ಕೊಲ್ಕತ್ತಾ: ಡಿ. 15 (ಯು.ಎನ್.ಐ) ಪಶ್ಚಿಮ ಬಂಗಾಳವು ಕೊರೊನಾ ವೈರಸ್‌ನ ಒಮಿಕ್ರಾನ್ ರೂಪಾಂತರದ ಮೊದಲ ಪ್ರಕರಣವನ್ನು ಬುಧವಾರ ವರದಿ ಮಾಡಿದೆ.

ರೋಗಿಯು 7 ವರ್ಷದ ಬಾಲಕನಾಗಿದ್ದು, ಆತ ಇತ್ತೀಚೆಗೆ ಅಬುದಾಭಿಯಿಂದ ಬಂದಿದ್ದಾನೆ. ಮುರ್ಷಿದಾಬಾದ್ ನಿವಾಸಿಯಾಗಿರುವ ಬಾಲಕ ಡಿಸೆಂಬರ್ 10 ರಂದು ಅಬುದಾಭಿಯಿಂದ ಹೈದರಾಬಾದ್ ವಿಮಾನ ನಿಲ್ದಾಣದ ಮೂಲಕ ಪಶ್ಚಿಮ ಬಂಗಾಳಕ್ಕೆ ಬಂದಿದ್ದಾನೆ.

7 ವರ್ಷದ ಬಾಲಕನ ಮಾದರಿಗಳನ್ನು ಆರ್‌ಟಿ-ಪಿಸಿಆರ್ ಪರೀಕ್ಷೆಗೆ ತೆಗೆದುಕೊಳ್ಳಲಾಗಿದ್ದು, ವರದಿಯಲ್ಲಿ ಪಾಸಿಟಿವ್​ ಬಂದಿದೆ. ಜಿನೋಮ್ ಸೀಕ್ವೆನ್ಸಿಂಗ್​ನಲ್ಲಿ ಒಮಿಕ್ರಾನ್ ರೂಪಾಂತರಿ ತಗುಲಿರುವುದು ದೃಢಪಟ್ಟಿದೆ.

ಬಾಲಕನಿಗೆ ಮುರ್ಷಿದಾಬಾದ್ ಜಿಲ್ಲೆಯ ಸ್ಥಳೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಆದ್ರೆ ಬಾಲಕನ ಪೋಷಕರಲ್ಲಿ ಸೋಂಕು ಕಂಡುಬಂದಿಲ್ಲ.