Connect with us


      




ರಾಜಕೀಯ

ನಾನು ವಿಪಸ್ಸನಾ ಮಾಡುತ್ತೇನೆಂದು ಇಡಿ ಅಧಿಕಾರಿಗಳಿಗೆ ಹೇಳಿದ್ದೇನೆ: ರಾಹುಲ್ ಗಾಂಧಿ

Lakshmi Vijaya

Published

on

ನವದೆಹಲಿ: ಜೂನ್ 22 (ಯು.ಎನ್.ಐ.) ಜಾರಿ ನಿರ್ದೇಶನಾಲಯದ ಮ್ಯಾರಥಾನ್‌ ಪ್ರಶ್ನೋತ್ತರ ಅವಧಿಯನ್ನು ತಾನು ಹೇಗೆ ನಿಭಾಯಿಸಿದ್ದೇನೆ ಎಂಬುದನ್ನು ವಿವರಿಸಿದ ಕಾಂಗ್ರೆಸ್‌ ಸಂಸದ ರಾಹುಲ್‌ ಗಾಂಧಿ, ತನಿಖಾ ಸಂಸ್ಥೆಯ ಅಧಿಕಾರಿಗಳು ತಮ್ಮ ತಾಳ್ಮೆ ಮತ್ತು ಸಹನೆಯಿಂದ ಅಚ್ಚರಿಗೊಂಡಿದ್ದಾರೆ ಎಂದು ಹೇಳಿದ್ದಾರೆ. ದೆಹಲಿಯ ಪ್ರಧಾನ ಕಛೇರಿಯಲ್ಲಿ ಪಕ್ಷದ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ ಅವರು, 12/12 ಅಡಿ ಕೊಠಡಿಯಲ್ಲಿ ಮೂವರು ಇಡಿ ಅಧಿಕಾರಿಗಳೊಂದಿಗೆ ಕುಳಿತಿದ್ದರೂ ತಾನು  ಎಂದಿಗೂ ಕಚೇರಿಯಲ್ಲಿ ಒಂಟಿತನ ಅನುಭವಿಸಲಿಲ್ಲ ಎಂದು ಹೇಳಿದರು. ನಾನು ಕೋಣೆಯಲ್ಲಿ ಒಬ್ಬನೇ ಇರಲಿಲ್ಲ.  ನೀವೆಲ್ಲರೂ ಕಾಂಗ್ರೆಸ್ ಕಾರ್ಯಕರ್ತರು ನನ್ನೊಂದಿಗೆ ಇದ್ದಿರಿ. ಸ್ವಾತಂತ್ರ್ಯದಲ್ಲಿ ನಂಬಿಕೆ ಇರುವವರೆಲ್ಲರೂ ನನ್ನೊಂದಿಗಿದ್ದರು ಎಂದು ಅವರು ಹೇಳಿದರು.

11 ಗಂಟೆಗಳಿಗೂ ಹೆಚ್ಚು ಕಾಲ ಆಯಾಸವಾಗದೆ ಕುರ್ಚಿಯಲ್ಲಿ ನೇರವಾಗಿ ಕುಳಿತುಕೊಳ್ಳಲು ಹೇಗೆ ಸಾಧ್ಯವಾಯಿತು ಎಂದು ಇಡಿ ಅಧಿಕಾರಿಗಳು ನನ್ನನ್ನು ಕೇಳಿದರು. ಅವರಿಗೆ ನಿಜವಾದ ಕಾರಣವನ್ನು ಹೇಳಬಾರದು ಎಂದು ನಾನು ಭಾವಿಸಿದೆ, ನಾನು ಅವರಿಗೆ ನಾನು ವಿಪಸ್ಸನ ಮಾಡುತ್ತೇನೆ ಎಂದು ಹೇಳಿದೆ. ನೀವು ಅದರಲ್ಲಿ ಹೆಚ್ಚು ಗಂಟೆಗಳ ಕಾಲ ಕುಳಿತುಕೊಳ್ಳಬೇಕು, ನೀವು ಅದನ್ನು ಅಭ್ಯಾಸ ಮಾಡಿಕೊಳ್ಳಿ ಎಂದು ಅವರು ತಮಾಷೆಯಾಗಿ ಹೇಳಿದರು.

