ಬೆಂಗಳೂರು: (ಸುವರ್ಣ ವಿಧಾನಸೌಧ) ಡಿಸೆಂಬರ್‌ ೧೫ (ಯು.ಎನ್.ಐ.) ವಿಧಾನ ಪರಿಷತ್‌ ಫಲಿತಾಂಶ ಅನಿರೀಕ್ಷಿತ. ಕನಿಷ್ಟ ೫ ಸ್ಥಾನಗಳನ್ನಾದರೂ ಗೆಲ್ಲುವ ನಿರೀಕ್ಷೆ ಇತ್ತು ಎಂದು ಜೆಡಿಎಸ್‌ ಉಪ ನಾಯಕ ಬಂಡೆಪ್ಪ ಕಾಶೆಂಪೂರ್‌ ಹೇಳಿದರು.

ಅವರಿಂದು ಸುವರ್ಣ ವಿಧಾನಸೌಧದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದರು.  ಆರರಲ್ಲಿ ಐದು ಸ್ಥಾನಗಳು ಬರಲಿದೆ ಅಂತಾ ನಿರೀಕ್ಷೆ ಇತ್ತು ಹಣ ಬಲದ ಕಾರಣ ನಮಗೆ ಸೋಲಾಗಿದೆ ಆದರೆ, ಮಂಡ್ಯದಲ್ಲಿ ಸೋಲುತ್ತೇವೆ ಎಂದುಕೊಂಡಿರಲಿಲ್ಲ ಆದರೂ ಜನರು ನಮಗೆ ಬೆಂಬಲ ನೀಡಿದ್ದಾರೆ. ಮೈಸೂರು, ಹಾಸನದಲ್ಲಿ ಗೆದ್ದಿದ್ದೇವೆ ಇದಕ್ಕಿಂತಲೂ ೨೦೨೩ರ ಚುನಾವಣೆ ಬಹಳ ಮುಖ್ಯ ಅಂತಾ ಕುಮಾರಸ್ವಾಮಿ ಹೇಳಿದ್ದಾರೆ ಎಂದು ಹೇಳಿದರು

ಹಲವು ಕಡೆ ಕಾಂಗ್ರೆಸ್‌ – ಬಿಜೆಪಿ ನಡುವೆ  ಮ್ಯಾಚ್ ಫಿಕ್ಸಿಂಗ್ ಆಗಿದೆ. ಎರಡೂ ರಾಷ್ಟ್ರೀಯ ಪಕ್ಷಗಳ ವಿರುದ್ಧ ನಮ್ಮ ಹೋರಾಟ ಮುಂದುವರೆಯಲಿದೆ ಎಂದು ಅವರು ಇದೇ ಸಂದರ್ಭದಲ್ಲಿ ಹೇಳಿದರು.