Connect with us


      




ಕರ್ನಾಟಕ

52 ಕುಟುಂಬಗಳಿಗೆ ತಲಾ 1 ಲಕ್ಷ ರೂ. ಕೋವಿಡ್ ಪರಿಹಾರ ವಿತರಣೆ

Kumara Raitha

Published

on

ಬೆಂಗಳೂರು:ಜನೆವರಿ 05 (ಯು.ಎನ್.ಐ.)  ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರು ಹಾಗೂ ಯಲಹಂಕ ಶಾಸಕರಾದ ಎಸ್.ಅರ್ ವಿಶ್ವನಾಥ್ ಅವರು ಕೋವಿಡ್-19 ರಿಂದ ಮೃತಪಟ್ಟ 52 ಜನರ ಕುಟುಂಬಗಳಿಗೆ ಕರ್ನಾಟಕ ಸರ್ಕಾರದ ವತಿಯಿಂದ ತಲಾ 1 ಲಕ್ಷ ರೂಪಾಯಿ ಪರಿಹಾರವನ್ನು ಬುಧವಾರ ವಿತರಣೆ ಮಾಡಿದರು.
ಇದೇ ವೇಳೆ ಸರ್ಕಾರಿ ಸ್ಥಳಗಳಲ್ಲಿ ವಾಸಿಸುತ್ತಿರುವ 165 ಕಡು ಬಡ ಕುಟುಂಬಗಳಿಗೆ 94 ಸಿಸಿ ಅಡಿಯಲ್ಲಿ ಹಕ್ಕುಪತ್ರ ಮತ್ತು 120 ಜನರಿಗೆ ವೃದ್ಧಾಪ್ಯ ವೇತನ ದೃಢೀಕೃತ ಪ್ರತಿಗಳನ್ನು ವಿತರಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಕೊರೊನ ಮಹಾಮಾರಿಗೆ ತುತ್ತಾಗಿ ಕುಟುಂಬದ ಸದಸ್ಯರನ್ನ ಕಳೆದುಕೊಂಡ ಅನೇಕರಿಗೆ ಆರ್ಥಿಕ ಸಂಕಷ್ಟದ ಪರಿಸ್ಥಿತಿ ಎದುರಾಗಿದ್ದು, ಅಂತಹ ಬಡ ಕುಟುಂಬದ ನೆರವಿಗೆ ಸರ್ಕಾರ ನೆರವಾಗುವ ನಿಟ್ಟಿನಲ್ಲಿ ಒಂದು ಲಕ್ಷ ಪರಿಹಾರ ಹಣ ಘೋಷಣೆಯಂತೆ ಸ್ಪಂದಿಸುವ ನಿಟ್ಟಿನಲ್ಲಿ ಸಾರ್ಥಕ ಸೇವೆ ಇದಾಗಿದೆ ಎಂದು ಹೇಳಿದರು.
ನೆರವಿನ ಹಣ ದುರುಪಯೋಗ ಆಗದಂತೆ ಸದುಪಯೋಗ ಮಾಡಿಕೊಂಡಾಗ ಮಾತ್ರ ಸರ್ಕಾರದ ಆಸೆ ನೆರವೇರುತ್ತದೆ. ಹಣ ಕ್ಷಣಿಕ ಸಮಾಧಾನ ನೀಡುವುದು. ಆದರೆ ಕುಟುಂಬದ ಸದಸ್ಯರನ್ನ ಕಳೆದುಕೊಂಡ ನೋವು ಯಾವ ಹಣದಿಂದಲೂ ತುಂಬಲು ಸಾದ್ಯವಿಲ್ಲ ಎಂದು ತಿಳಿಸಿದರು.

Share