದಾಗಿ ಸಂಸದರು ಸುರಕ್ಷಿತವಾಗಿ ಕಟ್ಟಡದಿಂದ ನಿರ್ಗಮಿಸಿದರು ಎಂದು ಆರ್‌ಪಿಪಿ ರೇಡಿಯೋ ಮಾಹಿತಿ ನೀಡಿದೆ.

Share