ನಂತರ ರಾಹುಲ್ ಗಾಂಧಿ ಅವರು ಐದು ದಿನಗಳ ಕಾಲ ವಿಚಾರಣೆ  ಪ್ರಕ್ರಿಯೆಯನ್ನು ವಿವರಿಸಿ ನಾನು ಎಲ್ಲಾ ಪ್ರಶ್ನೆಗಳಿಗೆ ಉತ್ತರಿಸಿದೆ.  ಎಲ್ಲಾ ಉತ್ತರಗಳನ್ನು ಪರಿಶೀಲಿಸಿದ್ದಾರೆ. ನಾನು ಹೆಚ್ಚು ಹೊತ್ತು ಕುರ್ಚಿಯಲ್ಲೇ ಕುಳಿತಿದ್ದೆ. ಕೊನೆಯ ದಿನ ಅಧಿಕಾರಿಗಳು ನನ್ನ  ತಾಳ್ಮೆಯ ಬಗ್ಗೆ ಕೇಳಿದರೆಂದು ರಾಹುಲ್ ಗಾಂಧಿ ಹೇಳಿದರು.

ನಾನು ಅವರಿಗೆ ಹೇಳಿದ್ದೇನೆ … ಸತ್ಯ ಏನು ಎಂದು ನಿಮಗೆ ತಿಳಿದಿದೆಯೇ? ನಿಜವೆಂದರೆ ನಾನು 2004 ರಿಂದ ಕಾಂಗ್ರೆಸ್ ಜೊತೆ ಕೆಲಸ ಮಾಡುತ್ತಿದ್ದೇನೆ, ನನಗೆ ತಾಳ್ಮೆ ಇದೆ, ಈ ಪಕ್ಷವು ನಮಗೆ ದಣಿಯಲು ಬಿಡುವುದಿಲ್ಲ ಮತ್ತು ಅದು ನಮಗೆ ತಾಳ್ಮೆ ಕಲಿಸುತ್ತದೆ ಎಂದು ಹೇಳಿದ್ದಾಗಿ ರಾಹುಲ್ ಗಾಂಧಿ ಹೇಳಿದರು. ಇದೇ ವೇಳೆ ತಾಳ್ಮೆಯ ಬಗ್ಗೆ ಸಚಿನ್ ಪೈಲಟ್ ಅವರನ್ನು ಉಲ್ಲೇಖಿಸುತ್ತಾ ಅವರು ತಾಳ್ಮೆಯಿಂದ ತಮ್ಮ ಲೂಕ್ತ ಸ್ಥಾನಕ್ಕಾಗಿ ಕಾಯುತ್ತಿದ್ದಾರೆ ಎಂಬುದರ ಸಂಕೇತವಾಗಿ ನಾವು ಜನರಿಗಾಗಿ ಹೇಗೆ ಹೋರಾಡುತ್ತೇವೆ ಎಂದು ಹೇಳಿದರು.

ನಂತರ ಅವರು ನಿರುದ್ಯೋಗ, ಎಂಎಸ್ ಎಂಇ ವಲಯವನ್ನು ಹಾನಿಗೊಳಿಸುವುದು ಮತ್ತು ಇತರ ಹಲವಾರು ನೀತಿ ನಿರ್ಧಾರಗಳ ಮೇಲೆ ಕೇಂದ್ರದ ಮೇಲೆ ದಾಳಿ ಮಾಡಿದರು.ದೇಶದ ಅತಿದೊಡ್ಡ ಸಮಸ್ಯೆ ಉದ್ಯೋಗಗಳು ಮತ್ತು ಸಣ್ಣ ಮತ್ತು ಮಧ್ಯಮ ಉದ್ಯಮಗಳಿಗೆ ಹಾನಿ ಮಾಡುವ ಮೂಲಕ ಸರ್ಕಾರವು ದೇಶದ ಬೆನ್ನುಮೂಳೆಯನ್ನು ಮುರಿದಿದೆ ಎಂದು ಅವರು ದೆಹಲಿಯ ಪಕ್ಷದ ಪ್ರಧಾನ ಕಚೇರಿಯಲ್ಲಿ ಸಮಾವೇಶಗೊಂಡಿದ್ದ ಕಾಂಗ್ರೆಸ್ ಸಂಸದರು ಮತ್ತು ಶಾಸಕರನ್ನು ಉದ್ದೇಶಿಸಿ ಹೇಳಿದರು. ಇಡಿ ಅವರನ್ನು ಪ್ರಶ್ನಿಸಿದ ನಂತರ ಒಗ್ಗಟ್ಟು ಪ್ರದರ್ಶನಕ್ಕಿಳಿದು ಸಭೆ ನಡೆಸಿದರು.

Share